ح‘ـبيبتي .. مآني بخ‘ـير ..

سولف ..

تكلّم ..

قِل أي شي .. وش فيك ساكت !

ليه متغيّر عليّ ؟ ماكنت كذا !

معقولة حبّيت غيري في غيابي !

والاّ ماتبغى تجاملني بكلامك ..!

يعني أول كل كلامك لي مجامل ؟

ما أصدّق .. لو تقول انه صحيح لاتحاول ..

عووويد ...~

والله اذكر يوم تنطقها أحبّـِك ..

كان صوتك يرتجف ..

ودقّات قلبك مِسرعة ..

ما أصدّق .. لاياربي مو صحيح ..

والله أذكر يوم إنك تلعثمت بحروفك ..

وقمت تضحك يومنّي ضحكت ..

وقلت لي بـسّـك دلع .. وزاد ضحكي ..

بِس تكفى أمانهـ .. ودّي أعرف ..

وش فيك قل لي تكفى .. لييييه ساكت ؟؟


/


آهـ ياكلّ المشاعر .. والأحاسيس الدفينهـ ..

كيف أبجبرها حروفي بـ الحكي ..

وشلون أبي احكي ياحبي المفقود كلمهـ ..

مدري سكوت ٍ أو سكون ..

أو هو صمت ٍ يحتويني في حضور الخوف رَعشهـ ..

إ تصدّقي ....~

كان الكلام اللي أقولهـ من دموع ..

تسللّت بـ سكات من تحت الهدب ..

يوم الهَدَب كان يـ تتأتأ من حروف البوح رَمشهـ ..

ياللأسف ....

ما طاعني زخ الدموع اللي نِزل ..

وماهابني غيم الدموع اللي هَطَل ..

وكل هذا ولييييييهـ ساكت !!!

حبيبتي .. ماني بخير ..~

كرهت عقبك كل شي ..

لامن فرح ..

ولا من سعادهـ ..

حتى إبتسامات الزَهر .. ذِبلت قبل موت الزَهر ..

ومن بعدها مات الأمل ..

وصِرت الرحيق المرّ في طعم الألم ..

يمتصّني ليل الدجى رشفات من زهرة صباح ..!

ويني أنا .. و وينها ..

إثنين جمّعنا قِدر ..

والحين فرّقنا قِدر ..

ما كننا الاّ ..

إثنين جمّعهم و فرّقهم قِدر .!.~



الجمعهـ