ديوان الشاعر مساعد مزعل العنزي

اهداء الى جيراني الاعزاء
������������������
.................................................. .......

جيراني اللي على التقدير والشيمه
انشهد ان الكرم في طبع جيراني

كبيرهم بالكرم يوفي ملازيمه
وصغيرهم له على الجزلات سلطاني

جماعة(ن)من قبايل غيث من غيمه
ماكنها الا المطر من وبل الامزاني

سحايب الغيث لاشمخ مقاديمه
كنه يتل النظر من وسط الاعياني

وانتم تزايد وفاكم ياهل الخيمه
لو جيت اجمع وفاكم عام ممداني

نعى التفرق عزاه اخر مراسيمه
وشفت التلاحم مميز خير برهاني

واضح وضوح القمر مافيه تعتيمه
نصف الشهر مادرج في نصفه الثاني

الجار قال النبي حقه وتكريمه
تعاهد الجار في عفوك والاحساني

مساعد المزعل

اهل الزراعه يعرفون الزراعه
واهل البداوه يعرفون المرابيع

كلا يمد الخير من مد صاعه
ومن باع فيهم قلت ماشري ولا ابيع

وكلا على فنه طويله ذراعه
باب المعرفه حرفته دون تطبيع

واللي يراعي خاطر الود راعه
جازه على المعروف جزل التصانيع

خله على يمناك ربع وجماعه
ترى الليالي مخلفات المراميع

والوادي اللي جايعات(ن) اسباعه
ياصعب من وسطه جميع المراجيع

وتر ساعة الفزعات باليوم ساعة
يعدها المحتاج لك بالاسابيع

ونار الحماقه طفها بالوقاعه
ترى الوقاعه من اكبار المنافيع

ثبت جسور الصبر ورفع شراعه
لو جوك عدوان الرفاقه مفاريع

الفجر طراد الظلام اب شعاعه
والليل مايحميه وادي ولا ريع

صمتك عن خبول المجالس شجاعه
ماقيل بهروج المجنن مطاميع

مساعد المزعل

نشف دم العتاب وضاق من هجرك ضمير اللوم
وانا لو جيت اجامل وتبعك ماعاد يمديني

وانا لو غبت عني طار من عيني لذيذ النوم
احسك تمشي اب قلبي وشوفك في نظرعيني

تخيلتك سحاب ورشني غيمه قبل لاقوم
يقول افرش خيالك لمني ياشمعة اسنيني

انا تهت الطريق وضاع شوفي والعقل منجوم
على موج الغلا مبحر ولا ادري وين يرميني

ذكرت الساعه اللي جابتك وغليت كل اليوم
ابجلس باقي ايامي معاك ولاتكفيني

ترى الحساد من بيني وبينك ياحبيبي قوم
لاتهجرني وتفتح دربهم من بينك وبيني

تخيل ماتخيلته عسى حبي وحبك دوم
عسى الايام ماتكتب عزاك ولاتعزيني

وتوارت في نظر عيني خيالات السنين حلوم
حلفت اليأس لو يسرج خيوله مايعديني

مساعدالمزعل

قد سامحك قلبي وانا كنت زعلان
وسجلت من غيضي بيوت وقصايد

ورجعت ليه وعتبر لي معك شان
وحتى حسبت ان الوفى فيك زايد

الحب بقلوب المحبين سلطان
ماتدري ان الحب غير عقايد

الحب له واجب وله روح وركان
وله بين كل الناس عرف او عوايد

ترى الغلا ماينطمس لو بعد كان
الوصل من بين المحبين كايد

ياما على سود الليالي خبر كان
وفرقى الحبايب بين الايام سايد

لاغرد القمري على خضر الاغصان
ينثر شعوره فوق خضر الجرايد

وهيض شعور العشق وحساس ولهان
وشعل على قلب المشقى وقايد

تهيض الهاجوس في زين الالحان
لو كان زين العمر ماهو بعايد

مساعدالمزعل

قد سامحك قلبي وانا كنت زعلان
وسجلت من غيضي بيوت وقصايد

ورجعت ليه وعتبر لي معك شان
وحتى حسبت ان الوفى فيك زايد

الحب بقلوب المحبين سلطان
ماتدري ان الحب غير عقايد

الحب له واجب وله روح وركان
وله بين كل الناس عرف او عوايد

ترى الغلا ماينطمس لو بعد كان
الوصل من بين المحبين كايد

ياما على سود الليالي خبر كان
وفرقى الحبايب بين الايام سايد

لاغرد القمري على خضر الاغصان
ينثر شعوره فوق خضر الجرايد

وهيض شعور العشق وحساس ولهان
وشعل على قلب المشقى وقايد

تهيض الهاجوس في زين الالحان
لو كان زين العمر ماهو بعايد

مساعدالمزعل

دورات الايام لو تخلف هقاوينا
نرفع شعار الوفا من طبعنا الوافي

حنا على طيبة المبدأ تربينا
واليا وردنا شربنا المنبع الصافي

والكلمه الطيبه بالفعل تكفينا
من طيبنا مابحثنا سرها الخافي

يالله على طاعتك ورضاك تهدينا
واسدل علينا بعفوك سترك الضافي

تستر علينا وترزقنا وتأوينا
والخايف اللي لجاء لك مابعد خافي

نسهى مع الوقت والشيطان يغوينا
نجمع ونطمع ونصف اعمارنا طافي

نخطي ونجهل ولو صمنا وصلينا
ونرجيك وانت الرحيم الواحد العافي

ونطلبك يالحافظ الرحمن تنجينا
يوما به العبد ياقف ضامي وحافي

مساعد المزعل

الام الحنون

امي حياتي عساني من فداياها
ياجعل عمري ومالي فدوة ايديها

سعادتي في حياتي مكسب ارضاها
الا غناتي عن الدنيا ومن فيها

لو تسأل الكون من سوى سواياها
نبع الوفا لك سنين الكون تحكيها

كم احظنتنا بيمناها ويسراها
تشرح لنا التضحيه بكمل معانيها

وش حقها يوم جاها الكبر وعياها
وقصر نظرها وقرب من خطاويها

تبشر بنا حاظرين اولا تركناها
نعطف عليها ونكرمها ونرضيها

مساعد المزعل

مدري الناس تال الوقت جاها شغف
وش تغير عسى مافات شي مخلوف

كل شي(ن) خبرته زال والا اختلف
وقترب شوف عيني بس ماهي كفوف

وسمع الناس حولي هرجها بالصلف
تجمع المال والا ترضي ام الردوف

وياسعد من ترك دنياه ثم اعتكف
ومنتصب خاشع(ن) لله بين الصفوف

مساعد المزعل

كني على بعض الطواريق معهود
وماني علي بعض المواعيد داري

فكري على عهدا به الطيب موجود
وعيني على غيثا يحط الخباري

وقع السحايب يطرقه نسمة النود
والشمس باقي مثل عين البخاري

وخذت مع سجات الايام مقصود
يطول في بعض الليال انتظاري

ماتاقف الدنيا على موت نمرود
ولاتاتي القمراء على كيف ساري

من راح راح ولارجع منه مردود
من سالف الدنيا خذيت اعتباري

يهدي لي الواقع عبارات وورد
موقد من الهوجاس مقباس ناري

العام مارد القدم شوك وحيود
واليوم جنب عن طريقي مساري

اخلفت بالهقوه مواثيق وشهود
ماهي على كيفي ولا بختياري

اغيب ماكني مع الناس معدود
والياحضر خيري يزيد انتصاري

ولابان لي وجه الرفق كله اجعود
حشمت قدره من جزالت وقاري
مساعدالمزعل

ياصفوة العمر وش اخر محطاتي
تطويك الايام مع لفة لياليها

ياشعلة ابروق سحبا تنعش الذاتي
سرت بليل الدجاء والريح قافيها

تخيلها عين ضامي مابعد باتي
وفي برقها تدعي الهقوه وراعيها

لو التخلي ماهو طبعي وعاداتي
وكلت الايام تكتبها وتمحيها

تذكر مع الوقت وقفاتي وفزعاتي
وتشكر جميع المواقف من معاليها

واليا استوت كل حسناتي وسياتي
علقت نفسي بربا مايخليها

النفس تجهل وتغفل بالملذاتي
والله يعلم نوايانا ومافيها

ياكثر من شال همه مابعد باتي
ينثر شعوره على اوراقه ويرميها

سويت لعلوم خلق الله ملفاتي
اعلوم نفخر بها وعلوم نرميها

معاد اجامل على النمات بسكاتي
ارد راع الرديه مع مسويها

من يلحق الناس هرجه زلته تاتي
يزل زله وكلا يعتبر فيها

مافيه خلقا بلا زله وهفواتي
والله وكيلا على خلقه يجازيها

مساعد المزعل