ذكرى وأشتياق \ديوان ابراهيم حرير العنزي

ساد امن الوطن والخيـر هلـه= بارضه الخير واسقاها السحايب
موطني بالبحرله ماضي(ن)لة =من قديم الزمن صعب الطلايب
نتبـع القايـد ودربـه يـدلـه=ابو سلمان ماهـاب الصعايـب
التسامـح اطـبـاع مانمـلـه =وان بغوا الحرب شدوا للحرايب
يالله عنـا عليـك العـون يالله= استعنـا واخذنـا بالسبـايـب
مـن دنـا يمنـا راسـه نشلـه =وان لقانـا نوريـه العجـايـب
من طمع بارضنا صعب اتحصله= خايب يرجع الطمعـان خايـب
ساد امن الوطن والخيـر هلـه= بارضه الخيرواسقاها السحايب

( زهرة البلدان)

ازف احلى التهاني وابتدي في اجمل الالحـان = بعيد الجيش احاسيسي على التوصيف اوظفها
اوصف قوة صارت بدرب المرجلة عنــــوان =تصنف باحدث القـوات تطـــــــــورها يصنفها
تطور من بدايتها تواصل تكمـــل البنــــــــيان = تمر اسنين واسنين اربعـــــــــين اليوم تشرفها
نحي قوة صارت تصان ابـــظلها الاوطــان = بحر والجو والصــحراء ادافــــع عن طوارفها
ترد الخصم ليــمنه تـقلط لارضنا طــــــمعان = يبي ايحققله اهداف مخطط قبـــل شــــــــــايفها
بعون الواحد القاهر فشل ومخططه خســران = مادام ابه الرجال الكفــــــو صـار الكل عارفها
مسيرتنا تبي تواصل عسى الله يحفـظ الربان = حكيم الراي يامـرنا الياشانت مـواقفــــــــــــــها
عاش القايد الوالد حبيب العشب ابــو سلمـان =يسلم فـارس البحرين هي الــمهــــــرة وعاسفها
مربيها على العــزة الياجت تكسح الميــــدان = اصيلة فعلها ماضي تــدلــــــــــــــل في سفايفها
وخليفة طور الديرة وصارت زهرة البلــدان =بها اللامــــــــــــة تفـاخر بالمحافل راح شرفـها
ولي العهد يامرنا ابو عيسى رفيــع الشـــان =يحمل الحمل يمشي بالامـانـــــــــــــــه ماتكلفهـا
ايحفظ الله القائد العــام مؤسس الميــــــــدان = ابو محمد قول وفعـــــــل رواسي العـز يشرفها
يسلم قادت القــوة ويســـــــلم ريس الاركان =فعايلهم بكل اخلاص مسجـــــــــل في صحايفها
عسى الله يحفظ الديرة عزيزة بمدى الازمان =بحرين الخيـــــــــــر والطيبه تكرم دوم ضايفهـا
ولانرضى عليها بالردى كاين مــــــن كـان = بلاد العــــــــــز تبقى دوم اتنافس في ولايفــــها
نذرنا الروح للواجب جهزنا حاضرين الان = لاجانا الامر نمشي به وفــــــــلول الحقد ننسفهـا

السيف يلمع فوق عالي اجبالها = والخيل تصهل يوم زاد اجتوالها
وصقرالعروبةعزمن كان فزعته = غز اللواء للحرب ثم انثنالها
السيف الاجرب ماسكه في يمينه = سيف أنذكر بالعز يوم احتمالها
امامها الشجاع بالطيب والكرم = وحرر اديار ثم امن حلالها
وعبد العزيز ابوه موحد الوطن = وحد قبايل كان دايم قتالها
وابومتعب فزعة السعد فزعتة = فزعة عريب الساس ياحي فالها
قال ابشري ياديرة العرب واحتمي=الديرة اللي لازم ينعنالها
هي ديرة البحرين والعز والفخر = ام العيون ام النخل من اوالها
ودلمون لها تاريخ منقوش بالصخر= قليل بالتاريخ يوجد امثالها
وحكمها من نسل وايل تحدروا =قبيلة بالعز يذكر ارجالها
ال خليفةابطال من ماضي الزمن = اخوان نجلا بالمكارم افعالها
ومليكنا بالطيب يضرب به المثل = لاقالوا ابو سلمان ثم ارتكالها
خلى بلاد الخير يرقى بها البناء = الدرة اللي جل جهدة هدالها
وحنا بلد واحد من قبل نتحد=اشجرة التعاون نحتمي في اظلالها
والله يتممها على الخير والفرح = مسيرة بالخير صرنا ابجالها

هذه القصيدة مهداة الى صاحب السمو الملكي الامير خليفة بن سلمان ال خليفة رئيس الوزراء في مملكة البحرين حفظة الله
(اقبلت احييك )

سميت باسم الله واقبلت احييك = وانت الذي ياسيدي للملك عم
وعم الجميع وما تقدم اياديك = تستاهل التقدير والمدح لا الذم
يا مساعد المحتاج لاجاك ناصيك = فرجت عنه الكرب والدين والهم
يقوم يدعو جعل ربي يخليك = عقب الكدروالحزن دنياالفرح عم
وتساعد العاجوز والعود يرجيك = وطفل ضرير او معوق وابكم
وشباب بالديرة اقبل يهنيك = كملت فرحتهم ويا شملهم لم
الشعب جاهز في جميع المساليك = يمشي على القانون والناس تفهم
بين الدول لاجابوا الناس طاريك = بقيام دولة بالحضارة بها اسهم
دولة حديثة و بالتطور مبانيك = والمرفى المالي بعما ير ة زم
وجسور تربط بين هاذي مع ذيك = اعني المحرق والمنامة لهم ضم
طورت بالحاضر وبالفخر ماضيك = نبع الوفى ماقيل طول الزمن جم
وارجو السموحة ماحصينا حسانيك = وانت الذي تامر وانقولك تم

كاشتين مع البـران نمشـي جميـع=عند ربعي وهلا في كل من جالهـا
ربعي اعيال وايل من غزاهم يضيع=حين وقت اللـوازم تظهـر افعالهـا
عند حمر النواظر هل الصدر الوسيع=صوتوا بالعشاء في قاسـي امحالهـا
طالعين لو ان الارض ماهي ربيـع=لاكن الجـو بـارد ناظـر اجبالهـا
شوف يمك جبل دخان واجد رفيـع=في ديار ال خليفـة عـز ياديارهـا
وان دعتنا بلدنا جينا بـاول فزيـع=نبذل الروح لاجل الـدار نسعالهـا
وان امرنا ملكنـا كلنـا لـه نطيـع=لان عز البلد من عـزت ارجالهـا

المدفعية

المدفعية ياعز الجيش واسنــــــــــادة= في حزت الحرب معروف مواقفها
تحقق النصر فوق النصر وازيــــادة =زود على نصرها عــــــز لحارفها
الله اكبر لاراح الضد برقــــــــــــادة =فوقه غذايف من النــــيران نرجفها
من الواقع انتابع الرصد وارشــــادة= وتحركات العــــــدو بالحين نكشفها
بكوبر الهد للعدوان ايبـــــــــــــــادة =يرفرف النصـــر لبانت زعانفها
بالراجمات اللي كما البرق رعــادة= تمطر جموع المعادي ثم تنســـــفها
المدفعي عنده الصبر وايــــــــرادة= مصمم هامت العـــــــــــــز يشرفها
له الشرف والمعزة يحمي ابـــلادة= ام حنــــــــــــــون وضمتنا بطارفها
نهني الجيش والضباط والقــــــادة= بذكرى تاسيس وحدتـــــــنا نوصفها
نعجزعن الوصف ونقدم ايفـــــادة= لعنا من جميل الشعـــــــــر ننصفها

صقر الرفاع اليانهض بالفضاء ثم طار= يوجه للهدف حر يصيد الصيد ويجيبه
ما خاف المخاطرمنحدر ناوي باصرار = ياما يوصل اهدافه وايخمه في مخاليبه
يخم الخرب وايجيبه لوايلوبد تحت اشجار= جاه الموت من حينه مع الجنحان يوميبه
رعاك الله ياحامي الوطن بالسماء طيار = تفنن فوق ببلادك وحب الدار غنيبه
واليوم بفضل ربي تعايشنا بظل احرار =حكام من نسل وايل هل العروف والطيبه
بلاد الخير تستاهل وابوسلمان قاد الدار = على درب التقدم للوطن راح يمشيبه
كانت بلدة المليون نخلة وموقع استقرار =واليوم البلد زاهر مع العالم نماريبه
بدل مليون جاها ملايين البشر زوار = يشوف السحرفي عينه يصبحبه ويمسيبه
واطيب شي بالديرة اهلها بطيبه الازهار = مع المشموم دهن العودبخورمن معازيبه
وقهوة بدلة الرسلان تقدم كيف للخطار = هلا باللي لفانا زود مع الترحيب ترحيبه

تاج الملك


هذه القصيده مهداه الى سيدي حضرة صاحب الجلاله الملك حمد بن عيسى ال خليفه حفظه الله ورعاه

(تاج الملك)

هيظنـي التعبيربالشعـر واسـرج =خيل القصيد ورحـت بالفكـر دواج
تعبير صادق من ضميري ظهر فـج =صدر المعاني بالعواصف لها فـاج
والا مثل سيـل تحـدر بعـد عـج =تفرح به الضمياء مثل عين هـداج
نبع على حد الجبـل قـام وارتـج =يجري معاه السيل في داخل افـلاج
سيل بعذاري للمزارع جـرى سـج =يسقي الوطن بالخير في كل محتاج
دلمون سقاك السيل في اليوم الابهج =دار النخيل وطيبه النـاس وابـلاج
ممتد بالخيـرات للنـاس واخـرج =شي ثميـن فـاق بالسعـر للعـاج
اللؤلؤ النادر علـى سمعتـه ضـج =طاف البحور و بالـدول كلهـا داج
واليوم في البحرين من كـل منتـج =تطوير في الديره مشاريع وابـراج
من بعد ماهو نور المعرفه بها وج =قام المواطن يمشي الدرب بسـراج
عم التطور دارنـا بعـد مااخـرج =من صافي البترول بيـن اادول راج
في ظل حكام الوطن مافـي اعـوج =امن وعداله والكـرم دوم منهـاج
ال خليفـه مكرميـن الــذي دج =يوم حداه الوقـت ابشـر بالافـراج
كم واحد جاء من عطاهـم تخـرج =زانت له الدنيا وهو كـان محتـاج
يعيش ابو سلمان ندعـو ونلهـج =وكل الشعب ياسيدي درع واسيـاج
الحاكـم المحبـوب يـوم تـتـوج= واصبح بحبه للمواطن بعـد تـاج

بلاد الخير

من بلاد الخير جبت اجمل هــــــــــدية =من ثرى البحرين هي اجمل محاصــل
اقطف المشموم وردة مـــــــــــــحمدية = وسط روض من عذاري صار واصل
للجبال الشم للارض العـــــــــــــــــذية = ارض حايل تتجه كل البواصـــــــــــل
للشعر للعلم صار اكاديمـــــــــــــــــية =تجمع الشباب قناة الفواصـــــــــــــــل
تجمع الشعبي مع الفصحى ســـــــوية = والتطور بالادب والشعر فاصـــــــــل
مهرجان يظهرابيوت خفــــــــــــــــية = من معاني والهدف هــــــــو التواصل
في بلاد العرب لغتنا هــــــــــــــــوية =والقبايل يفتخــــــــــــر مـن كان اصل
افتخر في عزوتلي وايلـــــــــــــــــية = وربعي الفدعــــــــــان لصار المفاصل
في بيوت الشعر كلمتنا قــــــــــــوية = قالوا الشـــــــيخات مجموعة فواصل
والمراتب والظفر ماهي قضــــــــية =والفخر بالفــــــوز هو تحصيل حاصل

الله يديم العز والامـــــن وارخـــــى \ بدار ال خليفة جعــل ربي صـانها
المملكة اللي قادها منهو صـــــخى \ بمكارم للشــعب زاد احســــــــانها
اعطى لشعبه من جزيلات العطـــى \ وخلى العطايا ما نـــــــــعد اثمــانها
اعفى وامرة اشتمل كل خطـــــــــى \ والديـــرة اللي بالمحبه زانـــــــــها
الشعب واحد في بلدهم ســــــــــوى \ وعلية واجب يــرفع ابعمـــــــرانها
يوم بها الميثاق والكل ارتضـــــــى \ وافـــق عليها من صدور اعــــلانها
تمشي على الدستور واتزيد الخطى \ بين الممالـــك تســـــــتبق زمـــانها
ياشبه مهرة ماظهرها اعتــــــــــلى \ الا ابـــو سلمان قــــــــــــاد ارسانها
وجه مسيرتها المعالي ورتقــــــــى \الله يحفـــظه رافـــــع من شانـــــــها
وابو علي من جهــــــــــــوده روى \وصارت اشجرة الخيرطال اغصانها
يغرس شجرها والثمار استـــــــوى \وسفـــــــــــــــينه التطوير هو ربانها
وابو عيسى رافع فيها اللـــــــــوى \ قايد جـــموع الجيش يحمي اركانها
صبر وعزيمه ومايوم ارتخــــــــى \وهذي المبادىء بنيت برهـــــــــــانها
بين بها القانون يوم انه قضــــــى \ وهذا الحقائق ثابــــــــــته بعيانها
الحق حق وواضح لكل الملــــــى \وحوار ردت لامها باحضــــــــــــانها
زانت بها البحرين وازدت حـــــلى \عم الفـــــــــرح واستبشرت جيرانها
المملكه اللي شعبها يرحب هلــــى \ باللي لفاها ويحتـــــــــرم من عانها