فجـري البعيـد ..~

كل ليله كنت أشوفه .. بعد ماعز اللقا.. وأصبح الفجر البعيد .. ألمحه وأغمض عيوني.. وأسكن الغيم وأعيشه .. كل ليله.. أبتدي منه .. وأنتهي فيه .. وأعيده أنثر شموع الوله .. وإلبس الثوب الحرير أتهندم وأتزين وأتعطر .. وأنتظر لحظه يجيني هذا طيفه .. يقترب مني كثير .. من أشوفه .. توقف دقات الثواني .. والعمر لحظه أشوفه ..ألقى نفسي في عيونه .. نظرته فيني تنادي .. كل أشواقي بجنونه .. ومن نسيمه .. همسة شفاته تغازل ..ورده القلب وياسمينه .. وأسمعه .. إيه أسمعه ..أسمعه صوته يعزفني وأغني .. قربي مني خذيني .. وإسجنيني في وسط عينك وبالك تعتقيني .. قربي مني خذيني .. وإحتويني في وطن قلبك وبنبضك عيشيني .. قربي مني خذيني .. وإتركيني أشربك رشفه برشفه ... من ثنايا العشق رشفه ترتويني.. قربي مني خذيني .. بعثريني .. رتبيني ... شكلي مني أميرك.. ولبسيني تاج قلبك وإملكيني .. داعبي أوتار قلبي وإعزفيني .. وإطربيني بحسك الساحر سامريني .. قربي مني خذيني .. غرقيني فـ بحر حبك غرقيني .. وإن غرقت أكثر وأكثر .. إنقذيني وزمليني .. وبحضنك الدافي لملميني .... ياآسره روحي بيدينك .. قربي مني خذيني .. قيديني .. عذبيني .. موتيني .. سوي فيني ماتبين بس لاتتركيني.. عاشقك ميت غلا .. غارق في بحر الوفا .. مال لغيرك لو ينادي غير الجفا .. كان يرددهااا كثير .. (( يا ظما قلبي لقلبي.. وغربة اعيوني عن عيوني .. وينك انت .. ياترى الليله في صدري.. لا .. في جفني .. لا .. في الشعور اللي خطفني .. آه ... لو تدري بشوقي آه ... .يا ظما الدنيا بعروقي )) وآآآه ياحلمي الوحيد .. إغدرت فيك الليالي .. والقدر أصبح أليم .. مارحم دمعه عيونك .. وماوفالك غير قلبي وماخذلك إالا النصيب من عرفتك أغزل الحلم الجديد .. وكل ليله أنتظر فجري البعيد ..!! النجلا