احــــباب وذكـــريـــات الالـــم ....

البارحة ياطول ليل العاشقين وماصعبه
جاني على غفله من احساسي رسول
وانا مع نفسي وحيد
جدد لي الذكرى وايام الهوى
شي ٍ نسيته وانتهى
تجدد بلحظة حنين
حرك جمود العاطفه في داخلي
ثارت مشاعر راكده
باحت ترانيم الحزن في ريشة الشاعر نثر
حرك اصابع راحتي
اجتاحني شوق ٍ غريب للكتابه
نزف على بيض الورق 000 سود الهموم
نزع من الصدر المعنى جرح واحزان السنين
جرح ٍ تعبت اضمده واعالجه
حبره نزف من دمي
ومداده اصبح همي !!!



ليه العشق يبدا غريب
وينتهي فينا غريب
ليه الهنا صعب المنال
لحظه يجي ووقت ٍ طويل ٍ مايجي
وانا ارتجي انه يجي
ليه الوفاء اصبح محال
ليه الهوى والعشق شي من الخيال
يجمعك مع حسن الدلال
الله يجيبه بالحلال !!!



كل البلى ذكرى حبيب
ضاعت ملامح صورته
من طول اوقات البعاد
وزحمة هموم الحياه
استرجع الذكرى واتوه بداخلي
غرقان في بحر الهوى
الله يعين اللي هوى
والله يعين اللي انكوى !!!



كان الهنا في داخلي عنوان واضح للجميع
كان الحبيب اقرب من انفاس الحياه
استنشقه عطر وشذى
اشاركه اجمل مشاوير الحياه
واقاسمه طعم الهنا
يسكن بروحي ويتحرك بالعيون
والغالي اللي لاطلب شي ٍ يمون
هو الحبيب اللي عرفت الحب في نظرة عيونه
وارتوى قلبي من العشق وجنونه
وعشت الحب في ثورة جنونه !!!



ماكنت اعرف ان الفراق اقرب من حدود النظر
وانا الذي عشت بعيونه انتظر
والهوى طفل ٍ تربي في يديني يحتضر
راحل عن حدود النظر
وانا انتظر 000؟
ياقلب يكفي تنتظر !!!



انا 000!
اشقت له 0000 اشتقت له 0000
ودي اشوفه لو ثواني
واودعه 0000
واقول يمكن 000؟
ينتحر شوق المشاعر وسط لحظات الوداع !
اشتقت له 0000!!!!