&&ديوأن الشــآعــر المبدع والمتألق عبدالعزيز الوآدي&&

الله الله عليك ..

عز الله انك اقديت بأبو وادي .. انا وهالربع مدري شلون فاتتنا وماتغافلناه

نطلبه وهو يعيي .. لاكن على هالمفاجئة الطيبه .. يستاهل هالبنر مني إهداء لديوانه



وعساه يعجبه ..

متصفح ولا اروع كل الشكر للأخت((( قمر ليله العشاق))) على هذا الديون للشآعر ع ــبدالعزيز الوادي

لي رجعه هنا لاستمتع اكثر بما طررررح هناااا

اشكرك قمر ليله العشاق على هالبادره الرائعه ,, لشاعرنا الرائع عبدالعزيز الوادي

وهذي اخر قصيده له تقريبا اضيفها بالديوان ,

اللي بقآ حرفين مآهن / ثلآثه ............................. كمل آنآ / وش فيك يا سيدي قِل هآت الكلآم اللي نويت / اجتثآثه ............................. لا ترتخي طآلبك تل الحكي / تِل لا تسكنك رحمه ولا آي / اكترآثه ............................. آطلق عنآن القول لآرض الورق / بِل ني الحروف ان جآت ماهي / حدآثه ............................. الآ نتآج آمور يا سيدي / جِل بصدري قصيد رجآل خآطب / اِنآثه ............................. يبغى الحديث يطول للسآلفه / فِل لا تقطع آيدينك وتطلب / اِغآثه ............................. وحل القضايا بيدك يا سيدي / حِل آدري بقلبك ما تجيه / الخبآثه ............................. ابيض نوآيا ما سكن دآخلك / غِل هآك الحروف آبيآت ماهي / عبآثه ............................. من هآجسٍ يآمرك هل الحكي / هِل اللي بقآ حرفين مآهن / ثلآثه ............................. ني السوآلف كي يا سيدي / قِل

:


الف شكر يا قمر ليلة العشآق على اهتمآمك ..

مع اني كنت رآفض افتح لي ديوآن لكن ما دآمهآ صآرت

فآلف شكر لك .. وللغآلي عبدالكريم وللغالي فهد الغبين وللغالي خآلد الهآجري

:

وان شآء الله رآح اخص هالديوآن بما هو جديد ونآدر


:

تستاهل اكثر ياشاعرنا

انت شاعر

الشاعر القدير والجميل / عبد العزيز الوادي

أهنيك على هذه القلم وهذه الدرر المتناثره هنا ..وحروف ومعاني أصيلة أجدت وأحكمت وأبدعت ..

أتشرف بالحضور هنا كما أشكر قمر ليله العشاق على البادره الطيبه

تقديري ومحبتي الصادقه

انـا الـذي ميـل عقالـه ولا مـال
انا القوي القاسـي الصاطـي العـي
انا الشمالي لا رميتـي لـي الشـال
افزع شهامـه واترفـع عـن السـي
يا بنت ما ني للغدر مضرب امثـال
انا الوفي الصـادق المخلـص الفـي
يا بنت انا من اللي لهم مجد وافعـال
ارفع مقامي عن مكامن هـل الغـي
ما هي همومي لبسة الثوب واعقـال
ولا بي حلا يا كود لوي العـدا لـي
انـا همومـي ثقلهـا تقـل الجبـال
وحالي شقيه كيـف مـا مثلهـا زي
عايش غريب ودنيتـي كلهـا امـال
ذيبن سرى بالليل يبـي اللحـم نـي
امشي مماشي الطيب ما ارجي المـال
ابي المكارم ما اتراخـا وانـا حـي
انا بدوي وبي شيم بـي سعـة بـال
لامن ظما الظامي لقا عنـدي الـري
احفظ حقوق الناس ما اجحد ولا احتال
هذي سلومي والعوايـد لـي الضـي
هي نور دربي لا نويـت الترحّـال
هي الزهاب وهي حياتي مـع المـي
يا بنت انا عندي احاسيـس تختـال
اعشق واحب مـن البنـات التغلـي
ما ني جماد ولا ني انسـان تمثـال
ماني جليد احساس يا منجض الكـي

عشنا وعرفنا .. والبـلا انـا عرفنـا
بعض المعرفه .. كسبها هـم وأتعـاب
يـا وقـت تبنـا .. والله انـا تعبـنـا
ما عاد نبغا شي .. يـا الوقـت تنهـاب
عفنـا وكرهنـا .. كـل شـي وندمنـا
خابـت هقاوينـا .. والايــام دولاب
كنـا وكنـا .. لكـن الـيـوم خفـنـا
صرنا نهل الدمـع .. نشكـي ونرتـاب
يا وقت وان كـان .. الليالـي اظلمنـا
ارفق بنا .. لا يكلـش الذيـب الانيـاب
حنـا وفينـا .. لكـن انـا انغـدرنـا
بأيدين ناس(ن) .. كانوا اصحاب واقراب
يا مـا بغينـا .. والحيـا هـو منعنـا
طبع(ن) لنا .. والطبـع للنفـس غـلاب
رح اسـأل التاريـخ .. يـا مـا فعلنـا
بدو(ن) نعيش .. ونعتلي كـل مرقـاب
نجـوع .. لكـنـا نكـابـر وجعـنـا
نخاف .. من شمتة .. عذول(ن) وكذاب
يـا مـا مشينـا .. والجيـوش اتبعتنـا
نا طا .. على افواه الافاعي مـع الـداب
حنـا ثبتنـا .. ليـن حنـا انتصـرنـا
نلنا الكرامـه .. والقبـر هيلـة تـراب
وش ضرنـا .. بأيـام هيبـة جهلـنـا
وش فادنـا ..والعـرف للهم جــلاب
يا وقـت .. تبنـا .. والله انـا تعبنـا
ما عاد نبغا شي .. يالوقـت تنهـاب ..

لموا عظامي .. لا تقولون : مـا مـات
حي الجسد .. والروح ما عاد بـي روح
بـردان .. غطونـي يكفَـي معـانـات
تلعبي انسـام الهـوى .. كلـي جـروح
دام الفرح ساعـه .. وللحـزن ساعـات
لا تقربوني .. تالـي الليـل ب(انـوح)
بارسل مع الارياح .. حزني بالاصوات
عساه يسمعني .. وانـا ل(ليلـه) ابـوح
باضغط على جرحي .. وب(اون) ونات
منهو فقد ملكـه .. وموتـه بـدا يلـوح
ول يا زمان الهم .. والغـم .. والهـات
ما به عطى .. ويدين خلق الله اشحـوح
وانا عطيته .. قلب .. واخـذت ويـلات
واليا نشدته .. قال : مقسوم .. ويـروح
درب الهوى .. ياقلب .. كلـه مـذلات
اخضع ونوَخ .. اترك العلم .. مفضـوح
لا والـذي كـوَن .. جميـع السمـاوات
اموت .. مااركع للهوى .. حـر ذابـوح
مهما شكيت البعـد .. باقـول يـا ذات
ذوقي عذابه .. فوحـي دلتـي .. فـوح
ان خان عهده .. كل هالوقـت خونـات
طبع البشر قاسـي .. ولاهـو بممـدوح
اثبت على موقفك .. لو ذقـت الآهـات
على الاقل تموت .. ما قيل : مطـروح
امرض وكابر .. ذلل الحب .. بسكـات
خسران ما والله .. ورى الحب .. مربوح
شفني شكيت الويل .. واردفـه ويـلات
يا سامعي جنب .. لو الصوت مبحـوح
درب الهوى يا فلان .. كلـه مطبـااات
تسلم من الاولى .. على الثانيـه تـروح
لموا عظامي .. لا تقولـون مـا مـات
حي الجسد والروح .. ما عاد به روووح

عام(ن) مضى .. والدمع سيلـت واديـه
وترجع بي الذكرى .. على اجزل هداياك
جرح(ن) قديم .. بداخلي محتفـظ فيـه
تسلم يدك .. يا جارحي ويـن دنيـاك؟؟
حنيت انـا لكذبـك .. وزود المشاريـه
وغدر(ن) ابد .. ما هو على غير يمناك
شديت عرقـي .. يـوم قلبـي نتلتيـه
اكتم وجـع .. والعـذر قلبـي ويفـداك
غافل ولا ادري .. وش هالايام تخفيـه
لاهي مع اللاهين .. وادمـح خطايـاك
هذي هـي الدنيـا .. بعينـي ولا ابيـه
منهو جفا .. يا قلـب وانكـر عطايـاك
البرد بعظامي .. ودفـا العظـم بيديـه
لكن يديـن الخـل .. خانـت بهقـواك
شفها حضنت غيرك .. وبالحيل تغليـه
وبكره تخونه .. ثـم تجيـك وترجـاك
في وقتهـا اشمـخ .. وجنـب مباديـه
طبعه كذا مابين .. يكرهـك // يهـواك
ثم سمَعه بيت(ن) .. مـن العـام بانيـه
وقله ترى بالحيـل .. سـودا نوايـاك
عادي كتبت الشعـر .. عـادي اخليـه
عادي احبك .. عادي اكرهك وانسـاك