ديوان الشاعر/ منصورالجلعود

قصيدة بالامير/سلمان بن عبد العزيز آل سعود "حفظه الله" بمناسبة تولية لامارة الرياض لمدة 50 عام

سلمان سلـم ٍ للقلـوب النظيفـه=سم ٍ على العدوان وأهـل النمايـم
يشبه لابو تركي بفكـره وسيفـه=للجود يمنى وللعصايـب عمايـم
خدم كـلام الله كتـاب وصحيفـه=ولسنّة َ المختـار خـادم وقايـم
هذي عروسة نجد مالـه وصيفـه=أبو فهد صفى الليالـي الصرايـم
كوّن حضاره في سنيـن ٍ خفيفـه=حضارة ٍ قامـت بفكـر وعزايـم
كل العلوم الزاخـره جـت رديفـه=تاخذ من رياض الثقافـه وسايـم
أمن وأمان ٍفـي حيـاة ٍ شريفـه=في جوها حامت طيـور الحمايـم
في كل شبـر ٍ للمواطـن وظيفـه=في كل شبـر ٍ يبذلـون اللزايـم
يوم الحسد أعمى النفوس الضعيفه=حمى رياض العز من كـل هايـم
خمسين عام ٍ شامخـات ٍ منيفـه=أدناهن اللي فوق بيـض الغمايـم
في ظل حكام السيـوف الرهيفـه=اخوان نـوره معتليـن السنايـم
وصلوا على المبعوث رحمه وخيفه=اعداد ما بالبيت ساجـد وصايـم

قصيدة تشرفت بالقائها في أول ليالي عيدالفطر المبارك وذلك
في حفل لجنة التنمية والذي أقيم في مدينتنا سميراء لعام 1430 هـ
وتتعلق بالاعتداء الغاشم تجاه الامير/محمد بن نائف آل سعود "حفظه الله"

قال الجلعودي ياتباشير الأعياد=عودي علي في ليلة العيد عودي
خليني أنسى ملحمة امة الضاد=اللي بلاها كل وقت ٍ يزودي
ودي أبدل هاجس الحزن بانشاد=وأنثر على طيف التفائل ورودي
متفائل ٍ بالخير والخير يزداد=في ظل أبو متعب عريب الجدودي
عبد الله اللي للوطن درع وعماد=صقر العرب معمي عيون الحسودي
قاد السلام العالمي لكل الأشهاد=سعودي ٍ يحمل سلام ٍ سعودي
ملك ملك حكمه على نورها ساد=مايعرف الغلظه ولاهو حقودي
هذا هو الاسلام ترغيب وجهاد=ماهو بتنقيض الذمم والعهودي
الدين مايبنى على كره وأحقاد=ولايحمد الأحقاد كود اليهودي
قولوا لخصيم الحق الحق وراد=بالدين والدنيا ويوم الوعودي
الكذب والتدليس لابليس مافاد=حتى يفيد اللي غدوا له جنودي
يأهل الفتن السالفة ماهي عناد=ملعون موقظها عسا مايعودي
بشهر الفضايل ضاقت بلاد وعباد=بأسباب من جازى الوفا بالجحودي
كادوا لأمير الأمن وابليسهم كاد=والله يخزم ابليس مهما يكودي
كادوا وربي لكايد الكيد مرصاد=مابين كاف ونون كانوا وقودي
هذا جزا اللي يجزي الخير بافساد=من خالق الدنيا ومحصي الوجودي
يأميرنا بالأمن حنا لك سناد=على الذي شره تعدى الحدودي
حنا هلّ الريشا عريبين الأجداد=دهامشة ويلان ضد الضدودي
وكل القبايل للوطن درع وزناد=اخوان في وجه المعادي عضودي
والختم صلوا عد مالج رعاد=على رسول ٍ بالمكارم يجودي

قصيدة بامير منطقة حائل/سعود بن عبد المحسن آل سعود"حفظه الله"

تــســتــاهـــل الــتــكــريـــم يـــاســـعـــود يـــمـــنـــاك=يالّي يـمـيـنــك بـالـعـطــى مـالــهــا حــــــدود
يامعـطـيـن حـايــل مــــن أقــصــاك لأدنــــاك=أنـــــــا أشـــهــــد انـــــــك لـلــجــزيــلات مــــولــــود
يــابـــن الـــكـــرم وأبــــــو الـــكـــرم لاعــدمــنــاك=مـدامــك ابـــن ســعــود وش لــــون مـاتـجــود
أبـــــــوك عـــلــــى راع الــطــويـــلات ســـمــــاك=نــعــم الـسـمــي ونــعــم الـمـسـمــي هـكـالـعــود
يــاجــعـــل أبـــــــوك بــجــنـــة الــخــلـــد ويــــــــاك=يـالـلــي جـمـيـلـك بــيـــن الأشــهـــاد مـشــهــود
بــالـــديـــن والــدنـــيـــا تـــســـامـــت ســـجـــايـــاك=لأنـــــك ســـمـــو الـمـعــرفــه كـــاســـب الــــــزود
حــايــل واهـــــل حــايـــل اذا حـــــل طــريـــاك=دعــــوا ولــــي الــعـــرش يـحـفـظــك يـاســعــود
مـــن ويــــن أبــبــدى وأنـتـهــي فــــي مــزايــاك=يـالــلــي دروبـــــك كــلــهــا صـــعـــود وســـنـــود
هـــــــــذا أجـــــــــا بــــأنـــــواره الـــــيـــــوم حـــــيـــــاك=أهـــــلا(ن) بــكـــم اعـــــداد مــاهــبــت الـــنـــود
وضــــو بــيـــرق الـتـوحـيــد بـالــنــور مــســـاك=تــرســـل مــعـــه شــبـــه الـجــزيــره لـــــك ورود
مــــن مــرقـــب الـســمــراء نـشــوفــك ونــقـــراك=بأغـلا عـروس(ن) ٍ حسنهـا دايـم يـزود
طــــابـــــت مــــغـــــوات الــمــحـــافـــل بــلــقـــيـــاك=لامـا غــدت عـقـد(ن) مــن الــدر منـضـود
تـشـهـد لـــك الـصـحـراء بـفـكــرك وحـسـنــاك=فــــي كــــل عــــام(ن) رالــــي الـعــالــم يــعـــود
حـايــل غـــدت قــلــب الـتـواصــل بـمـسـعـاك=مـن يـوم سعيـت بوصلهـا نــزول وصـعـود
الـــلـــي نــــــزل لــلــشــام ولـــحــــدود الأتـــــــراك=يــــمــــر ديــــــــار الــــجــــود تــصـــديـــر وورود
خـطــوط(ن) سـريـعـه جـــت بـهـمــه وادراك=مــــع الـقــطــار الــلـــي لــفـــا بــعـــزم وجــهـــود
هـــــذي مــلامـــح نـهـضـتــك نــورهـــا جــــــاك=يــالــلــي مــعــالـــم نـهــضــتــك دايـــــــم تـــــــزود
زود(ن) عــلــيــهــا بــالــتــواضـــع عـــرفـــنـــاك=الــــلــــي يــــبــــي لــقـــيـــاك يــلـــقـــاك مــــوجـــــود
لــــك بـسـمــت(ن) دايــــم تــخــاوي مـحــيــاك=مع سطوت(ن) تضرب على كايد الكود
مــايــبــحـــل الـــــلـــــي لاتـــعـــســــر تـــنـــصــــاك=حــالــه تــبـــدل عــقـــب الاعــســـار بـســهــود
مـــحـــافـــل الــتــكــريـــم تـــشـــهــــد عـــطـــايــــاك=لـــلــــديــــن والــتــعــلــيـــم والـــفــــكــــر والـــــجــــــود
الله يــحــفــظــك مــــــــن بــــــــلا كــــــــل أفــــــــاك=يــأمــيــرنــا الــــلـــــي بــالــجــزيـــلات مـــعـــهـــود
والــخــتـــم صـــلــــوا عــــــــد دورات الأفــــــــلاك=عــلـــى رســـــول(ن) بـالـشـفـاعـات مــوعـــود

[/center][/size]

يقول ابن جلعـود والبـال محتـار=بوصف العروس اللي نسبها شمالي
تكفـا طلبتـك ياجزيـلات الأفكـار=تجملي بالوصـف وقولـي بدالـي
قولي وغني و انظمي جزل الأشعـار=بـدار ٍ أهلهـا مكرميـن السبالـي
دار ٍ زهت بسعود والجـود والكـار=في ظل أبو متعب زعيـم الرجالـي
ديرت بعد حيي بها الوصف يحتـار=حايل بعـد حيـي وميتـي وحالـي
تكفا عطيني من هوى الوصف تعبار=تكفـى طلبتـك يابعـد كـل غالـي
قالت لي صوت كان بالوصف تحتار=قل هيه ثم هيجن وتلقـى الجزالـي
قل هيه ياللي مولـع بشبـت النـار=وصوت النجـر ومبهـرات الـدلالـي
وقل هيه ياللي طربتك شوف الأزهار=وشوف النفـود ونايفـات الجبالـي
وقل هيه ياللي منوتك جمـع الآثـار=وأخبار حاتم وأبـو زيـد الهلالـي
وياللي ذبحك الصيف بالواهج الحار=وتشتاق لنسمات ٍ نسمهـا خيالـي
عليك بحايل كان بالـراس مشـوار=تلقـى عـروس ٍ نـادره بالجمالـي
تلقا رجال ٍ تكرم الضيـف والجـار=طيب ٍ طبيعي وضحكت ٍ وابتهالـي
عليك بحايل ماتبي شـور وأشـوار=حايـل ولاغيـره بقلبـي وبـالـي

يقول ابن جلعود في مرقب(ن) عـد=فوقي سميراء صوب راس الطويله
هديت طير الشعر من هاجسي هـد=كفـخ بجنحانـه وجـاب الجزيلـه
فيها المعاني واضحه ماتبي سـرد=من دهمشي يعجبـك لاقـال قيلـه
بادي بدى أبدى مع القـاف بالحمـد=للواحد الديـان منشـي المخيلـه
وافهم ترى بأوصيك يا معرب الجد=الحـر مقـره بالجبـال الطويلـه
حاش المراجل ما خلط هزلها بجـد=حـلال لاحلـت حلايـل وحيـلـه
حر(ن) على درب المراجـل توجـد=وجـده عليهـا وللمراجـل دليلـه
وان سند المشهد فلطيـب يشهـد=ذيب(ن) عوى عشاه شيخ القبيلـه
واللي يصوت بالعشـى مـا تـردد=صوته بقى للطيب رمـز وفضيلـه
ومبكي المسويات للطيـب مشهـد=للطيـب بكّـى ظافـرات الجديلـه
الطيب يأهل الطيب خشم ٍ تلبد=بخشوم مزن ٍ طافحات ٍ بسيله
اللي يبـي الطـولات لابـد يجهـد=ويصبر على حمل الحمول الثقيلـه
واللي يبي الهيبات بالسيف يحتـد=يقدم على ضرب السيوف الصقيلـه
سعران مع راكـان بالفعـل ينعـد=وبرجس غدير الموت يرعب صهيله
رموز الشجاعه والكرم مالهم عـد=الحي يحيـي فـي حياتـه قبيلـه
أوصيـك بالثنتيـن قـارب وسـدد =لو زاد ثقـل الحمـل لازم تشيلـه
وأوصيك لاتلاقي هلّ الوصل بالصد=صدك عن الواصـل تراهـا رذيلـه
ولا تقارب اللي بالصعيبـات يلبـد=وقت الرخى يضميك نقلـه وشيلـه
وانخا شديد(ن) بالشديـدات ينشـد=يرخص لك الغالي ويفديـك حيلـه
واصعد طريق العز في كل مصعـد=نفس(ن) تهاب العز تبقـى ذليلـه
تمت وصلوا عد ما غايـب(ن) رد=على النبي رمز الوفـى والفضيلـه

	سلم على اللي تحتشم في لباسها=ماخالط لباس التبرج لباسها الدره اللي هديها هدي أحمد=تموت ماتكشف للأجناب راسها المسلمه الطاهره العفيفه=الصادقه المنصحه مع ناسها ماتهمها الموضه وصيحات الدجل=اللي على الاسلام صبت باسها تعلم بان اكثر هل النار النسا=فشامت عن دروب الغوى وأدناسها ترجي جنان الخلد وجوار ربها=مثل آسية المؤمنه وأجناسها فيّا سيدات الطهر الوقت كايد=نجور الفتن قامت تدق اجراسها لايغركن اعلام هابط ومنحل=داس الطهاره والكرامه داسها شوفن لحال المرأة الغربيه=ماعاد تميز راسها من ساسها بسم التطور قبلكن صفقوا لها=لاماأعلنت مع الزمن افلاسها قامت تضرسها النفوس الخبيثه=اللي كشف وجه الزمن أضراسها قالوا لها عيشي حياتك طليقه=وش لك بنظرات الحيا وأتعاسها كبي الحيا ما بالحيا لك مصالح=تقرنسي يذل لك قرناسها تحرري من خدمة الزوج والأهل=لاما متى نفسك تضيق أنفاسها ضحكوا عليها بالكلام الزايف=داسوا كرامتها بقصد أوناسها حثالت ٍ للجنس والسكر غنت=بسم التطور روست مرواسها يوم شحنوها بالتحرر واقبست=تناحشو عن وجهها قباسها قامت تزاحم للرجال وقامت=تغرس غرايسها بغير أغراسها نست حقوق الزوج والبنت والولد=صار الجسم واللبس هو هوجاسها لعيون كسب المال ماهو لعينها=حطوا لها موضات صعب قياسها للبس وللمكياج ولقصات الشعر=وللبيت وللزورات ولأعراسها في كل عام ٍ تنولد فيه قصه=زود ٍ على كلاب الدلع وبساسها وفي كل عامٍ ينزل لباس عاري=هلست تعري أربحت هلاسها وفي كل عامٍ للوجه وجه آخر=نمص وابر وأصباغ مع كراسها وفي كل عام ٍ للاكسوار دقه=متخالط ٍ عقد الذهب بنحاسها وفي كل عام لعطلة الصيف سفره=اما بجو جنيف أو تكساسها وفي كل عام ٍ للهوا ألف مدرسه=مديرها يضحك على دراسها كثرة عليها هالدروس العقيمه=تلولسوها وأحكموا لولاسها صارت هي الرجال والابن والمره=ماله جدى ياكود صفق أخماسها في مجتمعها عقب دعوى التحرر=جتها الحقيقه ساطعه اشماسها هذا يتحرش في جسدها وهذا=بوحل المخدر ناوين اغماسها وهذا يبيها له صديقه وهذا=يبي يتكسب من ورى جلاسها وهذا يهددها وذا يبتزها=وهذا بعسرات المشاغل حاسها من عقب ماهي آمنه مطمئنه=ذاقت من كؤوس الدجل أبئاسها لادين لادنيا ولامن آخره=لاصار دين الكفر هو نبراسها راحت ضحيه لمدعين التطور=من يوم مالبت ندى أرجاسها

,

يقول ابـن جلعـود ياسامـع القيـل=على الذي صلى عليـه الولـي صـل
واحفـظ كلامـي لليـال المقابـيـل=من قبـل لاتشـد الرحايـل وترحـل
لو ربعت دنيـاك لابـد مـا تحيـل=فاحسب حساب الوقت من قبل يمحـل
الوقت قصاص السيـوف المصاقيل=كم فيصل ٍ فـي قصتـه مـا تماهـل
ياما غدى به مـن قـروم وحلاحيـل=وياما غدى به مـن ردييـن وهمـل
مابين هـذا وذاك شفنـا رجاجيـل=عشنا وشفنا بالبشـر هـول وهـوّل
رجل ٍ على الطاعات ثابـت ولايميـل=ورجل ٍ على العصيان عن منهجه ضل
ورجـل ٍ يقابـل والدينـه بتهلـيـل=ورجل ٍ يصد عنهـم ولاهـو بياصل
ورجل ٍ يواصل قاطع الرحم توصيل=ورجل ٍ عن الأرحام ماهو بيسأل
ورجل ٍ يبجل جيرت الجـار تبجيـل=ورجل ٍ وذاه يخلـي الجـار يرحـل
ورجل ٍ تشوفه للخوي شوفة سهيل=ورجل ٍ تشوفه للخوي شوفة الذل
ورجل ٍ يسهل حاجة النـاس تسهيـل=ورجل ٍ يعقدهـا ولـو يملـك الحـل
ورجل ٍ على حمله حمل غيره يشيـل=ورجل ٍ ليا زادوا عليه الحمـل مـل
ورجل ٍ يذلل هامـة الصعـب تذليـل=ورجل ٍ على السهـلات قـام يتنقـل
ورجل ٍ بحل الصعب بالحيل حلحيـل=ورجل ٍ يعيش سنين بحـلان بالحـل
ورجل ٍ براسه يحلل القـول تحليـل=ورجل ٍ بهز الـراس ماهـو بيبحـل
ورجـل ٍ كلامـه يسنـده بالتماثيـل=ورجل ٍ كلامـه مـن وكـالات ينقـل
ورجل يقول القول قول وأفاعيل=ورجل ٍ يقول القول ولاهو بيفعل
ورجل ٍ شجاع ولايهاب الغرابيل=ورجل ٍ ليا هبهب عليه الهوى ذل
ورجل ٍتعرفه بالكرم والمشاكيل=ورجل ٍ تعرفه ٍبالبخل والتململ
ورجل ٍ يبين عنـد شـرب الفناجيـل=ورجل ٍ يبين دايم الدوم بالظل
ورجل ٍ ورجل وللمراجـل تفاصيـل=وبالمختصر لاتخاوي الـلاش تنـذل
تم الكلام اللـي بنيتـه علـى ايـل=قول ٍ عسـا معنـاه ياصـل ويقبـل

يقول ابن جلعود من راس الطويله اعتليت=وابديت ماصفيت من قاف ٍ بعاليها طرى
يالله ياللي تعلم بحي ٍ بكّا حي ٍ وميت=تغفر لعبدك ماجرى واللي بعلمك ماجرى
بأسباب نفسي كم جنيت من الذنوب وكم عصيت=ماعدي أدري بأن رب الكون لعصياني يَرى
يا غافل ٍ مثلي ترى الدنيا قصيره لا انتهيت=عمري وعمرك مثل براق ٍ تشاعق ثم سرى
ياقصرها الأيام لامنك بنفسك اختليت=فاحسب حسابك قبل ماتصبح وتمسي بالثرى
ان غرتك نفسك وشفت انك على السيّه نويت=فاذكر مقامك يوم كشف الستر قدام الورى
تذكر انك لوفعلت اللي على فعله قويت=ماينفعك لاحطوا الميزان بيوم ٍ أغبرا
ابليس وجند ابليس لو تتبع هواهم كيت كيت=يوم القيامه حالهم من حالتك برا برا
اقرا لقول ابليس بالقرآن لامنك قريت=في سورة ابراهيم آيات ٍ تبكي من قرا*
هذي نهاية طاعتك لابليس كان انك نسيت=فاذكر عسا قلبي وقلبك لاتذكر يذكرى
ذكرى وتذكر جنت ٍ فيها لنفسك ما اشتهيت=الحور والولدان والأنهار وأعظم مايُرى
ترا ولي العرش رب البيت لامنك رأيت=والفوز كل الفوز يوم انك لوجه الله ترى
هذي نهاية وجهتك يآ لآدمي كانك وعيت=اما طريق أهل اليمين ولا الطريق الأيسرى
تمت وصلى الله على من هو بهديه اهتديت=محمد عليه أفضل صلات ٍ مع سلام ٍ يذكرى

*سورة ابراهيم الآية:22.
لسماع الآية اضغط على الرابط أدناه:

قال الجلعودي ياهلاّل الصياما=عجّل ترا قلبي لشوفتك مشتاق
مشتاق لصيام الشهر والقياما=والذكر والقران والبر والانفاق
مشتاق لزيارة حبيب الأناما=والبيت والمسعى وزمزم له أشتاق
مشتاق لخير ٍ من ثمانين عاما=في ليلة ٍ فيها تقاسيم الأرزاق
ليله كريمه كل أبوها سلاما=الفايز اللي فاز فيها بالاعتاق
هذا مرآدي قبل برد العظاما=لأبيضّت العينين والتفت الساق
وش لي بدنيا تاليتها حطاما=تقفي كما يقفي مع المزن براق
عزيزها لو عز ماله مقاما=لابد ماهو للمنيات ذوّاق
عقب الأهل والمال وقصر الرخاما=يقفي لحاله وقت نشفات الأرياق
تعاونوا غسله خوال وعماما=لوكان غسله للقريبين مايطاق
أقفا عن الدنيا بمترين خاما=يطوى بها طي الصحايف والأوراق
شالوه ثم صلى عليه الاماما=صلاة من فارق محبينه فراق
وعقب الصلاة اللي قضوها قياما=للقبر من أغلا المحبين ينساق
ينام لو مابالمقابر مناما=في حفرة ٍ ظلما كما الليل غسّاق
ومن عقب مايردم عليه الرداما=تسابقوا للدفن لو مابه سباق
وحطوا النصايب من خلاف وأماما=ومن الحصا حطوا على قبره طباق
رشوه بالما وابتدوا بالسلاما=أحد ٍ صبر وأحد ٍ له صياح وشهاق
أقفوا ويسمع مشيهم والكلاما=وده يلاحقهم ولاهو بلحّاق
يلوم نفسه عقب فوت الملاما=جف المداد اللي له سنين دفّاق
امّا غدت روحه ببرد وسلاما=ولا بنار ٍ حرها يحرق احراق
تمت وصلوا عد وبل الغماما=على الشفيع اللي تحلا بالأخلاق

[center]

بأوصيك ياجلعود من قبـل يومـي = وأستودعك قبـل المـوادع وداعـه
أستودعك دينـك وحفـظ السلومـي =وحفظ الكتاب اللي بحفظـه مناعـه
وأستودعك بالصبر يوم(ن) ودومـي = الصبر سلعت باخصين البضاعه
وأستودعك خلك عطوف(ن) رحومي = مابالفظاعه غيـر كسـب القطاعـه
واستودعك لاتصحـب ألا القرومـي = القرم مايخطـي طريـق السناعـه
واحذر تصاحب محرقيـن الهدومـي = اللي رضوا لابليس سمع(ن)وطاعـه
وأستودعك بالعلـم جـود علومـي = من لاتعلـم ماحصـل لـه وقاعـه
وأستودعك وصل الأقـارب لزومـي = يامنك في يوم(ن) حقيق(ن) مراعـه
وأستودعك جـارك بحقـه تقومـي = وارحل ليّا بانـت عليـه البشاعـه
وأستودعك شب الحطب والجرومـي = وصف الدلال اللي يشوقـك لماعـه
وأستودعك بـذل الجهـد باللزومـي = ووقت الرخى المجهود ساعه وساعه
وأستودعك بالسـر خلـك كتومـي = مهما صفى لك صافي(ن) في طباعه
وختامها اعـداد حسـبَ النجومـي = صلوا على المبعوث راع الشفاعـه

[CENTER]