ذكرى وأشتياق \ديوان ابراهيم حرير العنزي

يابو هدية كم زايد حنيني = مشتاق ليام انا وانت ورعان
كنا صغار بدارنا مهتنيني = ولا حسبنا احساب لفلان وفلان
واليوم صارت ذكريات السنيني = تهيضت بين المشاعر بالاحزان
صارت ترجعني يسار ويميني = ياما استقرت بين ربعي وبدوان
بدو ليا طبوا الصحاري تزيني = تزهر بهم كل الخباري وريضان
ريحت زهرها تنعش السارحيني = وطير السعد غنى بها كل الالحان
رد الصدى صوت الغماري الحسيني = وصوت البهم ردد مع الفجر لابان
حلم مضى والا حقيقة يقيني = لمحة بصرراحت مع تلك الاحيان
في دفتر الماضي تقول احفظيني = ييام حطيني سجل وعنوان
مافادنا كل الوله والانيني = تسرق ايام اعمارنا بكل الاركان
لو مابغينا كلنا سايريني = وحلامنا صارت سوالف ونسيان

اقول رايي ان غـدى حيـل مطلـوب=وتعبـر افكـاري ان كانـت بسيـطـة
حسب المكان ان كان مرضي ومرغوب=والا شطبتـه فـي مكـان الخريـطـه
لاقلت قـول بيـن الاجـواد محسـوب=والا مـع الكذبـان خـلـه هبيـطـه
منـزل معاهـم وتكبـد مـن اذنـوب=لا كن اسايـس كـل واحـد شريطـه
اسمـع كـلام منـه واقـول محبـوب=ليـن افهـم افكـاره ولوهـي عبيطـه
ووضح الدرب السـوي دوم باسلـوب=باسلـوب عاقـل جنـب الزنبليـطـه
محـاور الجهـال لاشـك مشـيـوب=بعـض المغالـط والرمـوز اللقيـطـه
لاكن تعلم واخذ الانسـان فـي صـوب=بكلام طيـب خيـر لـك مـن ربيطـه
واحرص على قول الصراحه بلا اهروب=مـن واقـع قبـل اتـورط وريـطـه

يالله ياعالم خفيات الاسرار =ياباسط سبع وسبع بناها
ياعالم ما في الصحاري والابحار= وتعلم بجهر الكائنات وخفاها
من بعد ذكر الله جهزت الاسفار= لقوم مارد المعتني من نخاها
ال خليفه هم كريمين الاشبار= اهل الفعال الطيبه من عطاها
ينخاك من يعاني بالايجار =ثمان سنين وهمنا من عناها
يعاني الامرين في كل الامرار= عكر صفاها وعيشته ماهناها
الهم الاول صرت للبيت دوار =قام ايتحكم بنا من ولاها
ويرفع وينزل كيف ماراد الاسعار= حافظ اشروطه كلها مانساها
لاتعلق الصوره ولاتطق مسمار =والصيدليه احتفظ في ادواها
واحرص اذا جولك من الناس زوار= ياليتها تسوى لمن هو حماها
بيت قديم من الحجر زين منهار= لاصبت الحلبه الصاله رواها
مصكوك من كل الجوانب بالاسوار= وضاقت على اللي عايش في فضاها
والهم الثاني وين نلقى لنا جار= جار يعرف الموجبات وسواها
قصيرنا مانبخصه سنق وكمار =ياشيخ والله مافهمنا لغاها
يابو عبد الله قصتي وكل ماصار= امر وامرك للمشاكل نهاها
امر لنا في البيت فيه الاستقرار= في ديره اللي نحتمي في ذراها
امير عيسى من نسل الاحرار =قاد التطور والحضارة رعاها
وصلاه ربي على سيد الاخيار= واعداد مارفرف الطير بسماها

2- اعتذار

اوراقنا كتبت عليـــــــها اعتــــــــــذار=والتوصية من صوبكم ماقراهــــا
قراء الاسم شاف اللقب قام وانـــــدار= والناس تعرف من معاني اسمـاها
انا اعنزي من مكرمي الظيف والجار =يوم بها العربان يصعب عشــــاها
اشيوخنا صوتوا بالعشاء اجهــــــــار= اهل الكرم مافكروا وش وراهــــا
وعشنا ابحماكم ودارك لنـــــــــا دار =دارال خليفة مانضام ابحماهـــــــا
انقولها بالجهر وايضا بالاســــــرار= اوامر اشيوخ الوطن منعصــاها
جيتك امل كلي امل فيك واصــــرار= اشرح ظروفي وعيشتي ومستواها
اصور احوالي لكم قول باشــــــعار= والله ايبـــــدل كربنا في رخــاهـــا
وبشرتنا بالخير وازداد الابشــــــــار= ودنيا الفرح شعشع علينا ضياهـــا
احلامنا بانت لنا شيب واصغـــــــار =ودار السكن بانت وجهز بناهــــــا
رحنا المدير وحنا انتحرى خبر سار= والله واعلم نيـــــته وش نواهـــــــا
اوراقنا كتبت وزانت بالاعــــــــذار= والتوصية من صوبكم ماقراهــــــا
صرت اتصفح بالجرايد والاخبـــــــار= واقلب الصـــفحة وادور وراها
من جنب اسمي للاسم كيف مختــــــار= واحـــرف اسمي مافهم لمعناها
اسمي صعب اوهو بجهاز والملف شار= في فهرس الشاشه قداى مالقاها
السالفه ضاعت وانا صرت محتـــــــار =عنــــــــد المدير معاملتنا نساها
حنا بدو لقال ابشر تـري صـــــــــــــار= تــــــــــمت ونفذ كلمته ماثناها
انت الوزير ابن الوزير ابن الاحـــرار= ال خليفه نفتخــــــــر بأنتماها
لقبيله الويلان وافين الاشبـــــــــــــــار= يـــوفون بالميعاد صادق ولاها
انتم قرايبنا لياعجها ثــــــــــــــــــــــار =لثارت الهيجــــاء وشانت لقاها
حنا جنود للوطن حين الاخطــــــــــار =نـــفدي بغالي الروح ذره ثراها

3-حنا بدو

صرت اتصفح بالجرايد والاخبـــــــار= واقلب الصـــفحة وادور وراها
من جنب اسمي للاسم كيف مختــــــار =واحـــرف اسمي مافهم لمعناها
اسمي صعب اوهو بجهاز والملف شار =في فهرس الشاشه قداى مالقاها
السالفه ضاعت وانا صرت محتـــــــار =عنــــــــد المدير معاملتنا نساها
حنا بدو لقال ابشر تـري صـــــــــــــا ر=تــــــــــمت ونفذ كلمته ماثناها
انت الوزير ابن الوزير ابن الاحـــرار= ال خليفه نفتخــــــــر بأنتماها
لقبيله الويلان وافين الاشبـــــــــــــــار =يـــوفون بالميعاد صادق ولاها
انتم قرايبنا لياعجها ثــــــــــــــــــــــار= لثارت الهيجــــاء وشانت لقاها
حنا جنود للوطن حين الاخطــــــــــار =نـــفدي بغالي الروح ذره ثراها

4-جيت القلم

[جبت القلم واحضرت من شعري احضار= سطرت قيفان وفكري دعــاها
اوجه بشعري لفرسان الامهــــــــــــــــار= الاسرة اللي ماخسرمن نصاها
ال الخليفة الجود دايم لهم كــــــــــــــــار= في المملكة بحرين زانت بناها
واردد الاشعار مرات اكثــــــــــــــــار= لين ايتحقق مطلبي ياعســـاها
صرت اتمنى ليت يطلعلي اجــــــــــدار =اخير من ضيم الايجار وعناها
لوهو بحد الذيب في اخر احـــــــــــوار= والا اطرف الجارم اعيش ابهواها
ناس اسكنت ببيوت وانا اقعد احتــــــار =اسنين مرت وانتظر في رجاها
وزارة الاسكان تصدرلي اصـــــــــدار= امــــــر اتملك دار مع محتواها
وارتاح من كثر العنى وانفض اغبـــار= من كثرت الترحال ساكن معاها
شهر اسكن الزلاق واشهور في ســـــار =وارض الرفاع اللي سكنا ابعلاها
اخذ بها فترة ثم ارجع اختــــــــــــــار= ارض البديع والتحف في دفاهــا
في كل ديرة صارلي فيه تذكــــــــــــار =ضاعت عناويني لمنهو بغــــاها
رسايل الخدمات سووا لها اضبـــــــــار= من كثر ماترجع ومحد لــقاهــــا
هذي احوال اللي طلب لين منهــــــــــر =واحلامه اللي مع طموحة محاها
يبي ايعرف اللي جرى مابها اســــرار =عن اوراق في سجــله طواهـــــا
وصلاة ربي كل مخضرت ا شجــــــار =على رسول الله صبح ومســـاها

[SIZE="5"][COLOR="Red"]اعلن الدكتور صفوق الشمري الجراح السعودي اليوم مع فريق طبي يباني للتوصل الى زرع قلب من جذع المريض نفسة يعني لا يحتاج زرع قلب صناعي او جلب اعضاء من مريض اخر وقد بث قبل قليل على قناة العربية بأنة تطور في الطب مذهل وسوف ينعكس بشكل ايجابي في منطقة الشرق الاوسط بل العالم

وبهذه المناسبة اهدي هذه القصيدة الى الدكتور صفوق الشمري

يحـق للمملكـة يـا نـاس تفخربـه=وتجعله أسم كبير وتاج كلـه ذهـب
مضى النهر أجتهاد وليل يسهـر بـه=عازم توكل على الله ماخـذ بالسبـب
أختار أصعب علـوم القلـب جربـه=جرب كثير التجارب مصلح للعطـب
من داخل القلب قطعـةراح حضربـه=أصبح قوي المضخةصافي ماأضطرب
من هويشق النجاح وماشـي أبدربـه=حاسب حسابه مسبق بالنجاح وحسب
هذا هو صفـوق بالامجـاد صوربـه=الشمري نال فخر وهوعريب النسـب
يحـق لامـة تحضنـه وتعطـربـه=أناأشهد ان أحترامه صارفرض وجب
عساه يفداك من هـو دارهـم خربـه=شباب فاشل أمخرب من زمان أخترب
يلـوم حظـة عشـيـم وأيتعثـربـه =يقول حظي رماني هو جدعنـي جنـب
أمجمع بالحضـارة شرقـه وغربـه =خلى حياةالهدوء وعايش في صخـب
العلم درب النجـاح بسلمـه وحربـه=الناس راحواالفضاء فوق حامي اللهب
وأصفوق ذيب مشى بالعلـم واثربـه =وأعاد مجد العلوم الماضيـة للعـرب

هذه القصيدة رثاء في المرحوم
فرحان خليف العنزي
( جاني خبر )

جاني الخبر وانا مع الربـع فرحـان =عكـر مـزاج النفـس جاهـا لهدهـا
ترجعني الذكرى مع الحـزن باحـزان =واعـز عينـي كـان طـول امدهـا
قالوا توفـى شمعـة الـدار فرحـان =حكـم القـدر فجـاة علينـا خمدهـا
متعافيٍ .. صاحي .. ولاهو بمرضان= يوم انتهـت وايـام خلـص عددهـا
نعم الصديق بكل معاني والاحسـان=رحوم طيّب والمكارم حصدهـا
صبـور صابـر ويتحمـل بليهـان = يصبـر علـى مشاغلـة مازهـدهـا
من حر ماله يبـذل الخيـر رضيـان =عوايل بعسـر الدهـر هـو سندهـا
نصوح ينصـح مستشيـرة وفهمـان =جماعتـه والكـل مـاقـط حسـدهـا
مارد من جاله على السمـع شرهـان =يجيـه بالحاجـة ولــو ماوجـدهـا
وليا نخيتـه قـال حاضـر مـن الان =ماياسلـك لوهـو تـاخـر سـددهـا
نرفعله الراية علـى الطيـب عرفـان =هـذي اقـوال اللـي بعينـه شهدهـا
مرحوم (ابو عادل) عسى الخير لك بان =تكشـف لـك الجنـة بداخـل لحدهـا
جنة بها مـن كـل الاثمـار بستـان =برحمـة المولـى لروحـك غمدهـا
وصلاة ربـي عـد ماكبـر انسـان =على النبـي اعـداد بـرق ورعدهـا

هذه القصيدة موجهه الى الشاعر فارس بن ذيبان الشمري

عشرين راحن باقي اثنين مامضن= ماعاد يمشن يابو تركي علامها
افكاري القشرة تزيد بعزمها = عجزت انطح واحد من اخصامها
النفس طابت وقبلي نفوس صدرت=النفس ضميا ماتوصل حلامها
لاقلت يكفي قالت اللحين حدد =لازم تبين وجهتك في سهامها
امواج في صدري علي اتلاطم =لاجيت اهديها يزيد التطامها
وبين التردد جتني الافكار تدرج= احد يشجعها والادراك لامها
ياليت اموري في ايديني اتصرف= اخذت اجمل ماحصل في ايامها
دنيا بها كل المصايب تتالى= تطلع من الضلمى تطيح بضلامها
ولازانت الايام بالنور واشرقت= باقي الليالي السود كامل بعامها
زمان اقشر والمبادي تغيرت =ماعاد تميز صقرها من حمامها
وما كل شي بالسوالف يسولفن= والحر يفهم دون يسمع كلامها
كل الصور قدام عينك بينت =ابدي برايك دام واقف امامها
رايك حكيم عندنا والنصيحه= ناخذ بها عبره لنا في ختامها

رد الشاعر فارس بن ذيبان الشمري

اهلا عدد ما لاح براق المزن =واعداد نبت في رواسي اجبالها
ياالوايلي سود الليالي عذبن= تشكي علي همي ونفسي وحالها
قبلك ارماح الضيم بي علمن= وحفيت بالبيداء ودرست ارمالها
وتعبت ادور دار والقالي سكن= ابي احتمي في ضلها واضلالها
يلين جيت بدار حامين الوطن =اهل الوفاء ياعز من يلجالها
يالوايلي هذا الزمن مد وعدن =نوب تضيق ونوب يفضى جالها
وانت سديد الراي في يوم المحن= والحمل تبركله اكبار اجمالها
واختامها بعداد ماخيل عدن= وعد الحجيج بحلها وترحالها
صلاة ربي عد ماقالوا سرن =على الرسول محطم تمثالها

سلام يارجال المراجل والدروب اوساع =سلام يارجال تعسف الشعر واتجيدة
سلام لك لشاعرماخذبدربالتجارب باع=ايفتش داخل المعني بمعنى الحرف وايزيدة
وذكرالشاعرالبارع على طول الزمن ماضاع =ولوينسي ذكرةابيات الشعربتعيدة
ورجم الثلج لكثرت عليه المسالك ماع= وميدان الشعرطافح بالغثى وايحين تجديدة
نبي فكرةنبي صورة نبي من المعاني ارفاع =على موقف معين بان بالاشعارتحديدة
نبي الحكمة بثوب اصلي ومافيه من السمال ارقاع=وثوب المستعار المستعير ابنوب مايفيدة
انشجع راعي الكلمة وصيبته بالمجالس ذاع =هو الشاعر الجز الفهيم وكلنا انشدله بيدة
وميدان الشعر واسع وتشجع الشعار اشراع =وتشجيع المحب اكثر مع الاصداء ترديدة
مع همس القوافي اتمشي اللي بعد طاع=واللي ايحاول الشردة تلزة حيل وتصيدة

ياالله انا طالبك يارب السمــــــوات = تشــفي عيـون عـذب راعيــــــــــهن
يضحك علية كل عفن وعفنــــــات = اطلـب انــا ياربنـا تشـــــفيـــــــــــهن
كل شافهن قال الحســــــــــــــافات = رحت للـدكتور قديــه يداويهــــــــــن
بعد مافحصهن وسجل كشــــوفات = قال انــتبه جيد بالك تخليــــــــــــــهن
يقولي اسمع ماتنــــفع الشهـــــادات= ولاتطلع بالشمس ترىالشمس تعميهن
واذا طلعت البر البس نظــــــارات = البس مديم ولانت بالظل ترميـــــــهن
قلت يادكتور ماتنفعـــني العلاجات = صارلي اسنــــــــــــين وانا اداويـهن
قال اسمع كلامي وداو بالســاعات = وادعو رب البيت انــــــــه ايشافـيهن
وصلاة ربي علىمدي الامانــــات = محمد اركان الديــــــــــــن محصـيهن

ياثلج ماعندك و لو ذرة أشعور = أصبر تصبر وأحتمل للحرارة
الصلب متحول مهشم ومكسور = أمر مسبق صادر من الادارة
واللي تحول بالامر صار مجبور = لوه عسل يشعر بحلقه مرارة
والظلم للانسان من صار مقهور = واذا نصحته ماتقبل أشارة
الصدق قوله بالعرب ليه محظور = والعدل شادوبه قديم أمارة
الزر بأزار الحقيقة غدى زور = والكذب فوز وبالذكى له شطارة
واللي أيقرب للسراحةوراء السور= قال السراحة دون يبدي مهارة
خارج أمخرج ماتخرج أبطابور = ماشاف خير وحاربته السفارة
والحق نور ومن يراء النور بالنور= قبلن ظلام الليل يرخي أستارة
الحق واضح مايبي أي دستور= منذ القديم ماجا بعصرالحضارة

حبيبي كيف اخونك وانا في اخر المشوار=و أنت الحبيب اللي مرافق كل مشاويري
حبيبي انت قدري وماقدرت أختا ر = أنا من عرفتك صار تغير كل تفكيري
لقيت الصورة اللي بقت في خاطري تذكار= تقيد كل فضاء عمري وفيها أيصير تحريري
اتردد في قراراتي وأخذ موقفي باصرار= اروض كامل افكار واقول الشاردة طيري
ادورلي على ديرة وأدور في ثراها دار = أشلع في زمن ماضي وأغير كل مساميري
اودع ماضي قفى وأنا اللي في مزارة زار = أنا مشتاق لعبونك وهاك اليوم تبريري
أبي أيام كنا يوم نلعب بالبراري أصغار = وابي احس في لذ طعامي بدون تحضيري
وأبي أشوف الامان بدون أمفاجئة وأنذار = ولاافكر في بالدنيا وأخلص كل طباشيري
ولاتخلص تخاطيط الحياة ولاافتهم وش صار= تعالي أ نكمل الرسمة ونقول القافلة سيري