ذكرى وأشتياق \ديوان ابراهيم حرير العنزي

جيت عاني


هذه القصيدة مهداه للنائب عبدالله بن خلف الدوسري

تكفى يابو راشد وانا جيت عاني = حدتني أظروني وزايد عنايه
ياالدوسري وانت خبير المعاني = شاعر كبير بقمة المجد رايه
تبني أبيوت الشعر شروى المباني = حرفة خبير ماأخذها هوايه
وفي مجلس النواب للشعب حاني = حر تقول الراي ماهي دعاية
ماهي غريبة من عريب المجاني = الاجودي دايم لربعه وقايه
من لابة يزمون والعمر فاني =هطلين الايدي معطيين العطايه
اعلومهم عز ابماضي الزماني = حمايت الوادي بطيب الرعايه
وبقرية الزلاق و العلم زاني = لي الفخر لاقلت أنا ياقصرايه
والجار له حق اذا كان داني = والبعد مايبعد اذا الطيب غايه
مرت اسنين وعيش بالاماني = ايجار والايجار من ذو البدايه
تعدت العشرين محد دعاني = ولاقال لي مسؤؤل هذا كفايه
من الاربعه وتسعين هذا مكاني = أرحل وارد ارحل واقفى صبايه
قعدت متقاعد وقاعد معايه = العايله ترجو السعة والحمايه
ضاقت عليه الدار واللي رماني = زود الايجار مانفعني رجايه
يالله عن الزلات تطهر الساني = وترزقني أبويت باحدى الزوايه

هب ريح الشمال وحرك الموج موج= ورحبت ديرة البحرين والموج ماج
ربعنا عيال وايل متعبين السروج =لاتحرك مع الدخان ريح وعجاج
رحبوا براعي العرفا وحامي الخلوج=شيخناالشيخ ابومطشربشوش الحجاج
وال خليفة فخرنا محكمين الفجوج = شيدو بالبحر للعلم نور وسراج
يا بلاد حصينه والعدو ما يلوج =غير من يبغي المعروف بالطيب لاج
وحن ذراها وسندها وقت الايام عوج =مسنعين العدو لاصار فيه أعوجاج
نتبع القايد بفوج (ن) يباريه فوج = لانخى عيال وايل فزعة بنفراج
يا مليك التسامح ماسحة كل صوج = بك محبه وطيبه للمواطن علاج
ياالله أحفظ بلدنا من حقود يدوج =نوب عند الجبل واحيان عندالبلاج
واجعل ايامها خضرا وارضه مروج =مهتنين(ن)هل البحرين دوم ابتهاج

( الفزعة )

السيف يلمع فوق عالي اجبالها = والخيل تصهل يوم زاد اجتوالها
وصقرالعروبةعزمن كان فزعته = غز اللواء للحرب ثم انثنالها
السيف الاجرب ماسكه في يمينه = سيف أنذكر بالعز يوم احتمالها
امامها الشجاع بالطيب والكرم = وحرر اديار ثم امن حلالها
وعبد العزيز ابوه موحد الوطن = وحد قبايل كان دايم قتالها
وابومتعب فزعة السعد فزعتة = فزعة عريب الساس ياحي فالها
قال ابشري ياديرة العرب واحتمي=الديرة اللي لازم ينعنالها
هي ديرة البحرين والعز والفخر = ام العيون ام النخل من اوالها
ودلمون لها تاريخ منقوش بالصخر= قليل بالتاريخ يوجد امثالها
وحكمها من نسل وايل تحدروا = قبيلة بالعز يذكر اعيالها
ال خليفةابطال من ماضي الزمن = اخوان نجلا بالمكارم افعالها
ومليكنا بالطيب يضرب به المثل = لاقالوا ابو سلمان ثم ارتكالها
خلى بلاد الخير يرقى بها البناء = الدرة اللي جل جهدة هدالها
وحنا بلد واحد من قبل نتحد=اشجرة التعاون نحتمي في اظلالها
والله يتممها على الخير والفرح = مسيرة بالخير صرنا ابجالها

الشام تنخى

الشام تنخى من يجاوب دعالها = وكل يوم يذبح ذبح اغلى أعيالها
والمجرم اللي زايد في اجرامه = حلل حرام وثم حرم حلالها
بالبرد حرم لايعيشون بالدفى = وكل الوسايل صار يقطع ارسالها
حتى المريض اللي ايترجاله الشفى= بالمشفيات وخاليه من ادوالها
صارت مراكز امن يحضروصولها=شاف العنى من هوانجبرأوعنالها
وعجايز(ن) وشيبان (ن)ياصعب مشيهم =يدورعلى محميتن يلتجالها
القصف من فوق ابصواريخ للبناء =راحت ابيوت مع اهلها أزالها
بشار الله لايبشرك بالرضى = مابك شعور من البشر يااحثالها
هدمت للدولة ويتمت للشعب =انكبت عوايل الله اعلم ابحالها
انت عديم الدين مجهول بالنسب= حتى اليهود ارحم لنا باحتلالها
نفذت لافكار المجوس الخبيثه = واصبحت انت اللي تحقق امالها
لكن أملنا بالذي خالق السماء = يوحد قلوب الشعب ويجمع اوصالها
وجيش رفض للظلم يحزمبه الظهر= ابطال بالشدات مافي أمثالها
مهدد من الجو والارض والبحر =وامه وابوه وزوجته مع اطفالها
الحرب للعدوان ماهي ابمثلها = حرب صعيبة عسرة باحتمالها
الا لمن هوناسي الموت والخطر =قوي بالله مثل قوة اجبالها
بكلمة التوحيد والعز للوطن = الديرة اللي روح روحه هدالها
هذا الوطن للكل منباع للاسد =وكل الطوايف خير ارضه ينالها
بلاد بها البترول والقمح والنهر = ورد الربيع امفتح في اسهالها
الله يحميها من الظلم والقهر =وتبقى اشجرة الشام ظافي اظلالها

يابو مشعل


هذه القصيده ترحيبيه بالاخ محمد ثنيان الرويلي

يابو مشعل ضيفنا اللي ناطرينـــــه = وصل اليوم ونبي منكم اجـــازه
واجب الضيفان وانتم عارفينـــــــه = لازم اناديه مـــن أي عــــــــازه
من يقوم ابواجبه ربي يعينــــــــــه = يقضي الحاجات ويسهل اعتيازه
ومن لفانا ضيف لو هو سفــــــينـه = انختمله مرحبا فـوق ابجــــوازه
وضيفنا معروف ربعه خابرينــــه = ابو خالد السهــــــم الطيب حـازه
من هل العليا عسى تسلم يميـــــنه = وايلي دوم يشعـر باعتـــــــزازه
ابرك الساعات والمجلس يازينـــه = يوم شفنا الضيـف مركي باللهازه
من ايحول عند ربعه خادمــــــينه = لين ينــــوي للسفر صفط جهـازه
سامحونا عن قصور شايفيـــــــنه = وانتـــــشرف من عرفناه اجهـازه
الجهاز اللي استفدنا من رطيــــنه = ايقرب الاخوان وتزول الـحـزازه
الجنوبي والشمالي له عوينــــــــه = مايفيد الشخص بعده وانحيــــازه
من يفرق ربعنا زيدوا دفـــــينـــه = مانبي المنبوذ شيلـــــــوه بجنازه

( باب القصايد الوطنية )

طير بر وناحـر يـم الجزيـرة = يطلب المقسوم من رب العبـادي
ربنا الـرزاق عـلام السريـرة = عالم بالكـون رحمـن جـوادي
خالق الارواح داري في مسيـرة = عالم باصولها لو هـي بعـادي
طير شلوى مازبن وسط الحظيرة = يحتمي في ظلها ضـد المعـادي
ساكن راس الجبل عينه سهيـرة = دايم يصيد ماهو مـن يصـادي
امن بهذا الوطن من عقب حيـرة = عقب مايكفخ مع الخليان غـادي
منوة عش ويفرش به حصيـرة = ويترك الترحال كلـه والهـدادي
القى ربعي والاهل هم و العشيرة = ديرتي فيها معاشـي والرقـادي
افتخر لاقالـو البحريـن ديـرة = هي بلاد العز هي احلى بـلادي
واسعه في نظرتي لوهي صغيرة = يلتجي في جالها من جاه حـادي
بظل حكام الوطن قادوا المسيرة = ال خليفه تاج راسي هم سنـادي
عيال وايل وقفوا حين العسيـرة = ينثنون اخوان نجلـى بالعتـادي
ومن تحضر استقر نوخ بعيـرة = اندمج في المجتمع ثم استفـادي
وما نسى عادات ربعه باي سيرة = ماشي فيهـا وماخذهـا مبـادي
داخل بدمه على الاسلام غيـرة = ماتمثل بالعـدو ويقـول عـادي
اماشي التيار عميـان البصيـرة = ناسي عادات ربعـه والجـدادي
خاضوا الصعبات باوصاف مثيرة = يقعدون العدل مقعـاد الهـوادي
يرحمون الشيـخ والام ضريـرة = الكرم والطيب من طبع البـوادي
والعفف والجود وحماة القصيـرة = يجتنب لاكان ماشـي بانفـرادي
والصبر والحلم صاير له ذخيرة = يضربون امثال في صبر المهادي
والشجاعه في المهمات الخطيرة = يكسرون الضد لانادى المنـادي
لازبن مضهود باوقـات مريـرة = زبنوه ولاذ عن حـر وبـرادي
صادقين الوعد ووجيـه سفيـرة = لا عطوا ميثاق عز الله وكـادي
ولو نعد اوصافهم صارت كثيرة = واختلاف الطبع من وادي لوادي
استقرينا عسـى بالامـر خيـرة = بفضل رب البيت حقق لي مرادي
ونحمـد الله مامشينـا بالمعيـرة = مبعدعن قول من نقـص وزادي
ماشي بالحق في وقت الظهيـرة = وغيرنادي الشعر ماطبيت نـادي

دامت اللافراح في دار الكرام = ال خليفة دارهم ربي حماها
صارت البحرين واحة للسلام= ازهرت في ارضها ونور سماها
اتقدم للتطور كل عام = تحفظ التراث وتطو ر بناها
وبالجسور وبالمباني والنظام = صانها الميثاق والاسرة رعاها
العجايز والارامل والايتام = نالها القانون والراتب عطاها
الملك في كل حب واهتمام = وجددت للقايد العادل ولاها
عاش ابو سلمان الحر الهمام = قالت البحرين والعالم معاها
قدروه وقلدو ه بكل وسام = ورايت الاصلاح مرتفع لواها
تشهد الافعال من قبل الكلام = عفو شامل كامل المدة رماها
سهل العيشة ويوفي بالتزام = لاجل شعبه قسط للمسكن عفاها
وفي نظام الجامعة زاد العلام = خفف الرسوم والاجر وسواها
بايعوه الشعب وايده العمام = بكل خبره بالتجارب هو خذاها
ومع ولي العهد يشتدد الحزام = قايد القوات لبلاده فداها
والمواطن يشعر بكل اهتمام = لين غادر ديرته والا لفاها
في روابي الدار اصبح شخص هام= حر ياخذ وجهته اللي هو يراها
ياالله احفظ دارنا من كل خصام = وتبعد الفتنه وتكفينا بلاها
في بلاد الخير دام الامن دام = بالرجال اللي يامن في ذراها

اشرقت شمسنا ديرتي صارت تبين = بينت بين الامم شبعها اعلن ولاه
نورت بحريننا واكتمل عشرة سنين = واصبحت كالزهرة نابته وسط الفلاه
ريحها المشموم خالط اوراق الياسمين = مستحيل من ربى بارضها راح وسلاه
ديرة الاجواد دار الكرام الطيبين = ال خليفة فخرها يوم ازدادت حلاه
ياجزيرة وسط عيني لها شي ثمين = ساكنه وسط الحشى حبها ربي عطاه

ياالله احفظ بلدنا بكل الاحوالي = من حسود تغشى قلبه العله
دون ارض الوطن نرخصله الغالي =أروحنا وغالي الاموال نبذله
دارنا هي سندنا وهي لنا جالي = لانختنا رفعنا السيف وانسله
من نوى يغزي البحرين يقتالي=دون ارض العرب والدين والمله
دونها اعيال وايل هم حمى التالي = وال خليفه سنام المجد تاصاله
بوجه كل طامع هم سدها العالي=من نوها يشوف الخوف والذله