وعادك تقول آسف !

انا من عرفتك والسوالف سوالف ليل=وش اكثر من القصة القديمة انسولفها
مواعيد ليلة عيد ومبسم يجيب الويل=وكل ما تسلسل منْه قطره وانا ارشفها
بلاش افتح ارشيف الغزل والورود اتميل=على قولة ان المعرفه لا تعرّفها
وعلى راي ابو العرّيف ما دام مابك حيل=مُفيد الجمل ما فيه داعي نألفّها
عرفتك مثل مانا عرفتك يحبّ الهيل=يدلّه على كيف الوناسه اكيّفها
أشمك من اثيابك إلين الثياب اتسيل=والمّك من اطرافك واشيا اذلّفها
تنفست يا نرجس وفاحت زهور ابريل=تلملم اكاليلك والاوراق تعزفها
مزيجك مليكات النحل ترشفه وتشيل=من اورودك اللي شاب راسي وانا اقطفها
كأنك من الفردوس ولّى فرات النيل=تناثرت من شلال طيفك يا مترفها
كفايه تخليني حكايه لقال وقيل =وكذبات هاك العام وش فيك تكشفها
حبيبي ولا صدقت تطفي سنا القنديل=وانا من سنين اشعل حلامي و ولفّها
وعادك تقول آسف وآسف المّها حيل=يكلمه تقطعني وانا وين ابصرفها
كلامك دهن زبده وطيفك سوالف ليل=وفقاقيع حلمي كل محلم تنتفها