ديوان الشاعر مساعد مزعل العنزي

الله ياذاك الزمن والمداهيل
بالله قلي. يازمن وش بقالي

مدري اسريها على طلعت اسهيل
والا تسرّع غيبتي واعتزالي

من قبل ماكان القمر يزعل الليل
واليوم صدر الليل ماهو شمالي

مدري افصلها على الفعل تفصيل
ولا تفصل كل ذاتي. وحالي

ياللي على دربي تذب المحابيل
حفظني الواحد عزيز الجلالي

لو الليالى مدبرات ومقابيل
البحر بحري والمواني خيالي

والا ترى ماعاد نحتاج تمثيل
طاح القناع وكل شي بدالي

لكن ترى لسود الليالي فناجيل
تسقيك من مره لو الوقت طالي

وان جار بك وقتك تراها تساهيل
ماتاسعك ياغير فية ظلالي

الكيد ماهو من طبوع الرجاجيل
من كبر كيدك ماتحرك عقالي

الشاعر/ مساعد المزعل

عليك ليل وسمح الله مماشيك
ذي حالة الدنيا افراق وتلاقي

والا الغلا مبطي ولافيه تشكيك
حبل المحبه ماقطعها الفراقي

ولاانت لك ماضي ويازين ماضيك
الكيف قبل الناس يمك ايساقي

واللي غداء قبلك من الناس يغديك
ماكل براق برق لك حقاقي

والنفس لاطواعتها حيل ترميك
ترميك في بيرا صعيب المراقي

تر طاعة الله عن هذولاك تغنيك
اهل النميمه والوشى والنفاقي

لو تنشد اللي ماشي الدرب ينبيك
قبلك مشاه وذاك مره وفاقي

اما على فالك فلاني مخاويك
حنا اعزاز وللغلط مانساقي
الشاعر مساعدالمزعل العنزي

القرار اللي اصنعه مبداء الكرامه
لو جرح قلبك نجح لله دره

الجروح اهون من دروب الملامه
توقف الرجال موقف مايسره

والكرامه والزعامه والشهامه
ماعليها قيود بين الناس حره

طبعها ماتنزل بيوت الرخامه
لين تشوف الجدي مع نجم المجره

ومايطيح. الرجل لاثمن كلامه
غير لامنه كشف للناس سره

والصقر ينصاد في شبك وحمامه
والقنوص ادهاه بالحيله تغره

وطيحته لاطاح ماتنقص مقامه
تكرمه روس الرجال ولاتضره

الشاعر مساعدالمزعل العنزي

ياللي شربت من المراره ربع كاس
حنا شربنا كاسها وانتهينا

مرت بنا الدنيا على كل الاجناس
بالجور. عزتنا وحنا عزينا

كم ابحرت فينا على بحر الافلاس
صكت مخابيها وشحت علينا

لو اضحكت من فقرنا مجمل الناس
عن ضحكهم حنا ترى مادرينا

الفقر بالاخلاق ومطمن الراس
مع جرة يمشي بها الناكسينا

والا ترى حنا مشينا على الساس
ومع سكة ماتستوي مامشينا

نزرع مع اهل الطيب وقفه ونوماس
من طيبة المعروف فيهم وفينا

واليا حزمنا حزمنا يكسر الباس
عاداتنا في كسرت المعتدينا

ولا تحسب ان كثر السواليف مقياس
المرجله وقت المواقف تبينا

يظهر بها رجلا تربا على ساس
من طيب فعله يزعل الشامتينا

اللي سوالفهم مثل حد الامواس
ماتطعن الا سيرة الغانمينا

مساعد المزعل

جرحك اللي بكالك بين كل الحضور
يكفي انه وفي لو كان جرحا عليك

اللياالي تغير والزمان. معذور
والمقدر تجيله من قبل. لايجيك

كل مافات عصر ابنيك بين العصور
وافرشه بالامل واجلس عليه احتريك

فوق سكه غريبه للغرابا عبور
تاجر الهم قبل تسام هو مشتريك

بين نار الشعور وبين برد الشعور
واقعا مايمثل سيرتك محتويك

ولاكتبك الغبي حرفين بين السطور
اكتبه صفر واحد مايجيله شريك

واحسن الظن بالله العظيم الشكور
مالك الملك ربك بالفرج مانسيك

الشاعر مساعدالمزعل العنزي

ياغيمة الهاجس البارح سحاب ومطر
وزحمة مشاعر. تزاحم عند ربانها

ومن بين كل الدروب ابحث وادور ممر
يوم المشاعر رمتني وسط ميدانها

يوم السهر يقتبس من وسط عيني سهر
وانا اقتبس جمرة. الواقع ونيرانها

والارض مسكونة من قبل سكن البشر
والحن والبن قبل الجن سكانها

وحنا خذينا من الدنيا دروس وعبر
ماتشوف بوجيهنا. مضراب نيبانها

واليوم وحده عمر والي مضالي عمر
ولي حاجة معبا نفسي على شانها

يالله ماغيرك اللي في يديه الامر
يالعدل. ياقاضي. اعبادك وميزانها

يامعيد الارض الهميده بعد جور الدهر
تحيي عروق الهشيم وتخضر اغصانها

ماني من اهل الكبر ولا من اهل الغدر
ولاني من اللي سهوم الشر بلسانها

وانا من.اللي لاشاف العيب صد وستر
ماهمني زلت العربان واحسانها

ماعندي اكره من اللي كل يوم بخبر
هماز لاماز شر الناس فتانها

شاطر بكسر الخواطر لاكسر ماجبر
منه المخاليق ضاقت داخل اكنانها

وحنا من اهل المكارم عادنا من صغر
لو المصارف. تقفل كل بيبانها

نفرح اليامن طلعنا عز جاه وقدر
مثل. المخيله وبارقها وهتانها

وبدايتي بالشعر بيتين نقش اب حجر
ومنها بدت جمرة. الواقع. وحرمانها

والله لو تبكي الصخره بكاها الصخر
وكل الجبال المحيطه هزت اركانها

واحيان اكذب على نفسي وادور عذر
مير الحقيقه ذبحني صدق برهانها

واللي بقا من حروب العام برضي شبر
ماتاسع الجثه اللي داخل اكفانها

الشاعر مساعدابمزعل اليمنه العنزي

بعض الحرايب نصرها نصر ممقوت
مثل مذلةة نصر حرب. القرايب

يرافعين الصوت هدوء من الصوت
حنا عليكم مثل غيث السحايب

نعرف حقايق مير عقال وسكوت
ترك الحقيقه بعض الاحيان صايب

لن الزمان. ايام وشهور ويفوت
وكم وكم يروح تحت النصايب

الطيب فينا ياابيض الوجه منعوت
وصكات بقعاء خلت الراس شايب

لاتحسب ان الصدر ضايق مكبوت
بعض المجالس خاطري منه طايب

جلسه على حشمه وصكه وبالوت
تسوى مجاليس الردى والزلايب

كم فرقوا خلان واقراب وبيوت
بسبابها راحة. ربوع وحبايب

ماتحترمك الا اليا. شتها شوت
نوابة. الشيطان لاصار. غايب

ترى الحياة اسنين وشهور وتموت
ماعاد تستاهل جميع. الطلايب

مساعد مزعل العنزي

الجهل مايبني حظارات وقصور
لو الطيور الطائره تكتنفها

والعلم نور ومنبع العلم من نور
في حاظر الامه وماضي سلفها

ترى الجهل ماثره دم وقبور
ولاجيت دار الجهل عجل وطفها

والي تذم العلم وعيونها عور
لو تجمع كنوز الملايين عفها

والرجل لو هو داخل الثوب مستور
يبين لك من كلمته لاحذفهها

والي على بعض القناعات مجبور
بعض قناعات المخاليق خفها

في دورة الافلاك بيام وشهور
واعمارنا مرهونة في طرفها

والطير يكف بالجناحين مسرور
من ماكره جنحان ريشه نسفها

تقدم مقادير المنايا على الفور
وميته من فوق طار وصدفها

ويالله ياللي جاعل البحر مسجور
كثير من يسمع بها ماعرفها

تجعل لنا ياولي الكون مقدور
نقدر صلاح نفوسنا عن زهفها

بنفوسنا زلات وذنوب وقصور
ووجيهنا عن طاعتك مانحرفها

مساعد مزعل العنزي

ديوان رائع بكل مافيه
تحفة الجزالة وسحر البيان
استمر بهذا التألق
لك ودي واحترامي

متابع باذن ألله

لاتامن الاصحاب في بعض الاحيان
ترى العداوه. سر بالقلب خافي

ماشفت الي رد الحساني بالاحسان
في نية اهل الخير طال المقافي

لاتقول ذا صاحب وذولاكك عدوان
احذر صحيبك طعنته من ا خلافي

ولا عداوات الرجاجيل لو كان
مماعاش بالغدرات رجلا اسنافي

اربع بيوتنا. مالها عد. واثمان
في غاية الموضوع والعلم كافي

وتخالف. الايام مع دور الازمان
ماني صديق له ولاني مجافي

حنا عزيزين. المبادي. لنا شان
مثل النهر من منبع الاصل صافي

وعسى طلوع اسهيل من غيث الاوطان
وعسى المطر من فوق الاوطان ضافي

وجه الزمن شفناه في كل اللاوان
واليوم. زايد لون شفته مضافي

مساعد المزعل العنزي