ذكرى وأشتياق \ديوان ابراهيم حرير العنزي

ملكني الشعر من يوم الطفولة = وأنا الحر الذي مايوم مملوك
أترجم داخل احساسي وأقولة = وأحولبه مشاعر ورد لو شوك
وأصعد فوق للمعنى وأنولة = وفتحنا باب كان الباب مصكوك
ماألبس ماتفصح من أسمولة = أحكاك القدر لو حكيت محكوك
غني التاجر ماحمل له حمولة = اذا ماأرخى لها من صافي البوك
عرفنا افعال من علم الرجولة = أحترام العود تسمع كلمة اخوك
أكرام الضيف وصابه رسولة =مع العادات بالتطبيق مشبوك
وقول الصدق نوب صعب قولة = أتقوله واثقن لو كنت مربوك
طراف الصعب بالطيب أمحلولة = وحب الخشن بالخليان مفروك
ناخذ خوة وخوت عمولة = تفاهم أو تلاحم لازم أرضوك
أنحامي الدار بربعي والحمولة = سكناها بلا ميثاق وأصكوك
بني وايل لهم مجد وبطولة = أرجال فعلهم مافيه مشكوك
رقوا هام العلى ماهي سهولة = قبيلة كم بها فرسان وأملوك

لقمة العيش لو ان بغينا انحتسب = يمضي العمر كله وانت تركض وراها
تمضي ايام عمرك وانت لاهي وتلعب = لو سالتك اشلون أيامها من مضاها
اقعد احتار دايم بالقرارت واتعب = تفرقبي دروبي وايتوقف خطاها
وين القاء المناسب وين اختار انسب = لاقرب الحل كله مايتعارض معاها
يوم رحت المسافة متجة غير مرقب = يوم هذا امراحي متغير سواها
يوم تمشي بالشوارع وفيه يومين تركب = على موتر جديد ومسعد من قناها
ليه دنيا عجيبه كل يوم اتقلب = ما وقفت عند حال ولا عرفنا هواها
انا عند الامور الصايرات اتعجب = ويصعب علاج فكري ماتوصل دواها
شفت بعض الاوادم مستعد لو ينهب = مال اخوة وعمامه والقرايب شناها
وفيه من هو يعينك للامر لوه أصعب = سهل الدرب يمك والحواجز عداها
وفيه من هو ذريب السان وبالفعل عقرب = لتقفاك يلدق وسمعتك ما رعاها
وفيه من هو رقيق القلب ما قط تعذب = لا سمع كلمة الرجال ما اسرع نساها
وفي واحد زعول كل يوم أبمذهب = شاد سير بطنه خنجرة ما رماها
وفي واحد تملخ صار ايمقطه الاشهاب = تحسبنه انه اسد عند حزت لقاها
عند صعب المواقف صار جربوع اجرب = ما اسرع انحاش والله مادري وش وراها
ايتلقف معرض طالب دوم واطالب = سالفه ماهي يمه ولا كسب وان لقاها
وفيه من هو بخير الناس ماله ابمشرب = يرفع ابشر نفسه عن هواها نهاها
لو شرحنا كثير بالدروب اتشعب = صعب كل الوصايف نقدر انا انحصاها
وصعب نلقى انسان كامل كل مطلب = الخصال العظيمة ربك اللي غطاها

مدمن النت

من مدمن البته ومن مدمن النت =هذي حياة اللي يشابه حياتي
شتيت بالدنيا وفكري تشتت =ومابات من هو مهتنى بالمباتي
حتى الشعرمن شعر راسه تحتت =وفات الزمان وناسي شي فاتي
ماجتله الفكرة وراحت ولاجت= ثابت مكانه ماتعدى الثباتي
متفتت من صغر سنه تفتت =مثل المفتت لا تفتت فتاتي
من زت خيطه البراري فلازت =ماصاد هن وهن غدن صايداتي
لم العقارب والحيايى ولمت =معها النبات امشابك بالنباتي
ومن فات عند الباب يقاله فت =أقلط على تقهوى ادلال أمقلطاتي
ربت اجيال من زمان تربت =على السلوم أجيالنا أمسالماتي
واليوم جيل الوقت راح وتوقت= أمخربطن وأفكارة امخربطاتي
وشباب بالشلات دايم مشلتت = أمباري بالنادي أمبارياتي
ياالله يامثبت أعقول(ن) تثبت =أثبت لنا درب القناعة ثباتي
طالت اكبار اكبارنا يوم طالت =قادم مصالحهم على أمقدماتي
وشبابنا ردوبنا يوم ردت =أفكارهم بالحاضر امحضراتي
افكارماصارت زمان وصارت =بعجز الزمان وبانت المعجزاتي
والله يستر وقت صاير أموقت =وأقفت ليالي العمر مع مقفياتي

هذه القصيدة اهديتها الى الاخ
حمود حرير فيحان العنزي بمناسبة زواجه الزوجه الثالثه

قدرك تعدل يابو خالد ومسنود=من عقب مابين علينا مياله
سويت عرسك والعرب حولك حشود=واللي حسد ماعاد حنا بحاله
اللي حسد واللي حقد صار معدود=عدوه من بين العرب بالحثاله
ولياتكلم قالوا الشين مردود=حتى كلام الزين ماينحكاله
والحمد لله صارت اسهود وامهود=خير كثير بفضل ربي عطاله
الحر حر ولاعلى صيده اقيود=يختار من بين الحباري الحاله
اقطف من البستان من كل عنقود=دام الثمر سهل علينا مناله ت
ودنيال هذي احلام والعالم اشهود=والعمر يمضي ماوقف عند حاله
واللي مضى من اعمارنا صار مفقود=ماعاد يرجع ولايتبدل بداله
ومن خلقت الدنيا بها نقص وزود=سبحان رب البيت جلا جلاله

احتاجــلي فتــــــرة لترتيب الاورا ق = افتح بها الافـــــــــكار ممـا طبقــــها
كثر التراكم للتقــــدم بعــــــد عــــــاق=حول بها الروتين را ح ورهـــقـــهـا
اراجع لخط البـداية مــن الســـــــــاق = وترى الشجر ماعاشت ابــلا ورقهـا
وحتى النهر و كان صــافي ودفـــاق = يحتاج لسيول المطر مافرقـــــــــها
وانا مع اشواقي انا جيـت عشــــــاق = مـــــدري اشواقي او انا من سبقها
يلحقني اشواق الغلا صوبك الحـــاق= ولاسابقت زولي حشى مافهقــــــها
صبرت بس الصبر ماعـاد ينطـــاق = كم كلمة للصمت راح ونطقــــــــها
اتعبر بكل المـعـاني والافــــــــــــاق = وتبذل على الوقت الردي من عرقها
واتماشي التيار الســاق بالســــــــاق = خانتبه الايــام والا سرقـــــــــــــــها
الياصفى فكرك معاك البخــت وا ق = جتك الشرارة بالهــواء واتحـــرقها

ياماخذ القرض

ياماخذ القرض فكر بالنتايـج زيـن =من قبل تاخذ فلوسك احسب الصافـي
يعطونك الزود ويخلولهـم سهميـن=هذاك ظاهـر وربـك يعلـم الخافـي
تضرب نتائج احسابك تنقسم نصيـن=وقبل استلامك حقوقك صار مستافـي
مقدمـا تدفعـه ماينتظـر شهريـن=محسوم بالربح جاهز كامـل وافـي
شفت الدعايه وجا لك مايسر العيـن=قلت ايتسنع مسيري ووفي اسلافـي
بس اوصفولي مكانه ياجماعه ويـن=انـا اظـن صديـق زيـن وسنافـي
قالوا تفضل بدال الالف قـول الفيـن=شوف البلاد الغريبه روح واصطافـي
اتوسع الصدر فيها جـرب السوقين=ترجع خبير التجارب وانـت عرافـي
ورجعت من عقبها شايل هموم ودين=صرت اتمنى يليتـك ماشـي حافـي
ولاخذت قرض الفقر واتعاني النارين=نار الحيـاه الصعيبـه نـار ياكافـي
ونار الضمير يتألم اكتشـف لشيـن=أكل الربا واضـح بالعيـن ينشافـي
الله يواعد مرابي بالغضـب حربيـن=حرب الرسول وسبقها حرب للشافـي
يجعلك عيشتك ضنكى والبلا ءبعدين =يوم الحساب الصعيب وذيك الاوصافي
صارت حياتك مريرة وانت بين امرين=اما تطب السجن والا الاهـل جافـي
مخنوق زادت اديونك وبالرجل قيدين=دخلت بالباب كيفك وانـت متعافـي
ورجعت للبنك تسرع مابعـد سنتيـن=تكرر القرض تطلب قرض ايضافـي
على ديونك يضاف لقرضك بقرضيـن=ازيد للطين بلـه مـن بعـد سافـي
جروك واخذت فيزه كرت بسم دوين= تسبح على الكرت والقرضين مجدافي
لياتعتم دربك وشبتك دربـك بدربيـن=اسئل امجرب خبيـر ناصـح يافـي
يعطيك كلمه حقيقه ماتصيـر اثنيـن=احسب احسابك عليها ضمن الاهدافي
سنع مسيرة حياتك لاحظ الصوبين =صوب الحياة السعيده وصوب ينعافي
اقنع بمقسوم رزقك نام قرير العيـن=مد الرجل طولها في قـدر الالحافـي

محول الكهرب ستر قش راعيــــــــــه= مـن عقب ماكنت حياته بحيـــــــرة
نوب يشيل الحمل نوبات يرمــــــــــيه=يصبح بديرة ويتمسى بـديــــــــــرة
يبي له بويت عن البرد يحـمـــيـــــــه =وبالصيف ظل عن لهوب السعيـرة
لين اهتدى وربك على الخيرهاديـــه =يالله عسى انك تجعل الامــــرخيرة
في ديــــــــــرة الطيبين أسـس مبانيـه= قصــــــــــر بعينه لو بنايه صغيرة
بذل من الاموال حط الذهب فيــــــــه =ماله وجهده في ليالي الظـهيــــــرة
لازم يكمل دربه وغصب ينهيــــــــه= نقطة تحـول في خطاوي المسيـرة
راحت سنين وكل خوي نراعـــــــيه =واليـوم نطلب ربعانا والعشيـــــرة
خاب الامل عنداقرب الناس ترجيـه =يصـد لاشاف الموا قف خطيـــــرة
ولا تطمن عنــــــــــــك ولاسئل ليه= نايم على سجـاد والاحصيـــــــــرة
خوي صدوق وبالملازم نلاقـــــيله= وخوي يقـفي لو تبي تشتيـــــــــــرة
لا شاف رقمك صد عنه مخليـــــه =ولاتحرك بالمشاعـر ضـميـــــــــرة
صارت حسابات المصالح تكفيـــه =وما حركه دم القـــــــــرابه وغيـرة
يعيش بالحاضرنسى كل ماضـــيه =يحسب نفســــه اغتنى عن قصيـرة
خله بدربه جعـل ربي يهنــيـــــــه= وكـل على دربه عيـونه بصيــــــرة
المقتنع ربك عن الناس يغنـيـــــه= ويفرج الشدات لوهي عسيـــــــــرة

هذه القصيده ترحيبيه بالاخ محمد ثنيان الرويلي

يابو مشعل ضيفنا اللي ناطرينـــــه = وصل اليوم ونبي منكم اجـــازه
واجب الضيفان وانتم عارفينـــــــه = لازم اناديه مـــن أي عــــــــازه
من يقوم ابواجبه ربي يعينــــــــــه = يقضي الحاجات ويسهل اعتيازه
ومن لفانا ضيف لو هو سفــــــينـه = انختمله مرحبا فـوق ابجــــوازه
وضيفنا معروف ربعه خابرينــــه = ابو خالد السهــــــم الطيب حـازه
من هل العليا عسى تسلم يميـــــنه = وايلي دوم يشعـر باعتـــــــزازه
ابرك الساعات والمجلس يازينـــه = يوم شفنا الضيـف مركي باللهازه
من ايحول عند ربعه خادمــــــينه = لين ينــــوي للسفر صفط جهـازه
سامحونا عن قصور شايفيـــــــنه = وانتـــــشرف من عرفناه اجهـازه
الجهاز اللي استفدنا من رطيــــنه = ايقرب الاخوان وتزول الـحـزازه
الجنوبي والشمالي له عوينــــــــه = مايفيد الشخص بعده وانحيــــازه
من يفرق ربعنا زيدوا دفـــــينـــه = مانبي المنبوذ شيلـــــــوه بجنازه

ام المعارك كيف تكسب ضناك اليوم = واتفوزبه بين العرب نافل جيلة
وتبعد عن حساب القلط لايم ومليوم = وخلة على درب الخطاء ويش أسويلة
اكسب تودد له قبل ماتجيك أعلوم = وبعض المشاكل يا بشر مابها حيلة
أسال تسأل من الظايم من المظيوم = أن كنت أنا والا هو الصعب تعديلة
ومادام ربعه شلة فاسدة وأرخوم = وأبليس زين له قرارة وتحليلة
ولايحس بقيم المال والا هدوم = ودايم على درب السفه لاقين حيلة
لاشفت زولة قلت هذا ولد شقموم = وأيعرف دربه بالنجاح ويوصيلة
توه صغيروبالبحر مايعرف العوم = ولا شاف من دنيا العنى من يعانيلة
مهتم بالملعب بها يهتني بأرسوم = وأكبر طموحة فاز في لعبة التيلة
عايش كذا ماعنده أحساس اومعدوم = تبي السند منه وهو يبقي أتشيلة
ولى زمان المرجلة والرجال أقروم = من فز شال الهم عنك قدى أيزيلة
جيل النشامى والكرم والحياء مفهوم = ولاخوة ثوبه كان يبقيه يرميلة
وللوالدين الهم حقوق والابو محشوم = وهم الزمن ماخاف منه ويركيلة
ماباع عرضه بالرذيله قدى مسيوم = وماهد تاريخ الفخر راح يبنيلة
جيل المفاخر والفخر باقي مردوم = واليوم جيل الفقر وأمنيل أبنيلة
جيل النعم والخيرصعب عليه أيدوم = وخلا حساب الاخرة بلعب وأرقيلة

ياحظي العاثر علامك ترديت = وقبل (ن) على درب النجاح أتحداني
مايفنع الماخوذ ياليت ياليت = والوضح ما ترجع بكثر الاماني
ماأثرت كلمة على عالي الصيت = والهرج مايبني رفيع المباني
ان ماوضع ساسه على صلب وأسميت=لوه بعيد أصبح على القاع داني
منذ الصغرحلمي كبر عود كبريت = واليوم برج المملكة ماكفاني
والحمد لله بواجبي ماتريديت = وأرحب لضيفي ليامن لفاني
من فضل ربي للردي ماترجيت= وستر الكريم من المعز ضفاني
الحلو حلو لو يخالط لحلتيت = والمر مر لو سقته المزاني
يبق الجبل واقف ولو جاه تنحيت = والجبرصلب لو يعاني يعاني
واللي يروح مارجع يوم ناديت= خله على دربه يروح الطماني
بعض البشر ياتي على ماتمنيت =وبعض البشر دايم طويل اللساني
نمام فتنه صب للنار بالزيت = حسود حاقد شادد(ن) للبطاني
وليانخيته قال منكم تبريت = ومسرع يغيب وقلبته في ثواني
بعض الصفات أذكر وبعض(ن) تعديت = وبعض(ن) أركز في جزيل المعاني
أفتت القشرة عن اللب تفتيت = وأحسن أنواع الؤلؤ بحجم داني
أنا بدوي وسط الصحاري تربيت = ومن راح للشاطي أظنه لقاني