أصعب فقد .. بصوت الشآعر / عبدالعزيز الوادي

.:؛(أصعب فقد)؛:.

تدري وش الغبنه ..؟؟ اذا احتجت لأنجاس
................. كانوا تحت مآطآك.. واليوم هم فـوق

تمـوت مـا تطـلب ..!! ولا ترخي الراس
................. طبعك كذا من .. طــيـنة العــز مـخلوق

وتدري وش الضيقه ..!! اذا فرحة الناس
................. انك لـحالك تــشكي الهـم .. بـك عـوق

محـروم وتكابر ..!! عليك الزمن داس
................. حلم(ن) حلمته ضاع .. والجـوف مفتوق

وتدري وش اللي حابس(ن) فيك الانفاس ..!!
................. طيفه اليـا مـن مر .. والدمـع بالمـوق

يفز فيك الشوق ..!! مـع كـل نسناس
................. حر(ن) وحش .. ما برقع ولا بـه سبوق

وتدري وش أجمل كذب ..!! لا جاك هوجاس
................. ضحكتك لـ(اللي) .. يقابلك وأنت مخـنوق

كأنك قوي..!! والا انت ما عاد بك باس
................. واقف ولكن .. من عنا الوقـت محـروق

خذها خلاصة جرح..!! قد صابه الياس
................. ينزف قهر .. منه اشتكى قلب وعـروق

تدري وش اصعب فقد / هو فقد الاحساس
................. وتدري وش اصعب موت / لا مات بك شوق

للشآعر /عبدالعزيز الوادي