حان الرحيل وعافت النفس عالمك

السلام عليكم ورحمة الله وبركاته
متواضعه للتواصل معكم
آمل ان ترتقي الى ذائقتكم

	حان الرحيل وعافت النفس عالمك=وبالخير يابنت الأصول اذكريني كنتي الحنان اللي يعيشه متيمك= وكنتي سعادة خافقي كل حيني وفجأه تغيرتي ولا قادرافهمك= وصرتي بطبعك دايم تعذبيني كنت التمس عذر لفعايلك وأرحمك=واقول يمكن لاهديتي تجيني وصبرت صبر ايوب ماودي اضلمك= لين الجفا والصد بيّح كنيني دام الذي قد صابني ما يألمك=وكثر التودد مانفع منه شيني أرحل واخلّي هالليالي تعلمك=انك بطبعك والقسا تظلميني خلّي غرورك والتعالي يحطمك=وحسّي بقسوة مافعلتيه فيني عيشي فراق اللي عن الشين شيمك=وعن الردى ينصحك ماتقربيني مافكّر بيومٍ يخونك ويوهمك =وأن خفتي الله بالوفى تعرفيني وتطمني ماني على شي ملزمك=ويبقى دفين السر بينك وبيني وأعاهدك احفظ معزتك وأكرمك=واحفظ غلاك بخافقي صدقيني حان الرحيل ولا تقولين ضالمك= خلاص يابنت الأصول اعذريني ماأهين نفسي زود وأقبل تهايمك = روحي وخوذي راحتك واتركيني عقلي وتفكيري وقلبي مخاصمك= بيني وبينك صار جرحٍ دفيني لاحرف مني ولا لساني يكلمك = من باعني ماضنتي يشتريني ياهم خذ قلبٍ من سنين لازمك=لاتتركه خلّه بقربك سجيني عادت على وجهي شواهد معالمك=انت الذي طول العمر محتويني ودعتك الله: عافت النفس عالمك=وبالخير يابنت الأصول اذكريني الاطرق بن بدر الهذال 10 /7 / 2011م 9 / 8 / 1432 هـ

خلّي غرورك والتعالـي يحطمـك

وحسّي بقسـوة مافعلتيـه فينـي

عيشي فراق اللي عن الشين شيمك

وعن الردى ينصحـك ماتقربينـي

وعليكم السلام ورحمة الله وبركاته
اتشرف بأن اكون اول من يصافح هالجمال
صح لسانك يابو سلطان مدد بلاعدد
ابيات رائعه و جزلة
اخوك/
فهد

ما أجملها من أبيات
أسعدني الوقوف هنا كثيرا
حروفك كانت مليئة بالأحساس الذي لا يشبهه احساس ..
كلمــآت الشكــر تقف عآجز أمآم روعــة حروفكـ ..
فحروفك أخذتنــي معهآ .. وأسرنــي احساسك..
تقبل مروري المتواضع
بين سطورك الرائعة
موودتــي لكـ ::

صح لسانك مليون ومايكفون
أبيات رااائعه وأكثر من رااائعه
شكرااا لك على جمال ماقرأت
كل التقدير

يالبى خشمك يالشيخ ابو سلطان

اشهد بالله ما فيك حيله يا سنايدي

كل بيت اطلق عن الثاني

نظم مسباح مابه حشو مابه كلافه

كلام سلس من القلب للقلب

يسعد مساء القصيد واهله

عندما اقرأ هكذا شعر اشعر ان القصيد لازال بخير ياخو بتلا وانتم اهله

وبالخير يا بنت الاصول اذكريني

كريم بمشاعرك وشيخ في حبك وهذا هو حب الشيخان

تحياتي لك يا اطيب قلب والله نحبك في الله يا بو سلطان

الف شكرا على النص الباذخ وتقبل مروري وعودتي لاحقا

الله الله الله

وش خليت يا ابو هذال

صح لسانك رائعة بكل ما في الجزالة من معنى
اسعدني ان اكون من قرائهااا
ابدعت يالقرم ابدعت

كل التقدر

ريف

الله الله
شاعرنا القدير
الشيخ: الاطرق الهذال
صح لسانك وإعتلى شانك
وبيض الله وجهك على ماكتبت
الحقيقه إنك أبدعت فأمتعت
هكذا يكون الشعر
لله درك
دام التميز والحضور المبهر


تحايا

أرحل واخلّـي هالليالـي تعلمـك
انـك بطبعـك والقسـا تظلمينـي
خلّي غرورك والتعالـي يحطمـك
وحسّي بقسـوة مافعلتيـه فينـي
عيشي فراق اللي عن الشين شيمك
وعن الردى ينصحـك ماتقربينـي
مافكّـر بيـومٍ يخونـك ويوهمـك
وأن خفتي الله بالوفـى تعرفينـي





ابو سلطان

صح السانك عدد ماحملت السموات والارض من ما خلق الخالق العظيم

صح السانك على هذا الشعر الأصيل والذي يرسم الجمال والروعه على محيا من يقراءه

لله درك على كل حرف ابدعت وامتعت واجزلت

يضل الجمال قرين لأسمك بكل شي

محبك

وأعـاهــدك احـفــظ مـعـزتــك وأكــرمــك
واحـفــظ غـــلاك بخـافـقـي صـدقـيـنـي


لله درك يابو سلطان

هكذا هي شيم المحبين الصادقين

صح لسانك ودمت للوفاء نبراس



لك الود والاخاء


,

صـــح لسانك ملايين

قصيده من الوزن الثقيل

تناثرت ابياتها كالدرر

جزاله غير مستغربه عليك يابو سلطان

لله درك ياجزل

تقبل اعجابي ومروري