ديوان الشاعر مساعد مزعل العنزي

ترا الحياه البسيطه مابعدها حياه
ياطيبها في تقلبها وحالاتها

ايام نمشي بطر وايام نمشي حفاه
مانختلف بستقامتها وميلاتها

ولانطلب الا الله اللي كلنا في رجاه
ونفوسنا حسب منهجها وعاداتها

مانختلف في كرمنا فقر والا غناه
وكفوفنا بالمكارم عند مداتها

ماعشت عيش الامير ولارفاه القضاه
ضاري لبقعاء وحالتها وصكاتها

صبر ابدوي صارع الدنيا بكل اتجاه
عنده مناعه على الدنيا ورداتها

ياحبني للشمال وطيب نسمة هواه
تاخذ خفوق المتيم مع مهباتها

والا ترا القلب يلعب مثل غصن الفلاه
ياخذ تجاه الهبايب و استدارتها

وحنا على خير مادمنا نقيم الصلاه
ويالله عسى تدفع الحسنات سياتها

مساعد مزعل العنزي

فلي شعورك وانثريها على الطيف
خلي خيال اللي يحبك يلمه

انتي معازيبه وهو عندكم ضيف
ضيف ومحبتكم جرت وسط دمه

جالك زياره من محبه وتشريف
وزع على فرقى معاليك همه

يكن في قلبه هروج المواليف
ماهو من اللي سر قلبه اب فمه

يامن تحير بك جميع التواصيف
في كل حالاتك على الوصف قمه

بعيونك النجلا تطيح المجاديف
ويبحر بها المشتاق من غير يمه

وبالهرجه العذبه تذوب السواليف
وطلتك لعيون المعاطيش جمه

يحبني برد الشتاء عن دفا الصيف
برد الشتاء جلسه وشبة ولمه

وياهاجسي قفل جميع المضاريف
واكتب عليها عهد عندي وذمه

مساعد المزعل العنزي

وجه الليالي غير عن وجه الايام
مثل الاوادم تختلف عن بعضها

بعض الاوادم بالزمن درع وحزام
لاطاحت الهقوات قام ونهضها

وبعض الاوادم بالزمن هرج و يهام
ولابين اللازم هروجه نقضها

لاتحتقرها عدها بين الارقام
الله يعافينا ويشفي مرضها

مساعدبن مزعل اليمني

على كثر ماحبك ضعت مع طول الزمان وجيت
تعاتبني وانا الصابر على صدك وهجرانك

نسيت الهجر والحرمان لعيونك ولا صديت
وكن اللي حصل ماصار ياحبي على شانك

سكنت الخافق الولهان حي وحب غيرك ميت
ومن اول ماتلاقينا على حبك ومسكانك

الا ياصفوة الحب الثمين اللي عليه اوفيت
شعوري تفهم شعورك قبل لاينطق السانك

واذا حسيت بالفرقا وانا قبلك بها حسيت
وانا كنت اتمنى اني سماء من تحتها اوطانك

وعلى كبر الغرام اللي ملكني بالخفوق وجيت
وكثر مامل بعضي بعض من بعدك وحرمانك

على كثرالغياب اللي على وجه الوصال اضفيت
تمكن حبك بقلبي محال القلب نسيانك

بنيت من المشاعر من حنين القرب ليا بيت
وسكنت البيت اعده صفوتن من صفوة ازمانك

وانا ماينقص اللي قدمت نفسي ولا خليت
عزيز مقرب أل نفسي مقدم عند سلطانك

اعيشك لحظه بنفسي ثمينه كل مامريت
لو انك يامنى قلبي قسيت القلب مادانك
مساعد مزعل اليمني

رجال لامن ذكرته جاك بيت القصيد
لو كنت جاهل بنظم الشعر ماتكتبه

مثل ابو سلطان عده بالمواقف رصيد
من طيب ساسه فخروالجودفي منسبه

من طيب ذاته تعده في زمانه فريد
والرب معطيه من جزل الخصايل هبه

من طيب قلبه وحبه وسط قلبي يزيد
ابي اشبه على محمد ولا له شبه

ياطلت الغيث بعيون البشر يوم عيد
وياساس بيت الكرم والفخر يامكسبه

وياصفوة الصفوه اللي بالمقام التليد
حزت المفاخر من المشرق اليا مغربه

ياجعل عمرك طويل وفي حياتك سعيد
ويعطيك ربي جزيل المد ماتطلبه

مساعدالمزعل

باقي زمان .. المرجله .والرجاجيل
ومازال باقي .. للمراجل توالي

وياهاجسي ..قرب.. ابهار المعاميل
واضبط من البن الحمر بالدلالي

ولاتحسب احساب الليال المقابيل
ولاتصير تمثال(ن)من الروح خالي

مالطف من القمرا على سطوة الليل
تطرد ظلام الليل تحت الجبالي

ماتبكي النخوه على صفوة الجيل
لي كل جيل(ن)دولة(ن) مع رجالي

والطاري الي حط بالبال ويشيل
واديه من. همال الامطار سالي

ماينبت زروع البساتين ويكيل
يكشف اوراق الغبن في وجه سالي

ازرع لو ان الزرع ماله محاصيل
يمكن يعوزك .. بالزمان الظلالي

ولاشفت نجم اسهيل لاتأمن السيل
مقولة(ن) ..تنقال .ماهي ..مقالي

وياصاحبي جتني طروش المراسيل
وحللتها من بين . مر(ن) وحالي

لو كان مابيني وبينك مواصيل
من كثر ...ماني ..بالزمان ارتحالي

اخذت بالخطوه . بعيد.. المراحيل
وعن كل.. جمه... ماتقصر.. حبالي

واحرص على روس الرجال الحلاحيل
اعدهم... في.. دنيتي رأس .مالي

واللي عداهم في زماني تماثيل
عروش ...مرت.. بالسنين الخوالي


مساعدالمزعل

ارقبت لي مرقب(ن) ناحي عن الديره
متوسط(ن)بين... مشرقها... ومغربها

ناوي على الدرب.. لكن داخلي..حيره
لو قصدي.. اميالها.... ماني.. بحاسبها

واللي... نوى الدرب. ماهمه مشاويره
لاصار... مجبور ..يخسرها. ويكسبها

خيره عسى بالامر ياهاجسي خيره
اللي ...خلقنا ....يكافينا ..عواقبها

والطاري اللي طرالي صعب تعبيره
نفسي... تكنه ونفسي عند مطلبها

لو هاجسي مرها بالفكر تمريره
تمرير كوره من... اللاعب اللاعبها

قبل الحكم يوقف الهجمه بتصفيره
لو كان من دون وجهت حق يحسبها

الظلم ..حاصل.. ولو بانت محاذيره
والنفس تطغى... وتطلب. مايناسبها

والظلم ..ماجاز سيف العدل تبريره
لو البشر ...تصغر. وتكبر مناصبها

ماخيل ...براق ليل(ن) مابرق غيره
يمكن يغر.. الضوامي ..عن مشاربها

والهرجه .. العذبه اللي مالها سيره
من بين حمر الشفايف دوب تسحبها

فيها الحلا ..والدلع ياصعب تقديره
تلجم ...لسان... المتيم ...لايعاتبها

والقلب من حبها ياصعب تحريره
لو في يمينك نجوم الكون تقضبها

موج البحر ماشكا شاطيه تقصيره
لو تالي.. الوقت ...قصر ماتغاربها

وآخر طموح المتيم جاك تقريره
من صفوة... الشعر ..نقاها وركبها
مساعدالمزعل

لو نتبع سنة الهادي عليه الصلاه
ماكان شفت العرب شتى ومتخاصمين

واليابغيت الكلام اللي عليه الوصاه
حذراك تاقع بعرض العالم الغافلين

تطلق لسانك على الغايب وتبحث خفاه
مكتوب هرجك عليك الله من الشاهدين

الله على المعتدي ضده ولاهو معاه
ولاتعتدي والله اللي حذر المعتدين

ولاتشجب المبتلي يشفى وتبلى بلاه
ولاتصير في خلق خلاقك من الساخرين

خلك كما الغيث شامخ لانشى في سماه
براق مزنه يشتت ليل قلب الحزين

ياحب للارض هتانه ونسمة هواه
تكسب قلوب الخلايق من يسار ويمين

لو كل مجروح في وقته يحصل دواه
كان الخلايق من امراض الزمن سالمين

الخلق حب الرحا والوقت حرك رحاه
يعني كذا كلبونا بالزمن راحلين

وان كان نادى المنادي لاتجاهل نداه
خلك على الخط الاول بول الحاضرين

واطلب رضا الواحد اللي كلنا في رجاه
يالله عسانا برضوانه من الفايزين

مساعدالمزعل

البارحه ماني مع العالم وتفكيري غريب
لي درة بين البحور السبع كيف اصلها

ماني ولد سباح والعله يداويها الطيب
وتلاطم الامواج ف وسط البحر طبعلها

ياالماهرالغواص لوناديت مالك من مجيب
ان مالقيت الجوهره جبها ون بانت خلها

ون كان شفت الراس الابيض بس به مالاح شيب
ترا سراب الارض لامر الكبود يبلها

وعيون ماترقد على طول الدهرشي عجيب
وادري ظلام الليل لو خيم بها ماملها

ولسان لا ياكل ولا يشرب ولا شفته رطيب
لاكن حفظ وصات من وصاه ولا زلها

قصه عجيبه مابها ياصحابنا شك وريب
حاولت احللها ولاكن قلت يصعب حلها

عايد عوض العريفج
.................................................. .................................................. ..
البارحه قامت هواجيسي من ابيوت اللبيب
وقام الهجوس ايروض الافكار لين احتلها

من ساحل الافكار راحت للاديب من الاديب
طارت مطير الطير مايدري بها الا ضلها

يالشاعر اللي من شروق الشمس غيبها مغيب
شاعر ذكي جاب الوصوف ولاذكرها كلها

ياشاعر الويلان مايطلق على الوصف الرهيب
الجوهره داخل بحرها والقمر ينزلها

لو الزمن ماله صحيب ولاحبيب ولاقريب
ماطاب مع ذيك الفياض اللي تبعثر فلها

لاخانت الهقوه على الميقاف باليوم المهيب
لاتنصح اللي طبلت من عرض من طبلها

كذا الليالي يارفيقي يخطي الحض اويصيب
وحذر مقادير الليال السود لاتامن لها
مساعدالمزعل

الوقت... ماهو.. خلي.. ضروف
وش .. دمعة .. العين .. ياخيه

ان كان دمعك على المصروف
بعطيك ...اللي... تملك ..ايديه

لن .العطاء ...للولي ..مخلوف
حسناتها .....تدفع....... السيه

وان كان حدك زمان الخوف
انتي.... بدار........ السعوديه

اهل الوفا..تفعل..... المعروف
ولا انتي ...عن ..الدار منفيه


مساعدالمزعل