في حفل الاطرق والوفا عانق النور .. مشاركه من شعراء المضايف

صح لسانك

للمصمم سند السبيعي

الاخ والشاعر العزيز صاحب الفكره الرائعه/ فرج الدهمشي

بيض الله وجهك على هذه الفكره التي يستحقها الشيخ/ الاطرق بن بدر الهذال رئيس مجلس الاداره وامير الطيب وعنوان الشهامه والمروه ورمز التواضع

الحقيقه مشاركة الشعراء بهذه الملحمه الشعريه دليل على قدر ومحبة الشيخ

ابيات جزله بمناسبه غاليه لرجل يستاهل

اشكرك مره اخرى واشكر جميع زملائي الشعراء الذين شاركوا والذين لم يشاركوا كذلك جميع اعضاء شبكة مضايف عنزه الكرام

واخيرآ اشكر المصمم سند السبيعي الرائع له مني كل احترام وتقدير

لك ودي واحترامي

تصميم راااااائع فعلاً
بيض الله وجهك ياسند

يستاااااااهل أبو سلطان كل خير ..


والله ياخوفي عقب هالإحتفالية الطيبه يستعجل أبو سلطان ويخلي العرس بالعشر الأواخر
ويعتكف ههههههههههههههه


أخ فرج ..
شكراً لك مرة أخرى على البادرة الطيبه
وعلى المتابعة المستمرة

تحياتي وتقديري

اللهم بارك لهما وبارك عليهما واجمع بينهما بخير ..
الف الف مبروك .. لاخوي ابو سلطان ... الحقيقة دخلت المضايف وعرفت هالخبر مما سرّني , وشرواه يستاهل كل خير وصح الله لسان شعراءنا تعداد ماخطّ القلم والله لا يهينهم وكل من احتفى بهذه المناسبه ..
والعذر والسموحه ماعرفت الا هاللحين وسوّيت هالابيات اهداء منّي للشيخ ابو سلطان ولا يهونون هل المضايف وكل من يشرّفنا هنا واقول :


للشــيخ الاطـــــــرق .. نسبك البيت له سبك
سبك الذهـــــب .. من شــاعرٍ يحــــبكه حبك
مبـــــروك .. وفـــــــالك كل خيــرٍ يالاطرق
مبـــــروك اقوله .. من وفا .. شـيله او دبك
عطــــرٍ على عطــــرٍ وطـــرياك عـــــاطر
قـــاطر عطر يوم الخــبر يلفي .. قلت : ابك
ابك .. الا .. يا حبـر القــــــــلم دوّن البيت
مسبـــــوكةٍ محبـــــوكةٍ .. شــــــابكه شبـك
على الشــــــــــريعه يجتــــــــمع كل ولفٍ
يسعد لصــــاحبك .. اويدوبر معــــــــــذبك
ايه الزواج وحكــــــــــمةٍ منــــها يا شيخ
حفـــــظ النّـــسل / تاريــــخ تكتــبه ويكتبك
لك سيــرةٍ يا ويــّــها سيــــــــــــــرةٍ بين
روس العـرب بالخــير .. والفعل ما اتعبك
واللهْ لو اكتب من جزيـــلات الابيــــــــات
قليــــــلةٍ .. في مـــــــدح منـــــعور يعجبك
قلتــه وانا سليـــمان .. عشـــره من الصوم
والعــــفو .. كان ابها قصــــور او بها ربك
الا اني وافي للبــني خي يا عــــــــــزوه
ويلان شمـــــس و قيضها ماهو يلهــــبك
ولو هـــــي على أشهب زمن تكـــفى قلّه
اني على الله ماشي ماني بحـــــــــاسبك
هقــــــوه وفيــــكم يا ربوعي تهـــــقويت
وقهويت هقـــواتٍ .. وبخــــــــلافها تبك
يا الله عســــــــاك وتســـعد اليوم يا شيخ
في (عش زوجــــيه) رفيــــــع ابمـقاضبك

,
,

وسلامتكم ,,
أخوكم / سليمان بن عبدالله بن محمد ال عبدالمحسن

صح الله لسانك البنآخي العزيز..

فرج الدهمشي وجميع الاخوان المشاركين

الف مبروووك لشيخنا الفاضل : الاطرق ابن هذال

ابو سلطان واافي ومواقفه ترفع الراس مع القبيلة الله يوفقه ويستاهل

كل خير شكرآ للجميع وبالتوفيق..

غاب الفرح عن ناظري عدة سنين=ماشفت انا بالحب ليله سعيده
لاكن وحق الحب والعطف واللين=هانت لجل فَرْحَكْ ليالي عنيده
بسم الفرح بسم اللقى والمحبين=وبسم الحضور وبسم ناسٍ بعيده
اسمى التهاني نرفعه للعريسين=بحر عنزه ماجاب فكره جديده
لـنّك من الويلان تكفي عنزتين=عز العضيد اليا اعتزى في عضيده
يابنت طشي ورد فل ورياحين=ابوك حر(ن) قانصٍ في هديده
جينا لبو سلطان وجينا مهنين =قرناس عمره ماتردى بصيده
ياناس احيو عرسنا بالتلاحين=اشوف مزنٍ مذهل(ن) في رعيده
طير السعد لو حام كل البساتين=يرجع يشارك حفلنا في نشيده
الوايلي يهدي عظيم التلاحين= ولا كل من يكتب قصيده قصيده

بحر القصيد~

كانت هذه الابيات بحينها ولكن انقطاع الاتصال منع المشاركه

وها انا اضعها لو انها متأخره خيراً من ان لا توضع !



الأخ العزيز فرج الدهمشي

بيض الله وجهك على هالمبادره الجميله

والف الف مبروك لبو سلطان والله يتمم له بخير

لشعر حضور فاخر بهذا المتصفح

بيض الله وجه كل من شارك بهذه القصيده التي عبرت عن فرحنا بهذه المناسبه السعيده

ياشيخ يومن كل شين بحله = باركت لك من صادق احساس وشعور
بصوتن يدوي والوفاء عادة له = له معك ميقافاً وله منك مذخور
عسى سنينك يابيض الوجه فلّه = وايامكم ياعلها افراح وسرور

الف الف مبروك للأ الشيخ الاطرق الهذال
واسأل الله ان يجمع بينهم في خير وخبر يفرح القلب
ويستاهل ابو سلطان كل خير وانا مادخلت المضايف من فتره
قلت ابي احفض السر هههههههههههههههههه اثريكم سبقتوني يالنشاما
دائما سباقين للطيب بيض الله وجيهكم جميعا

الأخ العزيز والشاعر والشيخ / الأطرق الهذال
يسعدني ويشرفني أن أزف لك أجمل التهاني والتبريكات بهالمناسبة العزيزة على قلوبنا ومايفرحك يفرحنا والله الشاهد فلك التهنئة والدعاء بالتوفيق والسعادة الدائمه

مبرووك ياسيد الرجاجيل مبرووك
من كل قلبي والفرح محتويني
حبيت أشارك معك بالود ياأخووك
حيثك تشرفني وقـــدرك ثميني