اقلط يامجرد وايلي

السلام عليكم

اقلط اقلط يامجرد وايلي عندي كلام = والكلام اللي اقوله يسمعون وتسمعه
يوم هبت صيرميه وانكشف عرق الثمام = استوت في نظرتي كل الفصول الاربعه

و عليكم السلام ورحمة الله وبركاته
بس خط السلام متعوب عليه *_*

مرحبا بك في محلك و انت نابك ناب سام = شوف زايد او نديم و شوف من كانوا معه
صاحبك فج الغمام و طاحت اسراب الحمام = هات ماعندك مدامك عارف انك في سعه

عندي تمرين بعد شوي
نكمل الليله او باكر كانا حيين ان شاء الله

صحت الالسن متابعين

صح لسانك

البقا والمحترم يفرض علي الاحترام = انت تعرفهم وانا مالي وراهم منفعه
جيت ضيف وشفت بعض الناس ذابحها الهيام = اثرها كلمه تنززل رجل وكلمه ترفعه

ملاعب الغربي
صح السانك اسمك لحاله بيت شعر خخخخخخ
مجرد وايلي صح السانك بدايه طيبه ومشوقه
متابعين عن قرب

على راحتك يامجرد لنا لقاء ان شاء الله

صح بدنك نديم القوافي
صح بدنك عضو الاداره زايد الدغماني

شكرا لكما

ملاعب الغربي
صح السانك

استلم

اعرف الطيب و ابو الطيب و طيبت ألثام= قادره هزت قلوب شيوخ بنت الامعه
و انت اعرفك داهيه و الداهيه ماله امام = خلك الليله امام الناس و الطيب اجمعه

نديم - زايد




شكرا ً بحجمكما

يامجررد استلم
نبي اللعب مباشر الليله

مانصدق كذبة الكذاب لو يحلف حرام = الصحيح ايصح والكذبه نقول امصلّعـه
ياخساره يوم راح العود نطاح الجهام = مابقى الا مقعده هذا وهذا مهجعه

الله الله

بعض حاجات الشواعر ما تعدى عرض كام = و كل شمطاء ويب يا ملاعب تحب الجربعه
عنّهم كيف الشفاء ولا الشفاء حانات شام = قالوا ان العود فيها كل هم ً يصفعه