بوح من صميم الحرمان

(يالله عـسـى ماتـكـره النـفـس خـيـره
............................يــاوالـي الـدنـيــا عـلـيك الـتـدابـيــر)

بـيــتٍ عشـقـتـه لـه مـعـانــن كـبـيــره
............................اردده قــبــل افـهم الـشـعــر واســيــر

علمـنـي حـب الشـعـر وانا صـغـيـره
.............................والنفس لاعــافت اقول العـوض خير

وان الحياه وان طـال امدهـا قصيـره
.............................مـاتـسـتـوي نعـيـشـهـا هـم ونـحــيــر

والـصـبر مـفـتاح الـفرج والبـصـيـره
..............................والكسر ياتي لـه مـع الوقـت تجبيـر

وان الامــــل وكــتاب ربي ذخــيره
.............................ودوا الـقـلـوب ايات ربــي وتـكـبـيـر

آآآآه من همن تــوطن في حشـــــايه
اسـتـقـر بـوســط قـلـبـي واسـتـحـلـه

طول عمري حظـي مقصـر معايـه
لالقـى داخـل ضلوعـي فــرح شـلـه

يـاقـلــب لـيـتــك بـالــغــلا مـــــا تـمــاديــت
..........................واسـرفــت فـــي حـلـمـك وعـالــم خـيـالـك
يـامــا نهـيـتـك عـــن دروبـــه وصـديــت
..........................مــاهــو لــنــا يـاقـلــب لاتـصـيــر هــالــك
مـاطـعـتـنـي وانــــــا تـبـعــتــك وجـاريـت
..........................واليوم شف حـــالي وشـــف كيف حــالك!

روحي وانا بروح واريح الروح*
.................الوحده ارحم من صديق الندامه


الامر واضح مايبي كثرة شروح
.....................مايبري التبرير جرح الكرامه


عشرة عمر هانت على شان مصلوح
..................عن ناظري زالت غشاة الغمامه


الله يبحيك والغلط منك مسموح
................... ( كلن بدربه رافقتك السلامه )

تبي تعرف وش كثر مشتاق لك سم
...............................بحاول اوصف لك حدود اشتياقي

وخبرك عن شوق طاقي وبي لم
.............................عل وعسى تعبير وصفه الاقي..؟؟

شوق العقيم اللي تمنى تكون ام
............................تضم بيديها ( طفل لو معاقي )..!!

شوق الطفل لامه ليا.. شالها شم
..............................يشتاق لحظات الدفا .. والعناقي

شوق الغريب اللي طواه الدهر هم
...............................مشتاق لاهله بعد طول الفراقي

شوق البدو عقب ..المحل بارقٍ عم
..........................شوف المطر والسيل للارض ساقي

الشوق كل اللي سمعته لك (التم)
.........................بين الضلوع اللي ..بها الصدر ضاقي

وشوقي لك اكبر لاحدودٍ ولاكم؟
............................مـــاله عــلاج ولايداويــه. . راقي

تكفى طلبتك ليتنعم وقل ( تم )!
........................الشـــوق شوقني .. لـوقت التلااااقي

تعال طف الشوق ولخافقي ضم
............................تعــــال زادت لهفتــي واحتراااقي

تعبت ياليل الشقا من مسهارك
..........كـلـن يـنـام ولا تنـهـيـت بـنـعـاس

يـارب عنـي تزيـل الهـم والضيـقـه
.....................تعبت ادور على الراحه وتجفاني

حتى القلم من كتابتي نشـف ريقـه
..................ولاشال همي ولا بـدد لـي احزانـي

ابيات لها موقف معين..؟؟
اسأل الله ان يجبنا واياكم شر خلقه..




ماهمني من يقـــول اني مزاجيه !!
..........................ابيات شعري على كيفي اطوعها


هالناس مدري وش اللي خصها فيه
.........................رغباتهم والمشاعر غصب اتابعها



الشــــعر يوم اكتبه مــرات حريه
........................ومــرات من ضيقةٍ عجز اطــابعها



ومرات اجيبه خيال ودون ماريه
........................وساعات تجبرني الاشواق واشبعها



من فضل ربي ماهو بيدين وحشيه
..........................ناسٍ عجزت اتـــأقلم مع طبــايعها



تضحك معي والقلوب السود مخفيه
...........................تفرح بــزلات نفــسي مع مواجعها



والخلق لو طعتها ماهي بمرضيه
.............................لاقفيت كنك على لحمك مجوعها



ودك مثل هالبـــشر بالهـــم مبليه
..........................وافواهــهم ربي الخـــلاق يردعهــا

يحز في خاطري ذكراه مع جملتين!
........................ليت الليالي خذته ولا بحثت خافيه


على الاقل لو رحل يبقى بجوفي دفين
..........................اعيش ذكراه عن غيره لنا كافيه


بس القدر حالف المستور لازم يبين
.........................وجو الليالي يعكر عجها صافيه