ذكرى وأشتياق \ديوان ابراهيم حرير العنزي

تحية من البحرين


هذه القصيدة مهداه الى الشاعر الكبير
شباط بن عبدالرحمن الظفيري شاعر الظفيري
تحية من البحرين

تحيه مـــن البحرين باحلى أعذوقها =تهيـــضها المشاعر تزايد شوقها
مشاعر التقـــدير والطيب والـــوفى = مـــرن تـماشيها ومـــرن تعـــــــوقها
ولهدت الاشواق وأرخت بمشــــــيها = قام الحين بـكل قــــــوة يسوقـــها
لدارالظفيري يكرم الضيف والخوي= قبيلة بالجــــود نابت عــــروقهـا
وليالفيت شباط رحب وهــــــــلا = بوجه بشوش وصدق في منطوقها
بحــــــــــر في الشعر ببيات جزله= أبيات شعره صعب أحـــــد يفوقها
أمعاصر الجيلين قرم مخضــــــــــر= عايش الحياة وشاف كامل فروقـها
عايش حياة البدو والعسر والرخى = يوم بها البدوان تسرح بنـــــــوقها
حياة بسيطه ونفس الوقت عســــره = على اللي ماعرف يمشي بسوقـها
وشاف التطور من سمات الحضارة= تأخذ ضرايبها على من يذوقها
يدفع حسابه ملتزم ما تــــــــراجع = يضيع فيها الحر دامــه صدوقها
يالله نسالك العــــــــــــفو والستيرة = يوم الحساب ويوم يـوقف خفوقها

زايد حنيني

يابو هدية كم زايد حنيني= مشتاق ليام انا وانت ورعان
كنا صغار بدارنا مهتنيني =ولا حسبنا احساب لفلان وفلان
واليوم صارت ذكريات السنيني= تهيضت بين المشاعر بالاحزان
صارت ترجعني يسار ويميني =ياما استقرت بين ربعي وبدوان
بدو ليا طبوا الصحاري تزيني= تزهر بهم كل الخباري وريضان
ريحت زهرها تنعش السارحيني =وطير السعد غنى بها كل الالحان
رد الصدى صوت الغماري الحسيني=وصوت البهم ردد مع الفجر لابان
حلم مضى والا حقيقة يقيني =لمحة بصرراحت مع تلك الاحيان
في دفتر الماضي تقول احفظيني =ييام حطيني سجل وعنوان
مافادنا كل الوله والانيني =تسرق ايام اعمارنا بكل الاركان
لو مابغينا كلنا سايريني= وحلامنا صارت سوالف ونسيان

همس القوافي

همس القوافي تنعش القلب لاضاق = قلبي اليامن طوقتله أضلوعي
والفكر من غيبوبته من زمن فاق = وجاني يرد الذاكرة لي فزوعي
الياظلمت نور الصحاري بالاحداق = ولعت في درب المبادي أشموعي
ولاهمني من كان بالدرب عشاق = وخبز الفقر يكفي على سد جوعي
ودرب السناعة لو غدى للبشر شاق =امشي معه لو كنت ماني سنوعي
وغير السراحة باقي الكذب مالاق = يبداء مجامل ويتفرع افروعي
وأمر مر مر في لحظة افراق = يمر فوق الكبد ثم يموعي
نصح المناصح لوغدىضرب بطراق= أخير من يضحك علية أربوعي
يعارفين الوضع لفوه بارواق= كشف المساتر مايجمع اجموعي
واصعب صعب صدت رفيقك الياهاق=هاقيبك الفزعة وصد الجموعي
واليد مافيها عصا ولانت تفاك = ماغير صيحة من وراها ادموعي

لاجيت ابو طلال
هذه القصيدة مهداه للشيخ هايل الفواز شيخ قبيلة السردية في شمال الاردن

لاجيت ابو طلال بلغ سلامي= الشيخ ولد الشيخ راعي الحمية
من ترثة الفواز عالي المقامي= اهل العلوم النافية والعذية
سمعتهم اطيب من زهور الخرامي= لاهبهبت بين الرياض اضحوية
اكرام للضيف الغريب الدوامي= عدة وسط ربعه معاهم سوية
عليك جيرة بالعشاء والودامي= وابشر باللي جيتبه والعطية
اعلومهم وصلت جنوب وشامي= اعلوم الفخر ماهي اعلوم ردية
ما خافوا العدوان وقت الزحامي= افعالهم ترفع مقام السمية
قبيلة يلجالها كل ضامي =كل يقول انا اخوة وخوية
ما كل من قال الحقيقة يلامي= افعال الحمايل ماعليها خفية
يستاهلون الطيب ناس احشامي= والنعم والله لاذكر السردية

سيارتي

سيارتي لاشافت الفــــــلـــس راحـــــــت = ادور الكـراج ابموقعة وين ماكان
اليامسكت ابــريك بالـــــــدرب ماحــــت = كانـها ترقـص على حلــو الالحان
واذا براغيــها على الـــــــدرب طاحــت = ارجــع وادورها وانـا دوم زعلان
ردت عليـــه وبالتعـــــــبير باحــــــــــت = توصفـلي الحاله ولـو مالها السـان
تقول مثـــلي لاحشـــــــى ما استـراحت = ويليت رعيي على الشغل رضيان
والله يلو ماقالـــوا النــــــاس صاحـــــت = لاشق ثوبي واظهر السيت عريـان
وانـــــوح مثــل اللي على الرجـم ناحت = من القهر والضيم شفتـه باللـــــوان
مكينتي من وسطـــــها النـــار فاحـــــت = وراديتري دايم على الدوم عطشان
وزيوتي اللي مــن سنـــــة مستـــزاحت = من كثر ماتقلب تقل مصل واسيان
وتوايري مــــن جنبـها اسيــــام لاحــت = واتيـوبها من كل الاجناب ينبــــان
واصباغي من الشمس والضغط ساحت = قام الحديد وقام من فـــوقة ادهــان
من كثر مااهملني يقولون داحــــــــــت = وبديي امحمل بالوصاخة وتــربان
وتوايري جنب الرصيفات زاحــــــــت = خلص معي البترول والاخ طفران
ومع الاسف كل القوانين اباحـــــــــت = انه ايتحكم بي مثل هـــــذا الانسان

احن لانفنـف هبـوب الشمالـي=ابفجر الندى لافتحت فيه الازهار
اطبيعة لااصـار توجـد اقبالـي= تلقى النفل تلقى البختري ونـوار
وغير الطبيعة شوف عمي وخالي = ابمجالس تلقى بها خوش مسيـار
وترتاح من لوعات سمر الليالـي = وتنسى هموم داخل القلب قنطـار
لون الطبيعـة مايفـارق خيالـي= ماانساه واذكر يوم كنا به اصغار
وعن البداوه طال بـي انعزالـي = ولوهي بكيفي ماتعديـت شنشـار
ابمنـازل تعجبـك ياهممـلالـي = وتلقى الرفاقة بكل الاوقات حضار

مرحبا بالخال
هذه القصيدة ترحيبة بالشيخ عقلا محمد القيسي اثناء زيارته لمملكة البحرين لقبيلة عنزة

مرحبا بالخال بالاخ النسيب =مرحبابك بين ربعك وأنسباك
أبو محمد كفو نعم(ن) بالحبيب = العصامي ماتنى من قال هاك
ياعرب الساس يانسل العريب = من قبيلة قيس لصار العراك
منهم الفارس له الفعل عجيب = ابن صالح امن ان كانه معاك
ستر الجيسيات لشتدد الحريب = والعدو مهزوم ما فيها فكاك
وضيفنامعروف هذاالذيب ذيب=لاذكرت الطيب قالوا لكهذاك
فعلكم بالطيب زادالطيب طيب = وكم فقيربالسخى نال أبعطاك
للقرايب والحبايب والغريب = منقذ المحتاج يومه نصاك
كم مشاكل مالقت من هو يجيب =غير فزعتكم لربعك واخوياك
ربك المنان من فضله يثيب = ياكريم بالعطى هذا جزاك
دامت النعمه لها الصحة جنيب = موفق بالخير والقوة عساك

الفضيلة

النفس طابت ومافي اليـد حيـلة=وحتى العزيمة مرتخي اليوم حيلها
من عقب ما كانت عـزوم اصيلة= لاطبت الميدان يشـوش ذيلها
تفخر بها كل العرب والقبيلة = مهرة اخدلية مالقيـنا مثيلها
واليوم مافادة جميـع الوسيلـة= واحمولنا صارت تـزايد ابميلهـا
صعبةو صارت مع امور جليلة= يبيلها جسر قــوي يرتكيلهـــا
وترى الشجر دايم اعروقة طويلة =لاشررشت مـن هـويقوم ويشيلها
قال المثل هذه احجرة ثقيلــة = لاصار مـوقعها أيـــعي بديلهـا
ومن كان واقف فوق رملة مهيلة= يجيلها ريح شــديد ايهيلهــــا
ومن كان يمشي يتبع للحليلـة= انا اشهد ان بنته لاتعتنـــيلهـــا
الساس واحد نفس نوع الفصيلـة= تسمع كلام الوالـــدة في حليلها
يامن شراله من حلاله فشيلة= ابعد عن الوديان يجيك ســـيلهــا
وربك ايربع في ارياض امحيلة= ينزل مطرها لاتبين اسهـــيلهــا
ولويعلم الانسان وين الفضيلــة= ايجنب جميع المصلحة وايحبـيلها

العسكرية

العسكرية من طلعنا اجنودها =وجميع الاعداءعن بلدنا نذوها
واهني من يطلع من الجيش دايم = سالم قواه وكل روضه يرودها
يسرح ويمرح بالرياض الوسيعة= يعوض ليال ماضيه يعودها
نسايم الريضان والعشب والزهر= ريح الخزامي زاد ريح عودها
في داخل الخيرات مرتاح باله = خيرات من ربه تزايد بزودها
عقب الاوامرجاهزدوم حاضر= لاصارت الهيجا وحشد حشودها
ليانخوا على الصعيبات يدهر = ايخلي السفلى ويصعد سنودها
لاشاف بانت بالدهركامن الخطر= وقت الرجال اللي قوي زنودها
حربي ليا صارت امور يحلها= يفلل القاله ويربط قيودها
داخل بيته بالقرارات حازم = لازم عياله تحتفظ في بنودها
قاسي ولايسمح خطا بالفهايم = جميع الا سره بالاوامر يقودها
اقعد تحرك واسمع ونفذ الامر = لقال كلمه مايناقش ردودها
طبق بها القانون حتى القسايم = كامل بنودها واضحه في شهودها
وليا قعد بالبيت ايقابل الصور= من عقب ماجنبه تحلل فرودها
يقوم يمشي حين يفكر ويقعد = راحت حياته مانفود بفودها
يوم يتذكر بالليالي القدايمة =من عقب ماراحت ليال تحودها
الحلم ماينفع كثير الحلايم = مايمتلك قصر بنا في رقودها
حذراء من الدنيا تراها مخادعه= قبيحه لوهي اتجمل اخدودها
تغر من يجهل وما أمعن النظر = ايامها البيض تقلب بسودها
مافيه مخلوق على الارض دايم = بين الكثايب ينخر العظم دودها
نهايه الانسان يطويبه الدهر = تنهي حياته مستحيل يعودها
طوبي لمن ادى صلاته وزكى = صام وتنفل بالعطايا يزودها
حج وتصدق واكتسب كل غانمة=صادق ولايوم انحسب من حسودها
الحق قاله ماخشى لوم لايم = لوه على نفسه يطبق عدودها
وصلاة ربي عد حجاج بالحرم = واعداد ماصب المطرمن رعودها
على النبي ذكره يشد العزايم= للروضةاللي ياجعلنا من ورودها

سلطان الحروف


هذي مساجلة بيني وبين الاخ سلطان الحرف

ابدي ابيت وانهي البيت بالبيت =لاخوي سلطان الحروفوسعدها
لاشفت شعرك قمت بالشعرفزيت = وكثر المعاني ماحصينى عددها
ياشاعر أينحت الحرف تنحيت = وقصيدته مابعده اللي قصدها

يامرحبا حييـت حييـت حييـت = حييت ياتاج الحروف وعمدها
ياللي على كـل القــوافي تعليـت = انشهــد انــك للجـزيله ســندها

مافيه زود ان كان ياصاحبي الفيت = يسأل عن الجزلات من هو قصدها
أن كان فيها جزلة ماتبريت =نبحث عن الحكمة ونكشف مهدها

ابشر وتلــقى عــندنا ماتمنيــت = والاولــه تلحــق بهـــا الفوز يدها
كانك على بالشعر يالذيب خصيت = اعطيك من صاف القوافي شهدها

تعطي اليامنك على الطيب انويت = ويمناك تعطيبالصخى ما تجدها
ودنياك تغري الحي وتودع والميت = وتبسط بها للي يجي من بعدها

هذي طــراة العمــر كانـك تمنيت= طيب النبا من قبل نسكن لحدها
ولحدن معمّريالخوي داخل البيت = لابد مــايـومن نفــارق سعــدها
اغــنم حـياتك قــبلياليــت ياليـت = وياليـت ماتنفــع لمنهو جحدها

الله يثبتنا وهو حامي البيت = ويغفراذنوب ماحصيناعددها
يارب اغفر زلتي كاني اخطيت = أغفر لابوي وامي ومن ولدها
واقبل عطاييا الياني اعطيت = وصلاة ربي عد يرعد رعدها

وصــلاة ربي عّـد من طـاف بالبيت = واعداد ماترعّد ونسمعرعدها
على رســول الحـق صفوة هّل البيت = بـاني بيوتالدين ورافع عمدها