صمتي الم وبوحي ندم

( عليم الله ) .. يا أجمل وأطهر
" وأشرف حب " يحيا بي ويكبر
بأنك في وجودي شي أكبر
من اني آخذ أنفاسي وريقي
:

بلغوه .. اني تعبت من التمني
ولا لقيت أريح من احلام الأماني ..!
آه منّه / وآه منكم / وآه مني
من نبش فيكم ورى الصمت وحكاني ..؟
إيه اموت بدونه .. وأحيا كأني
عايش بدوني .. (غياب انسان ثاني ) ..!!
:

....
:ليت / لي / من قوّ قلبك برودك في السلام
وليت / لك / من طيبتي :: رقة :: ألفاظي معاك
حتى في قمة جحيمي .. ( ودقق ) في الكلام
قلت لك : من | قوّ قلبك | .. وأنا قصدي قساك ..!!
:

انا / تكفيني الذكرى / معك دام الزمان يدور
عزاي إنّا بذلنا للنجاح .. ولكن اخفقنا
من المخطي وضيّعنا ..؟ من اللي بيننا معذور..؟
هو انتي أو أنا وإلا كبر هالحلم وهقنا..؟

ضد ( الوفا ) .... ماهو خيانه على طول ..!!
طالع .. ترى ممكن يجي ... ( قل حيله ) ..!

:

أبشرك للحين طيب وموجود
عايش .. ولا عندي مشاكل / ولا احزان
بياض قلبي كل الايام في زود
من جود ربي .. موب من كثر / الإحسان
مايكفي اني رغم الايام هالسود
حولي : ذياب : وعايش لوحدي / انسان

أكتب وانا أدري يب يجي يوم تقرا
وتعض أصابعك بندم لا تذكرت
إني بعد كل هالعمر .. صرت ذكرى
وإنك على موعد لقانا تأخرت

اشرح ظروفك .. انا قلبي كبير
لا [ تخاف ] .. إن كان لغيابك عذر
العتب مرفوع .. لكن في الأخير
حقي اعرف وش هي اسباب الهجر
يكفي ان الشوق في قلبي سعير
وانت شوقك صاحبي ( تحت الصفر)
حدد انت اليوم وياي المصير
وانا راضي ... باللي يهديه القدر
ان بغيت القرب من الفرحه اطير
وان بغيت العكس .. ما حد ينجبر
لك ظروفك / وانا لي قلبي الكبير
و كلنا يا صاح ... في الآخر بشر
المهم تكون يالغالي / بخير /
واوعدك ... ما عاد تلقى لي أثر

أنزه ( اسمك ) أن تمر .... حروفه
من غيرتي ... بمسامع الجلاس
فأقول : " بعض الناس " .... عنك كناية
خوف الوشاة .. وأنت [ كل الناس ]

أنا || قوي || قدام كل المخاليق
وأضعف بشر لا صرت قدام روحي
بين العهود الماضية والمواثيق
مازلت أدور عن بقايا طموحي