ديوان الشاعر مساعد مزعل العنزي

هبيت يابـنـك الغلا مابك ارباح
بشرت من بعد الغلا بالفلاسي
لبست من زود الغلاحبك اوشـاح
حتـى رميتك ياوشـاح المآسي
اقفيت عـنـك وضيقة الود تنزاح
راسي جبل ماهزه الريح راسي
سـواد ليل وشتته نـور الاصباح
راحت سوالف بين كاسه وناسي
نظرة دموع الحزن بعيون تمساح
لكـن يشتت حزنها الافتراسـي
بعض الهقاوي بالزمن حضها طاح
يطلع نتيجتها الـزمن بنعكاسي
مرتاح من بعض الهواجيس مرتاح
متريحٍ مـن حل ضـلعٍ سداسي
اسج لـي سجه على خف وجناح
في روض فنجاله يطير عماسي
ريح النفل مع ريحة الهيل لافاح
مقـدورةٍ بالهيل قدر اوقياسي
وافرح بوقتك فرحة البرق لا لاح
الريح ماهز الجبال الـرواسـي
مساعد مزعل

نـتـعـب ونـجـمـع مـاحسـبنا البدايه
ونــعـمـّر الـدنيا بسـاتـين وقـصـور
وحـنـا عـرفـنـا ان الـبـدايـه نـهـايه
ونــهـايةالـمـخلـوق تابـوت وقـبـور
نـغـفـل ونـتـغـافل ونـبـدا الحـكايه
كــانـن واحــدنا مــن الـذنب معذور
وصـى النـبـي لكـن تـركنا الـوصايه
نجلس على الغيبه ونشهد على الزور
نـحـفــظ روايــه ونـتـمـثـل روايـه
ونـجـهل بدسـتور النبي خير دستور
ونمشـي بجـلباب الكـبـر والـدعـايه
ونضحك على المحـتاج ونعيش بغرور
هـذي جسـور ابلـيس درب الغوايه
سبلُ اللذي فـي لعنة الله مــدحـور
ويالله وفـقـنا طــريـق الـهـــدايـه
واجعـل مقـصـرنا من الذنب مغفور

مساعد مزعل

حايـل بعـد حيي كذا 👍
حبيـتها مـن جـيتـها👉
حب وقدر يسكن هنا💚
ودار الكـرم سميتها👉
سجل لجل حايل فدا
لـورخصتي قضـيتها
جلسه بلى ضيم وعنا
مبطي سمعت بصيتها
شمر عصـابة روسنا
وابشـر اليا نـديـتها
كل البشر تشهد وانا
وطلال الاسمر ليتها
شيخٍ رقا العليا سما
وعلم الرجال وصيتها
مساعدمزعل

طاح الامل في روحتك والشعر طاح
وحتى الصراحه من كياني،تخلت
الا بعد قل وش بقي شي ماراح
والدار كلت شوف غيرك وملت
مغليك يلبس غبتك حزنه اوشاح
لقياك غيمه في سماه اوتجلت
يموت عاشق واسود الليل ماباح
في... ليلة... حلت.... بلقيا وفلت

مساعد مزعل

لاجيت ابا انام قلبي دكبه طاري
يموج قلبي مع الذكرى وطاريها
ياضيق بالي وانا ياطول مشواري
وياقو صبري ونوم العين جافيها
ان كان تبغى علومي واخر اخباري
تخبر علومي من اولها لتاليها
اقفيت عني عزيز ورحت محتاري
وقبلت يمي على الخوه وطاريها
بعض الكتابات تكتب مالها قاري
وبعض الكتابات قبل تخط قاريها
كنك تباعدت على شان الانضاري
سجل غرايب على الدنيا ومافيها
قلب المعنا سرى مع ليله الساري
دكت طواريه حاضرها وماضيها
ماعاد يبقى العزا الا صوت الاشعاري
هو من كتبها وتلقى من يغنيها
قصر العزيزين يسفي وسطه الذاري
راحت عزيزين تثني،دون واليها
من حين لاحين تبقى رهن الاذكاري
وتصير ذكرى عزيزه عند غاليها

مساعدمزعل

والله ان اللي نشيله .. معاريف الرجال
نرمي اهموم الزمن غير معروف الوفي
يثبت المعروف شامخ مثل ..صم الجبال
عند صنديد الرجال .. الكريم ..المنصفي
ولايشيله غير جزل ..المكارم والخصال
عند راع العرف نحت اب حجر مايختفي
غير مع شبه الرجاجيل .مردوده محال
لو تبين .. بالمظاهر .. فعوله .. ماتفي
لاطرت لي وقفة من ..مداغيش،العيال
قمت ..اثمن ..ماقفه ..واترادى ..ماقفي
مساعد مزعل

لنا مع الخوه مواثيق وعهود
بنا جمايل وانتجمل جمايل
عد الصداقه بين الاجوادمورود
والعرف والمعروف بين القبايل
بسمي وبسم اهل الوفا منبع الجود
وبسم الرجال اللي بها الشك زايل
ارحب ياخالد عد ماذع ذع النود
وعداد مارش المطر بالخمايل
الياتطرقنا عن الجود ماجود
الجود واضح مايبي له دلايل
في خالد المولام راع الوفا زود
ماتنحصر في حرف من قول قايل
وان قلتها ماني عن القول محدود
فعلا تميز به جزيل الخصايل
ياحي راس العود عقب لنا العود
عقب لنا خالد عريب السلايل
وصلاة ربي عد ماترعد ارعود
وعداد ما تمطر صدوق المخايل
مساعد مزعل

(دورة الايام)

الليالي دايره والعمر ماله ضمان
والبنادم كل مازاد به يومه قصر
تقصر الهقوه وتقرب على هرج اللسان
والاماني،لمعة الشمس،في،سطح البحر
الاماكن تختلف والزمن نفس،الزمان
والقدر امر محتم على كل البشر
والمثل قال المثل من يدين اصبح مدان
مدها بالشبر ياخذ على مد الشبر
السفن ماحدها الموج عن بر الامان
اولا عطاها امن وضمانات من موجة خطر

مساعدالمزعل

طواك البعد يادار الحبايب
ومثلي قرب داره مايمله
ضلام اليل مع برق السحايب
يشوف البرق حيٍ فاطنله
غريب وشاف بالدنيالعجايب
من ضروف اليالي،حاصلله
ينام ويقعده صوت الهبايب
وسيف الجرح في لحظه يسله
سحاب وليل فيه البدر غايب
ومع حلكة ضلامه ضاع كله
تشكل جيش في وجهه كتايب
رحل جيش ونزل جيشٍ محله
وتذكر دمعتين بعين شايب
تذكر مامضى والدمع هله
يشوف بوقته الحاضر غرايب
سلومٍ غير ماهي،عادة له
ذكر وقته على دور النجايب
و فـية بيـت ورجالٍ ودله
وحبل الوصل من بين القرايب
وجـاره فـي معزه مـايذله
دفنهم من تحت عوج النصايب
بـوقتٍ راح مايرجـع محله

مساعدالمزعل

عن كريمين الخصايل عزيزين الجناب
مرحبا .... ترحيبة ... ماتقفل ... بابها
مرحبا ..ترحيبة عد ...مارش السحاب
من مزونن ..خيلة ...والرعد ...غنابها
ارحبو بسم المعازيب طاب الكيف طاب
في محل اللي ترحب بشوف اصحابها
المعازيب الزموني ..بتقديم ..الخطاب
وبسمهم رحبت ...بضيوفها ..واقرابها
ارحبو في ليلة نورها شق الحجاب
نورها من نوركم فل منها احجابها
من حضر حياه ربي ومنه غاب غاب
نلتمس غيبة رفيق ..جهلنا ...اسبابها
كلنا ربع ورافقه ولا نحسب حساب
ربعنا واصحابنا ....ماجهلنا ..احسابها
قدرهم قدرن موحد وكامل بالنصاب
وجمعة الاصحاب،.. عز لنا ..نرضابها
والفتن مثل الصحاري يزينها السراب
ماشرب ضامي ولابل سمر اهضابها
ميرمن بعض البشر سم حيه وسط ناب
حية لا جحر ...تحفر ....ويلدغ ....نابها
ومن لبس ثوب الفتن ماكسب غيرالعذاب
مثل اللي،مر ...المساجد .ولاصلابها
الله الله ياهل الرشد من شيب وشباب
احذرو ناسن تقص الوصل بحرابها
من تعصب لجل رايه فقد درب الصواب
راح مع رايه ونفسه لعب،بعصابها
كيف قابيل اعتبر درس من فعل الغراب
في،جريمة ذنب جرما على من صابها
ومن تبع نهج النبي ذاك مضمون الكتاب
وكل قوم الله ذكر شرع نص كتابها
الحرم مكه وطيبه وسيعات الرحاب
قبلة المسلم يصلي،على محرابها
من بعد طول المغيبه ومضمون الغياب
حافظن لي كلمتن والنبي وصابها
من حديث المصطفى خير من داس التراب
حذر اهل العنصريه ومن يسعى بها
من تعنصر بالنسب من تفاخر ويش جاب
ومن خسفها الله ماترتفع بنسابها
والسعيدالمسعد اللي قبل وقت الحساب
كل كلمه تغضب الله مايبدا بها
ومن كريمين الخصايل عزيزين الجناب
ارحبوو ترحيبة ماتقفل بابها
مساعدالمزعل