ذكرى وأشتياق \ديوان ابراهيم حرير العنزي

هذه القصيدة مهداه الى صاحب السمو الملكي الامير سلمان بن حمد الخليفة ولي العهد نائب القائد الاعلى حفظة الله



) الوفى اوسادة)


بديت باسم خالقنا سبحانه خالق الاجناس = هو الواحد هو القاهر رحيم ويرزق اعباده
واحيي سيدي القايد ابو عيسى قوي الباس = كريم للعطى والجود وبذل الجود له عاده

ولي العهد ملقاك الشرف والطيب والنوماس = على درب المعزة ساير في مسلك اجداده

خليفي وايلي دايم عريب الاصل عز الساس = قبيلة شانها عالي مع العربان هم ساده
وعلى مر الزمن واخوان نجلا للوطن حراس = حموا للدارمن مبطي وغدت للامر منقاده
الا ياديرة حرة وناسك هم اعز الناس = بحرين الخير والطيبة لنبع الجود وراده
اذا جاك الخطر قلن تحامي بظلنا لاباس = تفازعلك شباب الدار وكل يحمي ابلاده
وقفنا صفنا واحد ثرانا دوم ماينداس = له الحصن الحصين اللي عمى في عين حساده
عميل لزمرت الخاين على اهله غدى بلاس =تسلم للثمن بيده واصبح يطلب ازياده
بقلب قد ملاه الحقد تردى واعلن الافلاس =يبي يصيد الوطن حقده ولاكن بالقلط صاده
مرت لحظة الازمة اعدت كتمت الانفاس = طلع فجر جديد والوطن به كثراعياده
على درب التطور واصلي به واتركي الانجاس = تهني في قمام العز سيري بعزم وايراده
تهني بظل ابوسلمان قلايدك الذهب والماس= على عهد الملك نامي وخوذي من الوفى اوساده

( مشاعر الحب )
مشاعر الحب والاخلاص نهـــديها \ للديــرة اللي سكنا في ضواحيـــها
بحرين ياسدرة ظل نخـــــــــــايلها \ نبع الوفا من عيون الخير تســـقيها
ام الشعوم وعـــــــذاري والحنينية \ عذب العيون لرياض الخير ترويها
بارض دلمون مع التاريخ سجلـها \ اقلاعها سور للديـــــــــرة تحاميـها
مرت عليها مراحل من حضارتها \ وهي على الدوم ثابـــــــــتة مباديها
استقبلت دعوة الاسلام والتزمــت \ ورسالة الديــــــــن والواجب تاديها
استبشرت من اتى الفاتح لموطنها \ تفتحت في يدين الجــــــــود اياديها
عهد توالى المكارم بيد حاكمــــها \ واليوم في عهدها الزاهـــــر نهنيها
الله يديم الامان بديرة حـــــــــــرة \ ويسلم مليك على الخـــــطة يمشيها
قادالسفينة على الامواج وارنفعت \ لبر الامان وعلى المرسى يرســيها
ولي عهدة يجددفي تطـــــــــورها \ قواعد العـــــــز بارض العلم يبنيها
وابو علي يطـــــــــور من بدايتها \ حتى اصبحت هيئة العالم تحييــــها
في الحاضر الخير ومستقبل لها زاهر \ لعشرين عـــام مخططها يباريها
واليوم هذا سعيد وبه تباشـــــــرنا \ شمعة امل في ديار الخير نضـويها

اشلون نجلس مع افراد العايلة = وعينك اتناظر للامور المايلة
كل مع الهاتف لصق لظلاله =ومسؤل الاسرة جالس بالقايلة
لو قال قول ماتفيد أقواله = وكل يقلب في بقايا فايلة
هذا مع الوتساب راح امدحدر=وهذاك بالتيار ولى شايلة
عندك رسايل فيس تويتر = وسعيد من هو امكثر رسايلة
وحتى العجيز تابعة للبيبي = تركض مع التيارما هي عايلة
تبي اتلحق علم اول باول =وشاي الضحى بسويلفاته حايلة
والجيل هذا يلتقط من بدري =علم خفيف وجنب البدايلة
جه الخبر الحين وش بالدنيا = والله يستر من كثر هوايلة
فيهاالمصايب والحوادث تجري= اشياء جدت والقديمة زايلة
وكثرت اخبار الناس نزل فورا=جالك الخبر لاتبحث ابدلايلة
كل مع الشلات صار ايشارك =الاسم رمزي وصدق اللي قايلة
قص ولصق وفن هات وركب = لو كانت الافكار زود كايلة
اهم شي بس انت اتشارك =جالك اوسام والدروع الطايلة
واصبحت انت الكريم امقدر=وباقي الجماعة وين ماهي مسايلة
ياناس ياعالم اشفيها الدنيا = تغيرت بالحيل عن اوايلة
واشلون عن فخ التقدم نرجع = ونسد باب للعلوم الهايلة
اللي مثل سيل الشعيب الجارف=تشيل مافي وجهها وهي سايلة
يارب تحمينا وتحمي الاسرة = ويبقى الترابط رابط وسايلة

هذه القصيدة موجهة للاخ الشاعر الكبير عويد بن كسار المضياني (بحر القصيد )

يابحر ماعينت ريح ابشمالك =ويا بحرما اثرعلى القاع شاطيك
وشفيك تزمي ثم تركد لحالك = ما تنتظر يا بحر من هو يهديك
الجزرلامن طيف خلك طراك = والمد لصار القمر ساطع فيك
تلعبك الامواج والليل حالك = موجة تقربك وموجة توديك
مثل الطفل تلعب وزايد دلالك = حتى السماء صايرعلىبعد يغليك
من زود حبه لون طيفه هدالك = والغيم شال لزادة وهو يباريك
يابحرمن هو بس انت بمثالك =والدر وكنوز الحلي في اراضيك
والخير نابت في اعالي اجبالك =شعابك المرجان والناس تغزيك
مارد خايب من حدق او عنالك = تهديله انواع السمك قبل يلهيك
يكفي فخر بالعزعاشت ابجالك = اشعوب ترزق وتحمل موانيك
تعطي بكف الجود مرتاح بالك =من فضل ربي باسط في اياديك
ولاهبت النسمات والموج جالك=غصب على القاسي لزوم ايدريك

وقد رد عويد

بحر على يمناك ماهو شمالك= يعني شمال العز ماهو بأراضيك
انا انا واعوذ بااللي طرالك=بشيطان شعري قبل يزعل وياذيك
ماهو على ماقيل اصغر عيالك=القعده اللي وسط حظنك ومغليك
لو هو طفل ياشيخ واسع خيالك=على الخريطه هاك من قبل اناديك
ابغا احدد موقعي من خلالك=على تضاريس الشمال بقوافيك
قصدك بحر بترول وضح سؤالك=عرعر بحرها طيب واسأل بنيخيك
لو الخليج يصير ملكك لحالك =ومع ناقلة بترول ماهو بمغنيك
يادانة المحار مااكثر حلالك=وام رقبه كم شيّخت من صعاليك
ابغا اسألك لاجاك ضيف وعنالك=سنارتك للصيد هاذي تعشيك
والعزه اللي ماتبي منك مالك=فرع بشعيب سويف سيله مغطيك
اسهل حلول المسأله وش بقالك=الزبده اني ماعرف كيف اكافيك
نمله حجر صوان والليل حالك=هاذي ثلث ظلمات والرابعه فيك
سجل خروجك او دخول اعتزالك= بحر القصيد ان قال لافظوّ بفيك
ياعنك ماينبت على الشيح جالك=ددام البحر ملحه على جال شاطيك
انشد عمامك قبل تسأل خوالك=بحر الشمالي طيب ماهو بأراضيك
اقلط معانا وان كليت بشمالك=يمكن تغص بلقمةٍ ماتعافيك

هذه القصيدة ردا على الاخ الشاعر الكبير عويد بن كسار المضياني (بحر القصيد ) وتوضيحا لما حصل من سو ء فهم او خلل بالطباعة ارجو المعذرة وان تكون القصيدة توفي بالقرض

يا بحر لا يسرح بعيد خيالك = وتهيج مثل الموج من دون داعيك
طاري طرالي يوم هو ماطرالك = طاري على النية واحسبه يراضيك
ماكنت اظن ان الشمالي امثالك =شد الحزام بسرعته يقمز الشيك
والورع ماهو انت ورع بدالك = وصف البحر واثني عليك التباريك
وكان جو الكاميرة ماصفالك =ارفع تظلم وشوف من هو يشكيك
والبحربحرالطيب والطيب فالك = وان اشهد ان اللي كسب من مربيك
تري فوق الرجم واسمع ندالك =وجاوب سؤالي يوم من فوق اناديك
والصقر مايجفل سمارة اظلالك =الحر حر وموقعه مايجي الديك
تري عزيز النفس من قبل سالك = عايش على التمرة وحب التفاريك
خضناالبحور وطايفين (ن) شمالك = ماوقفت في وجهنا من شرابيك
ربعي يبوجون الديار وممالك = فدعان لو تسال صدى الصوت ينبيك
والنملة اللي جتلنا من حلالك = رد المنيحة جعلها هي تكفيك
وام ارقبة لو قلت مالي ولالك = بالمهرجان ومن يشوفك يعديك
لاتكبر السفرة لفوق احتمالك = وخل البساط الاحمدي من يدانيك
وهد الشعور وخفف انت ارسالك = وربعك معاك وكلنا من يحييك
كل مالدينا فدوة من حلالك = وانت الكبير وباقي في معانيك

هذه القصيدة مهداه للنايب جمعة بن دبيس العنزي النائب العام في محافظة الرقة السورية المنشق عن النظام

خلى النيابه وصار لعـدل نايـب=الوايلي مـا يرتضـي بالظليمـة
من لابة الفدعان اهـل الركايـب=اهل الكرم اهل الفخر والحشيمـة
باجوا الديار ورتعـوا بالعشايـبب=ارض الشمال من السنين القديمة
وجمعة جمع للعلم كل السبايـب=يالين وصـل للعلـوم السليمـة
عاف المناصب قام للدار سايـب=يوم شاف النور اصبـح عتيمـة
شي يعيب لساحة العـدل عايـب=ضيق المساحة والنتايج وخيمـة
الحكم خايب وحاكم الدار خايـب=مجرم وخلى بكل ديـرة جريمـة
بشار ماجاء منك كود المصايـب=دمرت دارك والخرايـب امقيمـة
لوقالوا الشيعةترى الكلب صايب=الشعب يذبح والخساير جسيمـة
والروس تدفع بالذخاير وهايـب=والصين ذبح الناس ذبح البهيمة
لو بطل العالم انكـار وشجايـب=الحر يمشي في اصرار وعزيمـة
جيش جمع للحرب ربع وقرايـبا=لدين واحـد والقبايـل كريمـة
خلى نظام الظلم شاف العجايـب=وبشاير من النصر بانت عظيمـة
من عند رب البيت للناس ثايـب=واللي توكل ما يعـرف الهزيمـة
ارجـال والله تهـاب الحـرايـب=يالين تركع له اجيوش خصيمـة
يالله تقبل دعـوة لكـل شايـب=ولكل طفل وكل بنت (ن) يتيمـة
بشهررمضان اللي به العبد تايب=لدعاء الامة عنـد الالـه قيمـة
ياتي بالنصرويستجيب الطلايـب=ويشفي اصدورمن المظالم سقيمة

بديت باسم الله رافع سماها \ والارض كورها على كيف مايريد

الشمس تبخر داخل الجواء ماها \ سحايب تلعبها الريح وتعيد


ينزل مطرها من برودة اجواها \ يسقي الاراضي الجافةوالاخاديد

تزهر عقب ماطولت في عناها \ ويقوم من بين الصخروالجلاميد

اثمار للانسان بيدة جناها \ وكل ماجناها يثمر العرق وايزيد

خيرات تطلع من خلاها لخلاها \ رب وهبها للبشر دون تحديد

وواجب علينا كل قاع انحماها \ وثروة بحرها تحتفظ بالمواريد

كانت اساس التربية ومن بناها \ من يوم ماصرنا عليها مواليد

نمشي مع الاسلام وفيه انتباها \ دستورنا القران والعالم ايشيد

اخلاق للمسلم تربى معاها \ ياخذ كفاته بدون جور وتجريد

ماهو مخرب لللطبيعة وسواها \ياخذ ويعطي وينفع الناس وايفيد

ماكان يوم هو سبايب بلاها \ لو سماها ودمر النسل والصيد

انسان جاهل مادرى باقصراها \ لو كان كل البشر غيره ايبيد

عايش اناني بس نفسه شراها \ يمشي مع تيارها والا ناشيد

اسمع وصاة اخوك لاجلك هداها \ عن كل شي هدد الدار تهديد

جاب التلوث في افكارة غزاها \ باسم الحضارة والتطور وتجديد

عقب الهواء الصحي تلوث هواها \بغبار للمصنع كساهاالاكاسيد


وسواحل زاد العنى من عناها\ رجع بحر ها وابعد بنفسه ابعيد

اذا الشواطي وسخه مادعاها \ لو كان فيها العز كل وتمجيد


ترى النظافة للمشرع بداها \ وصارت مع الايمان في كل تشديد

الارض واجبنا نعمر بناها \ ونقوم ببناها على الدوم ونعيد


سنة حياة وواصله منتهاها \ ناس تصدر وناس تقبل مواريد

وصلاة ربي عد سهل وعلاها \ على النبي اعداد ناس شواهيد

الشاعر القدير /ابراهيم حرير العنزي
ديوانك أعجبني كثيراً
لابد من تكرار العودة اليه والجلوس طويلاً
دمت بود

العافية

العافية هي راس مال وسعادة \ اليا وصلنا لقول الاراء والجد

العافية جسمك بخير وجلادة \ لارحت دكتور ولا لاترقد
العافية لوكنت بارض حماة \ اليارفعت الصوت الجال لك رد
العافية شم النسيم وبرادة \ مفتوح خشمك بالبراري وماسد
العافية قو النظر لو جرادة \أتشوفها لوهي عن الشوف تبعد
العافية سمع الكلام أبهوادة \ تسمع قصيد الراعي اليامنه مد
العافية تشعر بلمس الرمادة \ جلد طري حساس ما يابس شد
العافية لاصادطيرك أصايدة \أفرش فراشك بالخلى بعدها غد
العافية بالنوم كبر الوسادة \ لانمت مرتاح ولاجيب لاود
العافية لامن نسيت القرادة \لاعفت مخلوقولاأحد عنك صد
العافية لاتقترب للنكادة \ أعزم توكل بالامر لاتردد
العافية لاتتصف بالبلادة \ وخلك سهل لابالامور أتشدد
العافية باقي الامور أبركادة \ لاتاخر الواجب ولاتصير محتد
العافية رافق قوي الارادة \ لالياأستشرته فاد والياحضر سد
العافية لامن حصلك شهادة \ لونك بعيد لك أوادم بتشهد
العافية كنز القناع زيادة \ راضي بمقسومك وماحاسد حد

نازل عن الصفر

سيارتي خربت واعرف اشبـــــلاها = عــدادهــــا نازل عن الصفر بشوى
خلص بها البترول ماهو ابمـــــــاها = تــشــــرب ولاعبت اقرب ولااروي
لاعبت الخزان والموت جاهـــــــــا = كثــــرت بــلاويها اهبـــــــيتي اهبي
الصوت مزعج والدخن من قفاهـــا = اقـــــزوزها مثــل الحطب شبه ضي
اتنثره ماتحترم لقــــــــــــــــصراها = غطــى على من خلفــــها صار بالفي
وترى السراحة السبب من قنـــــاها = عايــش مع الامــــوات لو كانهو حي
لاياركبها صار زايد غــــــــــــلاها = وليامشــى صار ايتعـــــوذها ولـــــي
راح ايتعلل بالمجالس نســــــــــاها = تمشي ولو تمشي تــرى مشيها اردي
واليالقاله سهرة ماعــــــــــــــــداها = قدامــــــه الــــــوالم ولو كانهــو نــي
واليوقفت زاد العنى من عنــــــاها = يمشي مع الشارع ويطوي الحجرطي
ومن استرخص حاجته لاشـــراها = يدفع كثر ماجابها ولادفـــــــــــع شي

ياشمعة النور
ياشمة النور في دنيا غشها الظلام \ يافجر من علم وأرجاء الوطن عمة
يامنبع الخير لاسلسل لذيذ الطعام \ ياريحة الورد والمشموم نشتمة
كل عام وانت بخيرورفرفي ياحمام \ في أرضك الطيب يااغلى وطن يمة
بحرين دار المحبة دام عزك ودام \ دام المليك المفدى راعي الهمة
الوايلي الحر شايل بالمعالي حسام \خصم العنيد اللي تقل صخرة صمة
خلى بلاد المعزة سايرة للامام \ كل يوم فيها التطور رايح القمة
علق وسام التفاني في غلاها اوسام \من عاش في ارضها بكل الغلاء لمة
واحة امان ومحبة وموطن للسلام \ اخوان بالدين والذمي له الذمة
واللي لفاها امسير له كل أحترام \ وليا تمشى أبضواحيها نسي همة
صارت عروس الخليج ونازعة للثام \ واللي يبي يشوفها اقريبه يمه
من كل ديرة يجيها من بعيد وعمام \ نفرح اليا جاء الاهل يازينها اللمة
من فوق جسرالمحبة كن رايح الزام \ ماغير ريح الامواج ايازمت زمة
حوله اطيور البحر اتزاحم أزحام \ على الشواطي تروح وجتك منظمة
في بحر جزر ة ومدة صاير بالزحام \ يبي تراب الديار اليا صعد جمة
افرح بها يالمواطن وابعدعن الخصام \ وخل العلوم القديمة دمها دمة
عش بامان و محبة بنية الخير نام \ وأبعد عن الكرة والتحرض والنمة