ديوان الشاعر مساعد مزعل العنزي

يازارعين الورد والريحاني
بستانكم بالكون شيئا ثاني

لو كفت الاوطان والا جفت
يكفي جمالك في غني الاوطاني

انت اللذي بالكون زينك وافي
وغيرك جماله ناقص الاركاني

اكتب غرامك وانثره للعالم
مبداه جمله غربتي واحزاني

انت اللذي مثلي كتبت شعوره
في رحلة النسيان والحرماني

لو ترجع الدنيا على ماضيها
تقراء من الصفحات بالازماني

تلقى كتابات المحبه قصه
ياكيف مات انسان لجل انساني

وانا كتبت اليوم قصت حبك
حروفها غيمه على وجداني

على المبايل يوم جتني صوره
زف المشاعر هاجسي بلساني

سبحت في بحر المحيط الهادي
تايه بلا مرسى ولا قبطاني

برد الشتاء قارس ولامن شبه
طال الرحيل وضعت عن مسكاني

ومازال باقي لي مصير ومعبر
هذا الامل كان الزمان امداني
مساعد المزعل

الامل كالشمس تحجبها الغيوم
لو حجبها يوم في يوم ارتحل

والوصال ان طال لايمكن يدوم
والوصل لو ينقطع يبقى الامل

يعني الدنيا تغير كل يوم
يوم مر ويوما اشبه بالعسل

وين قلبا مانزف جرح وهموم
من جفى والا حبيبه ماحصل

ذابت الامال في وجه السموم
مات حلم اليوم والماضي رحل

من كتب جفواه بعيون النجوم
في كيان الكون ماحصل محل

طاشت الامواج في بحر العلوم
وذابت الازهار بعيون الخجل

مساعدالمزعل

جيت مثل السحاب اللي هجد نصف ليل
ورحت مثل النهار اللي قفاه الظلام

الله اكبر ذكرتك بعد جيلا وجيل
جيل باقي وجيل ادبر عليه السلام

ياسفينه على ميناه يوم الرحيل
ابحري ياسفينه فوق موج الغرام

وسط فكري خيال وبالصدر رجد خيل
والعزيمه تباها فوق سحب الغمام

عطر عبق الشمالي والنسيم العليل
ذكر القلب بيام السنين الكرام

لو غرامك ثبت بالقلب ماله بديل
كيف يرحل غلاك ولك مكان اومقام

بالزمان الجميل اللي ضحك للجميل
لين حبه حبا في وسط قلبي وقام

استباح الخطوط وصار ليه خليل
وستبحت السهر لجله ولالي ملام

مساعدالمزعل

لو تطلب عيوني وقلبي من افداك
وانا فديتك من صدوق الودادي

ياكيف طرفك يادعج العين مشقاك
وعيون من حبك سكنها السهادي

يسعد زمانك وابتسامة محياك
ياللي زرعت الحب وسط الفوادي

ومنيت قلب اللي تولع اب فرقاك
ترميه بالفرقى وضيم البعادي

ياكيف عين اللي تكحل بحلياك
وتشوفك اجمل روح واعلى مبادي

نرواك ساعة واخر الوقت نظماك
غطيت حبك فوق كلي وزادي

ياكيف قلبك حبني بالزمن ذاك
واصبحت عندك باخر الوقت عادي
مساعد المزعل

يشوش راسي لانخيت الرجاجيل
واجيب من جزل القصايد قصايد

لاصار من روس الرجال الحلاحيل
اللي لهم كسب الجمايل عوايد

وكتبت في عبدالعزيز المووايل
وحضرت من جزل المشاعر فرايد

من رأس قوما بالفخر سيد الجيل
من بين كل الناس بالطيب زايد

كل الصعايب قدم عينه تساهيل
له شور من فوق الصعيبات سايد

من لابة(ن)يوم اللقاء تعدل الميل
يوم الليال الاولات الشدايد

طوالعه لاجت على شرد الخيل
لو كاد ذاك اليوم ماهو اب كايد

هقواتهم ترقى على نجمة اسهيل
حازو علوم الطيب قبل الشهايد

مساعد مزعل العنزي

لي لابتن ياشيخ من عهد السنين الاولات
اقوالها بين العرب مقرونة(ن) بفعالها

درعي وسيف العزمافيهاحكي ومجاملات
ياشيخ وش لك بالعلوم اقصارها وطوالها

العز فيها ياوسيع المعرفه مافات بات
وعن كل جمت طيب ربعي ماتكف احبالها

والمال ماهو لرجال اقياس في بعض الصفات
وقت الوغى ماتعتزي روس الرجال اموالها

بالليله اللي من قساها مابها سلم ومبات
العز يانادى المنادي والسعد برجالها

وطبيعتي ياشيخ ماحب الفخر بالفايتات
لو ان ماضي لابتي حاضر بطيب اعمالها

وسبح وهلل واحمده بالباقيات الصالحات
والله يعز ال السعود اللي يضل اضلالها
مساعد مزعل العنزي

عديت رجما في جنوب الشمالي
قريب من داري جنوبا بتغريب

خالي لو ان العقل ماهو بخالي
زحمة مشاعريخطي العقل ويصيب

فكرة في ذيك الديار الخوالي
وش وضعها من قبل جيلين تقريب

وخذت في نفسي اعيد السوالي
اجيب بعض وبعض الاحيان مااجيب

وش قدمت نفسي وش اللي بقالي
لاصار بعد الموت مابه تجاريب

اما على الجنه تشد الرحالي
كسبت بالاعمال جزل المكاسيب

والا على النيران تصلي بصالي
ان مالطف بك عالم السر والغيب

وانت اللذي يرضيك جوا خيالي
وتزعلك ياهبت سموم اللواهيب

ويالله ياواحد عليك اتكالي
عبدك موحد دون شكا ولاريب

نطمع بلطفك يا عزيز الجلالي
ياغافر الزلات ياساتر العيب

مساعدالمزعل

كثر الغدر يوم ضاع الصدق بهل الزمان
وصارت شيمها وقدر الناس بموالها

في عالم العولمه في شدة الاحتقان
تزعل وترضى بشاحنها وجوالها

والقصه اللي تجي من دون قيد وضمان
نشرت خبرها يجي من قبل مرسالها

من فوق زيف المحبه كذب زيف الحنان
مشاعر الكذب ماجاء الحب في بالها

حبا خيالي بلا مبداء ولاله كيان
مافيه كلمه وفيه صادقه قالها

من خان لك يوم جالك يوم سابك وخان
اهل الخيانات ماتابت من افعالها

اعيد ذكرى الزمان اللي مضى كيف كان
يامطيب الناس فيه ومطيب احوالها

يوم التراحم وقدر الجار للجار صان
زيارة الطيبين اللي على فالها

مساعد المزعل

يروح روح الروح بينك ويني
مسافتن من بيننا مالها حدود

لو تنفع الدمعه عيون الحزيني
ماشفت مخلوقا على الأرض مضهود

الشمس غابت وادرك الليل عيني
والنوم طار وحبها للسهر زود

شكواك لله ياصلوف السنيني
الله يجازي سيرة ايامك السود

عيت ضروف الوقت معنا تزيني
والعمر قفى مابقي بالعمر فود

فكر المتيم مع شعور الحنيني
يسرح على طيف الخيالات ويعود

برق الشمال اللي مبيح كنيني
تعاقبت في خافقي برق ورعود


مساعدالمزعل

الغيم والبيت واهل البيت والدله
والجلسه اللي يسر البال طاريها

والارض ماهي بغرقانه ومعتله
متوالي العرق والاغصان مرويها

يعني الياقلت مصمد يمتلي كله
للحول تسرح وتاردله ضواميها

والارض يلعب زهرها منبعث فله
اشكال والوان فوق الارض كاسيها

هذا هواء شاغفا قلبي ومحتله
الا ملك حبها حالي ومشقيها
مساعدمزعل