بوح من صميم الحرمان

ليت المحبه ماهي من شرع الاسلام
......................واللي يحب يخالف الشرع والسنه

لجل الذي يصبر وهو بالغلا هام
......................يوجر على صبره ويدخل به الجنه

اعتذر لكل من يمر بركني

عن الغياب بسبب ظروف السفر

وسوف اكون متواجده معكم وبشكل مستمر ان شاء الله بعد زوال الظروف

لكم مني اطيب الامنيات

غموض الشمال

صكيت جوالي وعن العالم اخفيت
.....................همن بقلبي تهت وسطه غريقي

خليت هميداخل الصدر واقفيت
....................مابي عيون الناس ترقب طريقي

بعض البشريحزنه همك ليا ابديت
.......................لاحس بهمومك حياته تضيقي

والبعض الاخر يفرحه حظك الميت
...................شمات مع ضيم الزمن لك معيقي

ابعتزل واضم جرحن له ادميت
.....................ماعاد قلبي حمل طعنة صديقي

خلوني اسكت وانثر الدمع لاوحيت
.................صوت (الاماكن) وزاد معها شهيقي

يمكن كثير الدمع يبري التناهيت
......................وتموت احاسيسي واعود طليقي

احسد طفلن لعبته كل همه
..............يضحك ولا عنده من الهم طاري

اليا تعب يروح لامٍ تضمه
..............يغفى بيدها ولدفى الصدر ضاري

ماشال هم وغبن الايام عمه
..............ولاهو عن الاحزان والضيم داري

لو الدموع اتعالج جروحي بساع
.....................ماشفتني اشيل جرحي واعاضيه

ولو ان قولت آآه تشفي هالاوجاع
.....................ماكان صدري هالوجع مرتع فيه

خل الحزن والهم مدهال الاضلاع
........................قلبي من الصكات مافيه يكفيه

انا رويت من الحزن حد الاشباع
....................وانا عجزت من الزمن مع بلاويه

ادور الافراح والحظ ما طاع
....................شح النصيب وراح عمري بامانيه

شفت هذي الشاعره تصغر امامك
.................عند وصفك حرفها الباذخ صغير

عاشقه جنت وطالتها سهامك
...................التمس عــذرٍ .. لها لوهي تغير

حلمها تكون بالدنيا هيامك
.................تحضنك .. عن كل عينٍ لك تشير

ودها تنال لو بعض اهتمامك
...................انت مــاغيرك .. بطـــلتها جدير

شاعرن بالحرف جننها مقامك
....................عنده حرفك ..يساوي له كثير

ياكثر ما شدها وزاد احترامك
..................حرف طوعته .. وفكره من حرير

كان ماجابك غرامي والمحبه
...................لاتجيني معجبٍ يأسرك حرفي

الشعور اللي تملك فيك خبه
....................لاتحاول به تثير اليوم عطفي

خلاص لاتتصل والقلب داعي لك
........................خلك مع اللي تذل النفس من شانه

واللي خبرته يعزك دوم وافي لك
..........................منك تعلم يخون.. بعهد من خانه

خلوني بهمي والاحزان تكفون
.........................ولاحدٍ ينشدني ولاحدٍ يلومي
في راحتي ما ابيكم اليوم تسعون
....................تكفون ضاقت بي وسيع الهدومي
هذي انا من خلقتي دوم بحزون
....................من طلعتي حظي قليل امحرومي
خلو جروحي داخل الصدر واعزون
.....................وانا على جرحي صبورٍ كتومي
انسوا وجودي ليه وش منه تبكون
.........................انا على الشده قوية عزومي
قلبي تعود للغرابيل وشطون
......................والنفس ذاقت حزنها والسمومي
وش الجديد اللي بدنياي تبغون
..................وش الرجا من حظ طاح امحمومي
خلاص ماني حمل للي تمنون
.......................ولافيه شيٍ ( لابغيته يدومي )
يابوي سامحتك ولاتحمل اغبون
....................متى الزمن حقق بسيط الحلومي
اللي بغيته بس (.....) تناسون
...................لاتحفرون جروح تحت الردومي
وان اجيتكم اشكي علي لاتردون
.......................هذا قدر ربٍ بحالي رحومي
واليوم يابويه ابي ماتحرون
...................اعيد ماضن فات هو والعلومي
وتبقى يابويه تاج راسي ولي عون
...................ماهو زعل الا تراك محشومي
ياظي عيني انت يانور هالكون
.....................يابوي ليه جعل عزك يدومي