التقاطات زمنيه

من شرّد الجزلات سوّيت طاروق
؛؛؛؛؛؛؛؛؛؛؛؛؛؛؛؛؛؛؛؛مثل الحليب اللي على فكة الريق
حليب بكراً ماتسرّح مع النوق
؛؛؛؛؛؛؛؛؛؛؛؛؛؛؛؛؛؛؛؛يقطف لها الراعي خيار الزماليق
من صغرها تحشم عن القود والسوق
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛تبرى لراعيها كبير التوافيق
بمراح شيخاً ماشراها من السوق
؛؛؛؛؛؛؛؛؛؛؛؛؛؛؛؛؛؛؛؛؛؛جته هدو من مكرمين المطاليق
هدية اللي ماعطاياه بسبوق
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛كفه وحش ماعوده للمسابيق
شبهة طاروقي على اللون والذوق
؛؛؛؛؛؛؛؛؛؛؛؛؛؛؛؛؛؛؛؛؛؛سكر نبات ومثل لون الغرانيق
ينساق للي قدرهم مرتفع فوق
؛؛؛؛؛؛؛؛؛؛؛؛؛؛؛؛؛؛؛؛؛اهل المكارم حافضين المواثيق
مكانهم في صفحة المجد مرموق
؛؛؛؛؛؛؛؛؛؛؛؛؛؛؛؛؛؛؛؛؛؛تاريخ عز ولا دخل به تلافيق
متعلين عن كل حاقد ومطفوق
؛؛؛؛؛؛؛؛؛؛؛؛في روس عيطن من طوال الشواهيق
المدح في ربعي معزه ومعشوق
؛؛؛؛؛؛؛؛؛؛؛؛؛؛؛؛؛مدحي بربعي من خيار الطواريق
كل شاعر لربعه مشاريه وحقوق
؛؛؛؛؛؛؛؛؛؛؛؛؛؛يصرف ذهب من مغلقات الصناديق
يجنب عن اللي قبل ياتيه مطروق
؛؛؛؛؛؛؛؛؛؛؛؛على السعه لايحد عمره على الضيق
وختامها بيتن يقدر بطاروق
؛؛؛؛؛؛؛؛؛؛؛؛؛؛؛؛؛؛؛؛؛بيتن كتبته واسمعو يامخاليق
الطيب مع كل عنزي دوم مرفوق
؛؛؛؛؛؛؛؛؛؛؛؛؛؛؛؛؛؛؛؛يمشي بدمه مع غليظ المعاليق

في كل زمان ومكان

في ذمتي مالك شبيه الا هماليل السحاب
وانا بعد مالي شبيه الا شجر ميت عطش

كل مازهمت القاف فسّر وجاني=ويجمع معه قيفان شرّد مباكير
ماقد طلبته شئ يوم وعصاني=كنّه معي عبداً وانا كنّي امير
كسبت فيه الطيبه بالمعاني=وكسبت عرف الطيبين المناعير
وماوقفت خيالي حواجز زماني=اخذت كآس الشوط الاوّل والآخير

؛

وسّعو لي جيت والنيّه مطيّه=والنوايا غير ربي ماعلمها
جيت في نيّه ولالي غير نيّه=احترم ذوق الخليقه واحترمها
جيت الاعب مهرتي بنت العبيه=مهرتاً قولو عساني ماعدمها
مهرتاً خلّت حياتي مزهريه=والسقيّا ريقها العذب ونسمها
بنت شيخاً ماتلفّت غير ليّه=اصلها الطيّب تجمّع مع كرمها
من كثر فزعاتها هالشوشليه=قلت ياحسبي على منهو ضلمها
كل مامرت عيون الشوق فيّه=يختنق صدر القصيد ولا زهمها
ويييييه لاغنت لحون السامريه=القصيدة تعتكف بأطراف فمها
فمّها اللي من كثر طغيان غيّه=كل حرف يقول يالذة طعمها
خيزرانية جسد طرقا طريّه=رمح؛؛ لولا ردفها جار وهضمها
لاتثنت قلت جعل الكسر بيّه=كن تركيبة جسدها من لحمها
تنطوي وافش غلّي في يديه=والقط الجوال سرعه واستلمها
كل ماقلت ارحميني تقول ويّيّه=ويّيّتن قلبي عشقها مافهما
والله اني شفت واجد بس ذيه=مهرتاً مرّت بحظّي واغتنمها
كنها فزعت خوياً مع خويه=ياعساني كل عمري مــ انحرمها
نيتي بيضا ولا فيها رديّه=ماطمعنا غير بالكرت نختمها
واهني من وافقت له واهنيه=واهني اللي تجيله ويحشمها

؛

؛

حاولت ابكتب شئ ماتنطري فيه=اما افتخار او مدح ولا فكاهي
وكل ماكتبت البيت وارجع اغنيه=صوت الحروف يقول لازم لهاهي

خذ راحتك مايملك عناد غير انت
.................عندك خبر!! ولا من اللحين خذها

بالله اذا مرّيت سلم ياحلو
..........ياعلّني دون المضرّه لاتجيك
تارد على بير الغلا بلا دلو
..........والجاذبيه تنعكس والما يبيك

ابرحل واترك احلامي

معك يازينة ايامــــــي

امانه لاتخذليني

يا... مصدر الهامي

خوذيني لاخر جنونك

قسم بالله ماخونــــــك

ولاضني تخونيني

عساني فدوتك عيونك

انا عمري فدا عمرك

وما املك تحت امرك

امانه بس خوذيني

جليدي ميت بجمرك

وصبح اخر من ...ياحسافه

حتى لوغابت حروفك

انتظرك الين بكره وبعد بكره واللي بعده

وكل غيبه

اعتبرها من ضروفك

ياصباح الخير

وياصباح اجمل ورود

واشرقت شمس الامل

وانا انتظر

وازهم بصوت الحيا

ياحبيبه ياحبيبه ....

بح صوتي

لكن اقسم لك بربي

مالك بقلبي خشير

بس لو ترضي ضميرك

وتكسب الوقت ونطير

وبكل حاله كثّر الله خيرك

وراح تبقى

اول احبابي والاخير