تعودت نفسي على عيشة الرغد 00 حصريا للمضايف

حصريا لمضايف قبيلة عنزة

تعوّدت نفسي على عيشة الرغد = واثري حياة العز ماهي بدايمه

ياسرع ماذيك الليالي تغيّرت = والياس بانت في حياتي علايمه

مسّيت حبل الوقت والوقت مسّني = عيّا يداوي من جروحي سقايمه

واصبحت بين أمسي ومابين حاضري = أبكي على الأطلال والروح هايمه

مرّتني الذكرى وهاجت صبابتي = وجدّت علي من المواجع قدايمه

لك آلله ياشوق ( ن ) دعاني وجابني = من أقصى خيال ( ن ) فيه الافكار حايمه

كنّه يصاليني على واهج الغضى = وحامي هجيره تكتويني سمايمه

جزا آلله 00 من خلّت دموعي بهجرها = مثل السحاب اللي تحدّر غمايمه

وجدي عليها 00 واشتياقي بعد لها = شوق السقيم اللي تردّت عزايمه

لابارك الله بالهوى واحسب الهوى = مثل البحر فيه أكثر الناس عايمه

خلّف طعونه في ضميري وخلّدت = سود الليالي مامضى من رسايمه

ذكرى غزال ( ن ) قاد جول ( ن ) من الظبا = ومن قبل أصيبه 00 صوّبتني سهايمه

بعيون خرس ( ن ) ناظرتني وسلهمت = عزّي 00 لمنهو ساهي الرمش ضايمه

تخيّلت فيها انعاس باطباقة الهدب = واثر العيون المسبله 00 غير نايمه

ياعاذلي 00 تدري فؤادي بحبّها = ماطاع شور ولا سمع هرج لايمه

أموت 00 واحيا كل ماحل ذكرها = وانوح لا هب الشمال بنسايمه

لو شفت عذب شفاتها لاتبسّمت = أفطرت 00 لو كل المخاليق صايمه ! !

صح لسانك الوف وملايين يابو خالد

رائعه من روائعك المعهوده

لاهنت ولا هان منطوقك الجزل

تسلم يمناك ودام لنا نزف قلمك

دمت بخير

صح لسانك اخوي الغالي دحام على ماقدمته من أبيات في قمة الروعة
يشرفني ويسعدني المرور بمتصفحك
لاهنتي يالغلا،،،

أمـوت 00 واحيـا كـل ماحـل ذكرهـا
وانـوح لا هــب الشـمـال بنسايـمـه

لـو شفـت عـذب شفاتـهـا لاتبسّـمـت
أفطرت 00 لو كل المخاليـق صايمـه !

اااااااااااااالله


الاخ دحام الهذال


قصيده من أروع ماقرأت

محكمة البناء مترابطه تزاحمت فيها الصور الشعريه الجميله

تشد القارئ من البيت الاول

تعـوّدت نفسـي علـى عيـشـة الـرغـد
واثـري حيـاة العـز مـاهـي بدايـمـه

وتجبره على أعادة القراءه

صح السانك وعلا شانك

اقبل مروري وتحياتي وتقديري لك

دحام بن بدر الهذال


صح السانك مدد بلا عدد


الاشاده والأطراء خالصين منها


سجل اعجابي وتقديري لك

	القدير دحــــــــام بن بدر الهذال تحية الود والمحبه لشخصك العزيز لمن هو بمستواك ياابوخالد لا يقال له الا الف الف شكر لهذا الاتحاف الراقي الجميل ومتعك الله با الهناء والعافيه كما امتعت واطربت واثلجت صدورنا بهذه الدره والتحفه الثمينه الله لا يضرك نص مذهل مدهش فلا غرابه على قامه شعريه هامه ان يقدم لنا مثل هذا الاتحاف فقط اقووول دمت لشعر فخرا وعزا ايها العملاااااق وصح السانك يابو خالد

كنّـه يصالينـي علـى واهـج الغـضـى
وحامـي هجـيـره تكتويـنـي سمايـمـه

جزا آلله 00 من خلّـت دموعـي بهجرهـا
مثـل السحـاب اللـي تـحـدّر غمايـمـه


الشاعر القدير/ دحام ال هذال


الله الله شكرا اخي فقد امتعتنا بهذه القصيده

لا فض فوك وصح السانك وفكرك

الله الله
صـــح لسانك وعتلا شانك

ياالشاعر دحام الهذال

وبيــض الله وجهــك

قصيده رائعه وليس لها مثيل

خالص تقديري لسموك...,,

ابوخالد
صح لسانك حتى ترضى وبيض الله وجهك على هالنص الاكثر من رائع
ودي

هرم المضايف / دحام ال هذال الله عليك... الله عليك.. أمـوت 00 واحيـا كـل ماحـل ذكـرهـا وانــوح لا هــب الشـمـال بنسايـمـه لـو شفـت عـذب شفاتـهـا لاتبسّـمـت أفطرت 00 لو كل المخاليـق صايمـه ! ! كل الكلمات تعجز أن تعبر عما قرأته من جمال خلاب.. هكذا يكون الابداع والجمال متحالفان.. استمتعنا بمعزوفتك الشعرية.. فصح لسانك وسلم بنانك