انا والبحر ثالثنا ـــــــــــــــــــالحزن

يابحر
كثير وجيه تمرنا
كثير حروف تاسرنا
كثير ملامح تلبسنا وتتلبسنا
وكثير قلوب تحوينا وتحتوينا
وياكثر يابحر
لكن كم قلب احنا نحتويه وكم روح احنا نسكنها باجسادنا
وكم ملامح نلقى انفسنا فيها
وكم حرف يعبر عن مواجعنا
وكم شخص نقدر نحبه
يابحر
ماانتظرت اجابه وادري بعادتك صامت
ماراح ترد ويكفيني صمتك

ادري بعيبي
اني ابسط من البساطه مااعرف اتكلف واتزلف
ولا اتميلح واتظرف
ولاللمشاعر اتسلف
ادري بعيبي
ماالون ملامحي
ولااطيق كثرة الاصباغ
وادرك ان انوثتي بداخلي كنز غنيه حيل فيه

ماهي بسذاجه لاوربي ولاضعف
ان كنت اسكت هذي اعظم فضيله
ابسط مبرر في عزوفي عن الحرف
الصمت ابلغ من سوالف طويـــــــــــــــله

رائعه ايام التطبيق الاولى
تشعر بانك اصبحت تنتمي الى عالم آخر عالم لاتعلم هل يشبهك ام لا
وهل ستندمج به وهل ستتقبله او هل سيتقبلك
عالم يمتلئ بالمواقف المضحكه لك كشخص يدلف الى مكان لايعرفه
يستلم دور كان هو في يوم من الايام لايطيقه
بدات ايامي السابقه كمعلمه مجتهده تحاول تطبيق ماتعلمته
وتحاول تقمص دور لاتجيده وهو الحزم والشده وترسم على ملامحها
بعض من خطوط الجديه رغم ان ملامح الشقاوه تطل بقوه من عينيها
الآن ادركت مدى العذاب الذي كانت تعاني منه معلماتنا سابقا
ومدى ماكنا نسببه لهن بشقاوتنا ومقالبنا
الآن اردد لنفسي ذوقي من نفس الكاس ^_^

قلت المطر قالت لي اليوم ديمه
مابه رعد لابرق ماغير هتان
عشق جـمع مابين قاع وغيــمه
فيض على صدر الثرى دمع الامزان
هـمس النديم اللي يعاتب نديـــمه
صوت المطر كانه تعاتيب خلان
وتبسمت لاجل الليالي القديـمه
وقالت تذكر قلت يابنت نسيــان
نقض الجروح اللي تشافت ظليمه
لاعاد به وصل ولاعاد به هجران
ماللرجا في بعض الاحوال قيـــمه
وماللعــمى صبح لو بات سهران
لو للزمن عن نية الغدر شيــمه
مافرق احباب ولابعد اوطان
كل خصيـــم وذاق لوعة خصيــــمه
واللي خصيـم الوقت يابنت خسران



كم احب هذه القصيده كثيرا .

طفله الهو بمياهك ايها البحر
حاولت ان اكون حوريتك
الهو بامواجك
اداعب نسماتك
اغوص في داخلك
ثم اجلس قليلا على صخورك اترقب البعيد
لكنني ادركت انني لازلت طفله

خذ كل ماتريد يابحر وامنحني قلبا صادقا
محبا مضحيا يكاد يقتله الشوق لي
قلبا امنحه كل مااملك من مشاعر متدفقه
واحاسيس ساميه
خذ كل ماتريد يابحر
وامنحي عقلا يحتوي جنوني
وحضنا يلملم شقاوتي
وروحا تدثر احلامي
خذ يابحر كل ماتريد
وامنحي يدا تمتد لي
تنتشلني من المي وحزني
تربت على شعري
خذ يابحر كل ماتريد
وامنحني عشقا يهمس لقلبي باعذب كلمات الحب
خذ يابحر كل ماتريد
وامنحني عينا تراني اجـمل النساء واعذبهن وارقهن

رغم انك يابحر تمتد لتغطي ثلاثة ارباع الكره الارضيه
لكنني اجهلك ولااعرفك سوى في موطني
في موطني اقترب منك بلاخوف ولارهبه
رايتك في بلاد كثيره ولكن شعرت بانك غريب علي
وانا غريبة عليك
احبك يابحر .

قالت لي طالبه لذيذه
ابله انتي حلوه قلت انتي احلى
قالت انتي طيوبه قلت انتي اطيب
وكل ماقلت كلمه قلت لها نفسها وانا ابتسم بالاخير سكتت
تفكر تفكر قالت ابله
قلت نعم
قالت انتي كل شي لحظتها احترت وش اقول ^_^

عاده سيئه فيــنا
نحب اللي يجافيــنا
واللي حبنا نجفاه
لو هو ميتن فينا
ندور في البشر قاسي
ندوره ناكر وناسي
واللي قال خذ قلبي
نقول الله يغنيـــــــنا
عطانا الحب ماقصــر
قال انت الحب واكثر
ورحنا ندور لواحد ـــــــــــــــــــــ عمره ماسأل فينا !
اجيـــله باصدق اشواقــــــــــي
وهو ميت على فراقـــــــــــــــي
نحن لناس ماترحم
عسى الله بس يهديــــــــــــــــــــــــــــــنا