ديوان الشاعر مساعد مزعل العنزي

،،،،

اذا كلام اللي .. يعزك ...ويـغلـيك
اثقل من جبال الهدا والـســراوات

لاتحسبه من كثر نصحه..مـعاديـك
لوكان يقسى في اسلوب العـبارات

اللي شراك اشره لوالوقت مقــصيك
لاتخـدعك ضحـكه وترميك هـقــوات

( مــساعــد مــزعــل العنزي )

يامل قلبن داعي الشوق يدعيه
متـعظمٍ ..كـونه ..ولابه ..مـروه
همٍ يسند به ..وهـمٍ ..حدر .فيه
حتى تساوى ..بين ..بره .وجوه
كفخ كما طيرٍ كره كف .راعيه
متنكرٍ له ..عقب ..طول الاخوه
يدعيه اولكنه قبل كان يدعيه
كنه يقول اللي تسويه سوه
مالك مشاريهن ولالي مشاريه
ولابك علامات الرسل والنبوه
مـابه غرابه .وقتنا بان خافيه
اجحف وبيّن ميـر مافيه قوه
حد الكريم اللي ترزه مباديه
لين اختفى من فية البيت ضوه
ورز البخيل اللي كبارٍ علابيه
حتى تساوى وارتفع في علوه
وقتٍ علينا مجحفاتٍ مساويه
جاير نهاره ..والليالي ..عدوه
من اوله ينبيك عن سر تاليه
كنه يودعك الشروق اب غدوه

مساعدمزعل العنزي

الياتبسم ..كامل .الزين ..للزين
عهد على ..الزين ضيع مساره
واليا ضحك من بين سترالنهارين
وصل ..نهارا متصل في نهاره

مساعد مزعل العنزي

وبـه نـاس جنبها مثل ركعــة المسبوق
لاتكفي صــــلاته واجــرها عند كاتبها
واذا صـار في سدالسحابه رعدوابروق
تجنب عـن الــوديان واحـذر مضـاربها
وترا السيل لو ماجاك حينه يجيك الحوق
تحـدر مـن ..الضلعان ...والارض غـالبها

جيتك وانا قلبي مـــن الهم ملهود
اعيش في لحضه ولحضه ولحضه
يمكن تغير ......حالتي زودن بزود
ويمكن ....يقوم الحض ويزود حضه
والا الجسد..... بنهايته مرتع الدود
والعمر مع الادمــــي تقل قرضه
طـرت عـليه ســجةٍ هبت ..النود
يوم المزن برقه .....تعرقا بعرضه
والعبد... عند الرب بالرزق موعود
ياتيه رزقه من قبل ...حين قبضه
رزقٍ لغيره ....ماينوله ..ومردود
لوهو سعى بالارض والبحر خضه

يسعد صباح اللي يزيد ارتياحي
اللي يماري زينها طيف الاحلام
الطير لو من فوقها حام طاحي
لو كان يدري فوقها كان ماحام
نصيفها يسلب عقل كل صاحي
واليامشت بين الملاقدرها شام
واعطورهامع هبت الريح فاحي
واللي يشم عطورها طاح ماقام
والخد كن البرق ..بالخد .لاحي
يروي كبودٍ ضاميه من مية عام

*الله الرحمن الرحيم

الحض لامن قام يبني لـك ادوار=وان طاح يخلق لك ثمانين علـه
من وين ماوجهت ضاقت بك الدار=عقدٍ يحل وعقـد تعجـز تحلـه
تبغى تجمع في شتاتك بالافكـار=مثل الذي يمشي على صوب ضله
اما تركناهـا بحشمـه ومقـدار=والا صبرنـا وحملنـا نستشلـه


دنياك هذي كلها ضيق واهموم=لوانها زانت تراهـا تخونـك
تضحك بها يومٍ وتبكي بها يوم=تأخذ من الاعمار بعدك ودونك
قرنٍ يلي قرنٍ وقومٍ بثر قـوم=رد الخبر عني لمن ينشدونـك


يالله ياخالق ابن آدم مـن عـدم=تحيي وتميته ثم تعيـده للنشـور
سحبانك يامعلم ابـن آدم بالقلـم=ويجاعل القـرأن دستـورٍ ونـور
فرج على من ضاق صدره وانحرم=صارع نظامٍ مستبد وفيـه جـور
رجواك يارباه ترحم مـن رحـم=وتجعل مناصير العدل مثل الجسور
وتجعل على الظلام نار من الحمم=تذوب بطن الارض وتذوب القشور

هب ..النسيم ..وعانقه ..ساجع .الورق
كنه ..ماهب .. الا على .. شان ورقا
ساق.الهموم.اللي.تحرق.الحشى حرق
المستـكنه .. بيـن .. . لامـا ..وفـرقا
لا مـا حصل به فرق والا حصل.فرق
والا حصـل لامـا علـى غـير فـرقا
يبيه وش ينبيك عـن مـطلـع الشرق
لاصرت غرب ومطلع الشمس شرقا
يعيال ماضيع طريقـي مـع الطرق
مااجهل طريقي لودخل ضمن طرقا
واللي عيونه تجهل البـرق والبـرق
دايم يجـي هتان مـن .دون .. برقا
والـذيب دايم يسترق صيدته سرق
مـثل مـايُسرق ناظر .العين سرقا
مساعدمزعل

هب ..النسيم ..وعانقه ..ساجع .الورق
كنه ..ماهب .. الا على .. شان ورقا
ساق.الهموم.اللي.تحرق.الحشى حرق
المستـكنه .. بيـن .. . لامـا ..وفـرقا
لا مـا حصل به فرق والا حصل.فرق
والا حصـل لامـا علـى غـير فـرقا
يبيه وش ينبيك عـن مـطلـع الشرق
لاصرت غرب ومطلع الشمس شرقا
يعيال ماضيع طريقـي مـع الطرق
مااجهل طريقي لودخل ضمن طرقا
واللي عيونه تنتظر لمعت ..البـرق
دايم يجـي هتان مـن .دون .. برقا
والـذيب دايم يسترق صيدته سرق
مـثل مـايُسرق ناظر .العين سرقا
مساعدمزعل

مـايفسد النمام ..فـي .ربـع ساعه
اكثر من تدميرالوغى عشرة اعوام
طيب الجـماعه واجتمـاع الجمـاعه
لاهـمـش النمـام قـام .السعد قام
لاشفت لك مغتاب ..ضييّق .وساعه
اذكـر له آيه .حـذرت ..كـل ...نمام
والمـجلس اللـي مـايذكر .بطاعه
خـلك عـنه ابعد من الصين للشام
واللي غلب نفسه ..تراها .شجاعه
وعادة كريم النفس عن.هزلهاشام
والوادي اللـي .جـايعاتن ..اسباعه
ابعد عنه مـايعرف اعمام وارحام
واللي تبع فكره وفـكره ..ضياعه
ماينفعه وقت الندم عـضة .ابهام
صـل الجماعه مع صلاة الجماعه
ترا العمر ساعات مع بضعة ايام
مساعد مزعل