تضامناً مع الأخ الشاعر/معوض بن معيض الخمشي العنزي
ومع كافة أبناء القبيلة والذين لم يرضيهم ما تعرض له شاعرنا الفاضل من اهانة
من قبل أشخاص أساؤا لأنفسهم ولقبيلتهم التي عُرف رجالها باكرام الضيف وتقدير الرجال
واني من هذا المنطلق أشارك الأخوة الشعراء بالرد على قصيدة الاخ الشاعر/عبد الله بن سليم العطوي
والذي قال في مطلع قصيدته:
العيب ما هو قولت امشوا مشينـا
العيب ضرب الضيف بين المعازيب
مـبـداي بـسـم الـلـي رقـيـب(ن) عليـنـا=هـو عالـم الظاهـر وهـو عالـم الغـيـب
مــــن بــعــد ذكــــره بـالـتـحـايـا بـدايــنــا=لمعوض بـن معيـض كنـز المكاسيـب
مــن لابــت(ن) وقــت المـواقـف تبيـنـا=خمشه لهم بالطيب ماضـي وتجريـب
مـــن نـســل وايـــل عـــزوتَ الغانـمـيـنـا=رجالـهـم مـاعـال شـايــم عـــن الـعـيـب
حـر(ن)ولـد حــر(ن) وصـيـده سمـيـنـا=يـوم الـردي ماحـاش غـيـر المعايـيـب
بـالـلــي جــــرى يـامـحـزمـي مـارضـيـنـا=لــولا ضـمـان الشـيـخ ثــارت لـواهـيـب
مــن نـجـد لأقـصــى الـشــام للرافـديـنـا=اليّـا قنـب ذيـب(ن) لـنـا جـاوبـه ذيــب
يـهـتـز فـسـيـح الــكــون الــيّــا عـويـنــا=عــدونـــا تــحـــرم عـلــيــه الـمـشـاريــب
ندعـس علـى راس الخطـر لاانتخيـنـا=رجـالـنــا يــســوى قـبـايــل بــــلا ريـــــب
لـــــو لان راس طــويـــق. لا مـانـلـيـنــا=لـنـا شـمـوخ الـمـلـك والـفـعـل والـطـيـب
مــــن بــعــد هــــذا. اســــأل المعـتـديـنـا=وش كسبهـم غيـر الـردى والمعاتـيـب
بـقــت لـهــم ســـوداء دهـــور وسنـيـنـا=ســـوداء تـخــص ولاتـعــم المـنـاجـيـب
ســـوداء عـلــى الـجـهـال والمخمـلـيـنـا=ولارجــــال الـطـيــب مــابـــه عــذاريـــب
مـلــزوم حـــق الـضـيـف والحاضـريـنـا=يـكـون لــه فــي حـكـم جــزاع تـوجـيـب
الــشــيــخ مـايـرضــيــه مــــــد الـيـديــنــا=ولايـهــان الـضـيـف عــنــد الـمـعـازيـب
تـــــم الــكـــلام الــلـــي بــديــتــه بــأيــنــا=رد(ن) على اللي قال يأهل المواجيب
وللشاعرمعوض الخمشي قصيدة بعد زيارته لمخيم الجلاعيد في الرالي بمنطقة حائل
اتشرف بان تصافحوها لمكانتها في قلبي وفي قلب كل جلعودي
قـم يانديبـي باالمهمـه تـولـم=في قو باس وقو عـزم وحزامـه
فوق الهميم وهمتـه تجلـي الهـم=صنع اكفراته من مصانع كوهامه
يقطع مسافـات الفيافـي اليـازم=يدني بعيدات المرامـس اولامـه
الياشتغـل تقـول ذيبـن امبلـم=صنعت يهودي والمريكي نظامـه
والياتحرك باالوطاء خمهـا خـم=مثل الشجيـع الياشلنـه اعظامـه
مظمون من كل الجوانب امحكـم=ماتسمع الا فـي هـواه التطامـه
يعجبك في مسراه باالليل الاظلـم=عليه وصف من المريكي علامـه
صمم حديث اطراز توه امصمـم=مالف بطراف الشمـال وتهامـه
توه امـورد باالصناعـه امنظـم=تعجبك نظرت سكبتـه والفخامـه
لاترجم الشكمان مالـه امترجـم=كنه ايترجم لـك معانـي كلامـه
حافه سميـه يـوم حافـه تسلـم=شهادت شكر صنعتـه وافتهامـه
حريف عارف صنعتـه ماتوهـم=ادرك غاياته والهدف في مرامـه
على الفقير ابعد علـى الاذن للفـم=ماله جدى لاكود عظـت ابهامـه
عنيت جمس وسائق الجمس ملزم=يم ابن وايل ياصلـه باالسلامـه
يلفي على منصور شاعر امخظرم=ومعوض بن معيض يرسل سلامه
سلـم جوابـي للجلاعيـد تسلـم=اهل المكارم حافظيـن الكرامـه
اهل النباء للظيف محـلا نباهـم=زودت نباهـم تتليهـا قـرامـه
الظيف لاظاف الجلاعيـد يحشـم=صغيرهم متعلمـن مـن فطامـه
الظيف لاجاهـم امعـزز امكـرم=مستقبلينـه باالوفـاء والحشامـه
الظيف كنـه لالفاهـم ولـد عـم=امفرشين الظيف ريـش النعامـه
صغيرهم متعلمـن خفـت الـدم=وكبيرهم مـن يستهيـن ابمقامـه
مقدامهم شيـخ الجلاعيـد مقـدم=والكل منهـم يستحـق الشهامـه
ربعي هل الوقفات للمعتـدي سـم=حامين وقفت جارهـم بزدحامـه
الجار رافينه عـن الهـم والغـم=امقدريـن المحتـرم بحتـرامـه
لاقلت قلت وقلت والخافي اعظـم=داويت جرح اللي تهايـم اهيامـه
تفداكم ناسن مالها اسلـوم وقيـم=امشرديـن اظيوفهـم باالظلامـه
اعيونهم للظيـف قامـت تجاحـم=باب الرادء نصب عليهم اخيامـه
طغى عليهم ربهـم مـن طغاهـم=لوشفت سالم وش يقول لسلامـه
شعشع سماء الويلان واظلم سماهم=وسوداء عليهم حتى يوم القيامـه
وشلون خانو ظيفهم عقب ماعـزم=واللي يخون الظيف خان ابعمامـه
لاقلت يامنصور وشلـون ترهـم=كم هامتن طارت على شان هامه
لوقلت يالويـلان جتنـي تزاحـم=كلن تحيـزم والذخيـره احزامـه
ويلان مع زود الترابـط تلاحـم=وانا احترمت امر المليك ونظامه
الوايلـي للوايلـي لحـم مـع دم=الطيب سيفه والمراجـل سنامـه
بين النجوم الساطعـه مستواهـم=لاغاب مطلاع القمر في غمامـه
نثني عليهم وثـم نظهـر ثناهـم=من ماوقف وقت المواقف اخمامه
اكسب اعلوم الطيبيـن ورضاهـم=وازيد من فوق العلامـه علامـه
من ماحسب لحساب طيبـه تنـدم=والعمر هاذي فرصته واغتنامـه
الإهداءات
« آخـــر الـــمـــشـــاركــــات »
| 
|
العرض العادي
