~.. مركب إحساسي ورق ..~

الأماني طير .. والحظ الغصن .. والأمل روح من نسمة عبير ..

وأنا مثل وردة مطر .. محتاجه لـ إحساس الربيع .. وفراشات الصبح البديع .. أحتاج يشرقني الفرح .. بعد الغروب .. وأبتسم .. وأبتسم .. وأبتسم .. تعال نبحر ياورق .. مركب إحساسي جريح .. تعال خذني من الأرق .. شراعي المتعب كسيح .. ياما في وجه الرياح .. كان شامخ كـ الجبل .. كان هادي كـ الفجر .. لين مزقته جراح .. وإنتهى فيه الغرق .. صوتي المبحوح راح .. آآآآه ياإحساسي العميق .. جيتك بكل الطرق .. مارحمني صدري الواسع يضيق .. أتمايل فوق موجاته وأفيق .. وأتعثر.. وأتبعثر .. وألملم الباقي .. وهم .. هذي آنا ..؟؟ موجه تشبهني عنا .. خطوة كانت للورا .. أخرتني للوصول .. إخدعتني .. توهتني .. رحت أدور شي مني .. ياخذني لـ عندي ..!! للأسف ..!! ماوصلت لأقرب تفاصيلي .. ومني ..!! ضيعتني ..!! ماعرفت من هي أنا .. ويني أنا ..؟؟ آخر الرحلة فضااا .. ومن الضما .. أهلكتني ..!! هدني الليل الطويل .. كل مافيني خضع .. للحزن .. للذكرى .. للحب الكبير لييييه ياحرفي الهزيل دايم تئن..؟؟ لاتخلي كلمة أوجاعي تحن .. وتهزمني ..!! شفني أبحر عن مينا شتاتي .. أجمع أحلامي بـ قارب أمنياتي .. يمكن ألقاني قبل عمر الضياع .. داخلي دايم صراع .. أسئلة في أسئلة .. تشكي جوع الأجوبة .. تعال خذني من وجودي .. قبل أتساقط من عيوني .. وأجمع البعض فـ يديني .. ياترى هذي آنا .. وإالا إحساس الغروب .. بلا شروق .. ............... بلا شروق ............................ بلا شروق موجة بحر.. النجلا ..