ذكرى وأشتياق \ديوان ابراهيم حرير العنزي

احن لانفنـف هبـوب الشمالـي=ابفجر الندى لافتحت فيه الازهار
اطبيعة لااصـار توجـد اقبالـي= تلقى النفل تلقى البختري ونـوار
وغير الطبيعة شوف عمي وخالي = ابمجالس تلقى بها خوش مسيـار
وترتاح من لوعات سمر الليالـي = وتنسى هموم داخل القلب قنطـار
لون الطبيعـة مايفـارق خيالـي= ماانساه واذكر يوم كنا به اصغار
وعن البداوه طال بـي انعزالـي = ولوهي بكيفي ماتعديـت شنشـار
ابمنـازل تعجبـك ياهممـلالـي = وتلقى الرفاقة بكل الاوقات حضار

داخل اراضي البحر ماينوجد فقع = وداخل اراضي قاحلة مابها حوت
لو جابوا اكبار السمك داخل النقع = يفتر مدة داخل النقع وايموت
من تابع التيار لازم يجي وقع = يصير في حبل الحضارات مسموت
ومن قلد البدوان عساه بالصقع = ضيع مسيرة بالطريقين مزتوت
لازانت الصحراء وربى بها بقع = اخير عند البدو من زهر بيروت
السمع مايرتاح لو كرر النقع = تشتت الافكار والبال مفلوت
ولو زادت اشقوق ترى مالها رقع = لو مر فوت مايفيدة بعد صوت
الثوب ما ينظف اذا للوسخ بقع = واللون مايزهي اذا كان مبهوت
بعض الحكي حكمة وبالنفس له وقع= وبعض الحكي غثك وهو غير مثبوت

على ا لشا طئ ولا يبقى ا تبلـل=ماعا ش أ بر و خا يف في بحرها
ا ذا هو جا لس با لمجلس تملـل= وا ذا واقف لحا له هـو قهرهـا
يخـاف أنـه ا ذا طـول تعلـل=وراح الليل مضى فـي سهرهـا
لا شاف الزين با لحلـوة تهلـل= ويمشي لا سمع هـات لمهرهـا
ولا سـرارة مـا واحـد تخلـل= وبعض أ حيان يعلن في جهرهـا
ولا يسمـح لغيـره لـو تسلـل =فضح للعلـم بالنـاس وشهرهـا
يصير ا لقـول ا يبـان وتجلـل= وصارت واضحة بأ جمل صورها
قعـد بالبيـت وبجالـه تظـلـل= وفي حين ا لمقا ضـي يعتذرهـا
حلم في مجلـس وا سـع مزلـل =وأ ساس الدار ماحـط لحجرهـا
ا يتغـلا علـى أ حبابـه تدلـل=0بدمـع العيـن أحزانـه همرهـا
بحث بأ سرار في نفسـه وفلـل =عن جروح لـه بانـارة جمرهـا
وترى الخيل الأ صايل لو تجلـل= ماعاب أجلا لها لـوه أبظهرهـا
ولـو بالـدرب ا طيـح وتزلـلل=كـل حصـان عثـرة ينعثرهـا
وكم مـن واحـد انهـان وتذلـل =فجوج الكون في عينه حصرهـا
حتى أ قرب واحـد راح وتحلـل=نسى فعـل ا لجمايـل أو نكرهـا
ذكـر لله ثــم كـبـر وهـلـل =عـرف دنيـاه بأقبـا ل ودبرهـا
لشـاف افعالهـا راح وتشـلـل= وذاق لحلوهـا وايضـا مررهـا
حقيقـة مـا عرفهـا ولا تحلـل=ولو ياصـل شواطيهـا عبرهـا

حدد مسيرك يابو خالد على شــــي = وبعض الافكار التايهات اجتنـبـــها
لاجاك فاشل في مشورة بعد عـــي = ولو كانت اراءة صحيـحة كسبــها
افكارة اشجرة بعيدة عـن الــــــري = او هرمـة راح الحراج وجلبـــــها
مابانت الرؤيا على الكيـف ياخـــي = جنب عن اهدافه عقب ما نصبـــها
جنب عن الماخوذ واسمعلي اشوي =ثمرة جهودك لاتكثر نـشبــــــــــها
ارس بقرارك مثل مركب على مـي = لاوصلت المينا نـزل مـن ركبـــها
واجعل لشغلك بصـمة كنها كــــي = والشاردات الواردات اتحـسبـــــها
اسوا الشـواة ولاتخلي لحــــم ني = والضرع لادرت لزوم اتحلبـــــــها
بالشمس خل المال واقعـد تحت في = واغصونها حط الحطب من حطبها
ولع بها نار على قمــــــة الضــي = ياشعلة بان السفر من لهبــــــــها
واكرم تمثل بالكــرم حاتم الطـــــي = كفك تحد الجامها ولا اتـهذبــــــــها
من دام ذكرة لو تــوفى بعد حـــــي = سدرة وفـــــــى راحت تمد بنسبها
وانت الحكيم الحازم الطيب اهـــدي = اخر مشـــــــورة عندكم وانت جبها

أبحث عن المعنى القوي في اسطورها=مجالـس الطيبيـن لازم أحضورهـا
وناخذ من عند الجماعـه شإورهـا=لصار مجلسهـم بالأفكـار مليـا ن
أفكار فيها الزيـن والـراي صايـب= فيها الحكم والوصف فيهـا عجايـب
نساءل عن الرجـال لوكـان غايـب= واذا احضر نستقبلة بيـن الأحضـان
أخـوان لـوآنـا بعـيـد القبـايـل =نوع النسب ماكـان للنـاس حايـل
ولاتبعـد العربـان أصـل العوايـل=عدنان هو الاصل والساس قحطـان
حنا العرب مافادنا الاصل والسـاس=لوه أيميزنـا علـى باقـي النـاس
لنا الفخر والحق لو نرفـع الـراس=وحنا بلـى الاسـلام لاشـك ننهـان
ابسـامـي الاخــلاق الله رفعـنـا=اللـى علـى ديـن المحبـة جمعنـا
عقب الضعف والخوف ومحد سمعنـا=وكل مع اخوانة والاصحاب بالشـان
قبـايـل متفـرقـة دوم عــدوان=خوف ورحيل وجاهزة كـل الأحيـان
في كل حين ترحل اديـار واوطـان=والمجتمع متشتـت وصـار تعبـان
تعبان مـن ظلـم الأهـل والقرايـب=وحلم المـودة مـا تحقـق وخايـب
واللي صبر أصبحله الـراس شايـب=شاف الجحودوشاف نكران الأحسـان
واللـي تـودة ويتـذرى ابطيـبـك=تزعـل عليـة ومايصيبـه يصيبـك
أخو عزيـز وتحسـب انـه حبيبـك=هـو العـدو يـوم تبيـن وخـوان
من عاش يشوف القصص والهوايـل=يحس نفسه بعـض الأحيـان عايـل
حاول أيعـدل حملـه وضـل مايـل=تفتحـت بيبانهـا بكـل الاركــان
يالله نسالـك العـفـو والستـيـرة=اخطانـا للعبـادة والايمـان
وصلاة ربـي عـد ماطـاف طايـف=0واعـداد مالبـى شفـوق وخايـف
على النبي جامع عظيـم الوصايـف=النور أشرق بالهـدى يـوم مابـان

ماينفع التنسيق ضعف القصايـد=لاصار ماعدل من الميل ميـزان
حرف سبق حرف وحرف بزايـد=ماتضبطه كثر الزخارف والألحان
لاصار ماجالك من القـوع عايـد=حتى المعاني لازم اتجيك شجعان
ضعف المعاني مابنت قص شايد=لاقام حرفك صار بالشعر جابـان
واللي أيجمع شعره من الجرايـد=لانافع شعره وهو دوم خسـران
لاصار مافيهـا معانـي جدايـد=حين تعبرها من القلب و السـان
والشعر ماهو جمع بعض الحدايد=وتكوم أبيوت على غير حسبـان
أدور الالقـاب معهـا الشهايـد= يقال لك شاعـر كبيـر وفنـان
ياباغيين الزود مـا مـن فوايـد=يمكن يجيك الزود بالعكس نقصان
بعض العرب ضدك ولاهو محايد=مع القرايب بالمحاكـم وبلشـان
وبعض البشر قربه يجيب اللهايد=لاسالم نفسه ولا هو أ بسلمـان
من صاد بالحيلات يجيـه صايـد= لاتامن لاجارك اذا كـان خـوان
من كان ذكره باول الغـزو رايـد=اليوم علمه بالضحى للبشر بـان
وما يبقى الا الطيب والعمر بايـد=وفعل العلوم النايفه عند عربـان

وصاني الشايب على ثلاث نجمات= نجمة على مايقل ماهي بسمانا
وصيتي ضابط يقوم المهمات = لوكان ساكن بالمعسكر معانا
وصيت الشايب اعز الوصيات=وان ماحفظنا بالوصية شنانا
شايب كبير وعايش في زمن فات= خاض التجارب صعبها والليانا
ماخذعلى كل المراحل شهادات= من الحيا ة مصدقة بالبيانا
وصى وصية مكررة عشر مرات= وموجز كلامة بالاوامر عطانا
رافق خويك واندهه بالصلاوات = صيتك امطوع ملتزم بالديانا
وتشوف لافعالة وكل الاحركات =وتعاملة مع ربعنا واقصرانا
وتسهل لدربة جميع الصعوبات = تجعلة الدرب الصعيب ابليانا
عود لنفسك باحترام وتحيات = وذكر خويك بالفخر والرزانا
واركب معاة وشربة در خلفات = وجنب خويك عن طريق الهوانا
بالعسكرية خل عنك القرابات = ولاتعرض طيبنا من ردانا
وليابغيت انحر خويك على اسكات= حتى الاجانب ماتعرف ابخفانا
ناس كثيرة من جميع اتجاهات= وبعض العرب من حر مابة عدانا
حقد بالقلبة ماضي لة سنوات= ابين حقدة لاخلص من رجانا
ماشاف من ربعي سوى طيب نيات= ماخاب من هو يلتجي في حمانا
درب الشجاعة والكرم والبطولات= ادروب اهلنا وربعنا وانسبانا
اعيال وايل مامشوا بالرديات= وانسن ع امور العدو لاغشانا
هذي وصية خصني لي بالذات = والله يستر مابدر م ن خطانا
وصلاة ربي عد ماوردت شات = على النبي بفضل ربي هدانا

يليت اقدر

ياليت اقدرعلى نفسي واهدي=واقـول الشـعر والقـيـه بـركـادة
لاقلـت الشعـر بالـراحـه يـنـدي=احـس بـلـذت الشـعـر ابــرادة
اقـول الشعـر واحـمـل وشــدي=وجزيـل الشعـر قبلـي لـه سيـادة
بغـيـت اقــول واعـبــر وودي=عبـر كــل الوسـايـل بـالافـادة
نصيحـه فـي قصيدتـنـا تـعـدي=لمنهـو صـاد الحكـمـة اصـيـادة
سمعـهـا واستـفـاد ابـهـا وردي=اخذهـا مـن مـجـرب باستـفـادة
وياخـذ مـن تـراثـه واستـمـدي=ويكسب مـن طبـاع النـاس عـادة
تـرى مـن قـال ابـويـه وجــدي=معـروف النـار باقيـهـا رمــادة
ولابـــد المـقـلـد مـايـصـدي=ويبيـن اصلـه ويحتـاج اليـعـادة
ويبيـن الحـق لـو الوقـت مــدي=تشـع الشمـس واتـزول الـسـوادة
اتـمـنـى يـلــو الــــود ودي=يمـوت الحقـد بالنـاس ابمـهـادة
وامـد ايـدي لفعـل الخيـر مــدي=بكـل الحـب واشـعـر بالسـعـادة
ولاارضـى علـى نفـسـي تــردي=اقـوم ابواجبـي مـن دون اشــادة
احـاول اجـذب الطـيـب لـحـدي=لاكـان لخـوتـه خـيـر وزيــادة
ايحفـظ لعشرتـي وايسـر ســدي=اذا قفـى وانــوى فــي بـعـادة
وانـا موقـف لخصمـي بالتـحـدي=وكـل انسـان هـو حـر الايــرادة

مرحـوم ياوالـد عليـك الشفيـة = هلت دموع العين والقلب ما طا ب
من اول حياتك شفت كـل الاذيـة = ولدت بديار بها غـرب وأجنـا ب
ربـاك عـم ضــاري للعطـيـة = يوزع على الجيران ماحاش أو جاب
وباول شبابك من رعيـة للرعيـة = شاهدت من كل التجارب وألاسباب
ومن بعدها حظـك جابـك اهنيـة=تبي تعيش بوسط ربعك وألاصحاب
صار القرايب حنظل وسـم حيـة = قالوا عنك مجنون خبـل وكـذاب
خلـوك تـذوق العسـل حنظليـة = صبـرت صبـر المهـادي وأواب
نزحت عنهم بالاراضـي الفضيـة =سلمت من اللي حاضر أو بعد غاب
واليوم جاك القدر بالمنيـة= هذا اليوم اللي ماحسبنا له أحساب
تلويـن يادنيـا وانــت دنـيـة = أخذتي من عندنا أعـز الاحبـاب
شلنـاك يـاوالـدي بضحـويـة = حدر اللحد واليوم من فوقك أتـراب
نطلـب مــن الله رب البـريـة = يفتح لك الجنات من كـل الابـواب
وصلاة ربي كـل صبـح وعشيـة = على نبـي سطـر الحـق بكتـاب

الحرب فتح أديار عز وتحرير =والا دفاع عن شرف أو أمارة
وباقي حروب لو حصل كل تبرير =شر على الامة وأكبر خسارة
واليوم صار الحرب خطة وتدبير =على الورق يرسم ويعطى أشارة
حرب الفتن هي حرب الأعصار تصوير= للمعركة من قبل لتشب نارة
وحرب العقيدة في أفواة المشاهير= تحرير للمرأة بمعنى العبارة
يبونها تمشي أبليا محاذير =ستر الحياء ماهو ضروري أستارة
وشبابنا لو غززوله مسامير=يمشي عليها دامها بالحضارة
واليوم جانا من بلاهم طشاشير =مافادنا لو نشتكي للسفارة
بلوة سرت من عندهم دون تأخير= وتصبح على أديار تعدت أديارة
أنتقلت العدوى علينا بتصدير=وختم العدو واضح لمع بالضبارة
مافادنا اجراءتنا والتدابير =على المنافذ فاجاتنا بغارة
أجنون البقر والا أمراض العصافير= ولت عساها مايعود نهارة
واليوم جتنا في أمراض الخنازير= أتهاجم العالم بلمحت أشارة
والخوف من بعض المرض فيه تطوير= يصعب على التطعيم يبني أجدارة
وبعض العرب ماصدق أيصير مايصير= لين المرض وصل عمامه وجارة
وقفت متحير ومثلي طوابير =وأسأل عن أسباب المرض وش أسرارة
هل هو غضب من عند والي المقادير =والا مصالح للدول والتجارة
يارب ترحمنا وتلطفك بتقدير =واللي مقدر مايرد أختيارة
وتحمي بلدنا من جميع المخاطير= وتعز حكام زهوا بالأمارة
وتطهر المصاب في كل تطهير =يرجع أمعافى للاهل وسط دارة