ديوان الشاعر مساعد مزعل العنزي

ابعـد عـن مرافق الانذال بالسجه
فـج الخلا يبعدك عن قرب الانذالي

فـي عـثـعثن خاليٍ ماتسمع اللجه
ماغير همس الهوا في جوه الخالي

ينسـيك جـو البلـد والـعالم الرجه
حـتـى لـو انك لحالك خالي البالي

مـضـاق بالـي يصار ان الخلا فجه
خـالـي ولاتملـكه عـباد الامـوالي

اللـي سـواليفهابالـرقص والـدجه
وفي غرة الناس والاجمع الاموالي

لاصار عقلي براسي واملك الحجه
مالي ومال الملا في كل الاحوالي

مسمـع مناقـيد مـنهـو طار بالعجه
مـكانها بالثرا مـن فـوقـها انعالي

وقـلبي إاليـالاح بـراق المزن وجه
وعـلاج قلبـي بـدلة عثـعـثٍ سالي

لوكل شخـصٍ بـعـقله صـح متوجه
ماكان وصى النبي في طاعةالوالي

مساعدمزعل العنزي

تمنيت الشعرمره ومره ليتني ماصرت
ولاصرت اكتب الاشعار واحفظها وغنيها
الا يالضامي اللي مرك الماطرولاستبشرت
سحـابه يلـعب البارق مـن اولها لتاليها
تعجب بالخيال اللي نظرته بس فيه احترت
وانا في وقفت الحيران لبديها ولا اخفيها
وقفت.الموقف الي.حيّرالعقل الحليم وسرت
وصـرت الحـاكم السلطان ناهيها وقاضيها
شموخ العزه الي ذكرتني عقب ماقررت
مقابيل الليال اللي توهق من وثق فيها
الا ياوردة البستان ماني مع ليانك طرت
لو ان النفس بعدك جمرت الحرمان تكويها
على غب البحور اللي عليها مركبك وابحرت
وحلت في مراكبك السلامه في شواطيها
وانافي.صحوتي.من.حلمي.الغامض.بعد مبصرت
ولا ميّزنهايةخـطوتي.من.قبل ممشيها
اشد العزم من قبل المسيره بعد ماخيرت
لوان الي مثل وضعي سموم الصيف حاديها
عطيت.الكرت.الاحمرلوجنابك مارضي بالكرت
وعسى نفوس الجيوش اللي غزتني ماتهقويها

مساعدمزعل

سـلام تسـليمه مـعزه مـن الذات
تسلـيمـةٍ مـن هـاجسـي مبتداها
في حفلة ألي عهدهم بات مافات
ابنا عـطـيه مـكـرمـه مـن لـفاها
في حفل ابو شطاط قرم العقيلات
اهـل البـيوت اللـي يـذري ذراها
يامـا لهـم فـي ساعة الجد وقفات
بنـي عـطيه كـلـها مـن عـصـاها
تثبـت كـما تثبـت اجبال السروات
وتفعـل وتـردع كـيد منهـو غزاها
حـق الخـوي والجـارمن بينهم بات
مـافات حقـه مـع حقوق اقصراها
وكـل القـبايـل عهـدها مابعدفات
اللـي تمـد الضـيف غالي اقراها
اللي لهم في هامة المجد بصمات
سقـم العـدو للضيف حلوا نباها
يصـيغـها شـاعر بجـزل العبارات
قـريحـته عـن سب غـيره عذاها
مـن لابتـن تاريخـها حـي مامات
مثل البواخـر لارست فـوق ماها
يـوم اليالـي بالـوغى مشلاهبات
واليمـنه تـزبن وتـجـزل عطـاها
وجعـافـره لاصـار بالوقت شدات
مثل الكوكب ساطعه في سماها
وان قلت وايل كل علمن له اثبات
الناس تسـمـع بالفعول وتـراها
واحنا جنـودٍ عند صقر العروبات
لـه بيعــةٍ صـغـيرنا مـانساهـا
نثبت على البيعه ولابه مراوات
واسيوف عنـده كان دارة رحاها
والله فرض للعبد خمس الصلوات
وشهـادةٍ لاينفصـل مـن اعراها
ولايضيع دينه لجـل دنيا مغـرّات
يموت ويترك ماكسب من وراها
يالعبد في عقلك جميع القرارات
امسك بنفسك لاتزيد اب طغاها
واستغفرالله لاحصل منك زلات
للـي بسـط سبعه وسبعه بناها
لابد مـالاحيا يـزيدون الامـوات
واللـي خلقها من عدم مانساها
وصلات ربي كثر نجم المجرات
واعداد قطرات المطر مع ثراها
على محمد صفوت الخلق بالذات
صلـى عليه اللي كتبها اوقراها

مساعد مزعل

ياسـلام الله علـيكـم ياكـريمـين السبالــي
وياسلام الله على اللي بالمـواقف صيـرميه
من مـصاليخ الرياض اليا مصـاليخ الشمالي
عـند ابن قـناص غـالين ولهـم قـدر اوتحـيه
مـن جهلهـم باليال الحـاضـرات وبالخـوالي
ضـالـمٍ حـظه ونفـسه بيـن خلـق الله رديه
ربعـنا مـن لابة الـويلان يحمـون التـوالـي
ياانتخو فوق الاصايل نصرنا في كـل هـيه
عرفهم هو تاج راسي قربهم هو راس مالي
وافتخر بعيال عمي. مـن مـطانيـخ السميه
قدرهم من فوق راسي مانزل والقدر عالي
يشـهد اللـي عالمـن سر المخاليق الخـفيه
اعتـذر والعـذر يقنـع ياكـريمين الرجـالي
كان قصر شعرنا عن مدحكـم يااهل الحميه
مساعد مزعل

ياحـاكـم الـدار كيـف الـدارتحـكمها
قلـي واناابااسـتفد ياطيـب الـذاتـي
ان قلـت بالليله الضلـمى ومـقـدمها
نـورالبدرشتت الضلـمـه مع اشتاتي
وان قلت في ضحكتك والصبرتغنمها
اضحك مع الناس وانا احارب اسكاتي
لـو ان ضحكـي كثير الناس حطـمها
النـاس عـاداتــها وانـا بـعــاداتـي
ياما اكثر الناس شفت المال مغرمها
ونصف البشر عنده الدنيا كما الزاتي
محـاشـت ايـديه للفقـران قدمـها
مستور بالحـال مايمـلك عقـاراتي
لو يمـلك امـوال قيصـر كان سلمها
مـحاشـت ايديه للمـحتاج مــاباتي
كـم سـالفة راس قومٍ صار معلمها
بالطـيب ينـشـر خبرهـا بالمحطاتي
وكلـن يجـيد الـدروس اللي تعلمها
بجزل العبارات والا اسوا العباراتي
وياحـاكـم الدار ليت الدار ترحمها
قـبل يقـولون عانا شعبها اومـاتي

مساعد مزعل

*رحبت بالفكره وانا توي على الفكره صغير

وكتبتها عن فكري البادي على كف الزمن

وجعلت مبعوث الخيال الي على كيفي يطير
واطلقت سبقه مع حلا جوٍ صفى ماله ثمن

يسرح اليابان الشفق يرجع لي بحزة عصير
واستقبله باللي كسب واللي فقد منا ومن

وكلن ابها الدنيا على دله وفي نفسه بصير
والعــمر ساعات اودقايق للملا ماينضمن

ان مـاغنمته بالصبا مـاتغنمه وانته كبـير
بنات بقـعا تسحـبك ياما احبـلن ياما رمن

منجورهن كيدالبشريلعب على سلك الحرير
اليا اسهمن مثل الذياب الجايعات اليااسهمن

والموت قافي والعمر لو طالت ايامه قصير
وحـتى لـو انك بالصبا له حـزةٍ ماينـومن

مبعدعن الموضوع يرعافكرتي موق النضير
هيا بنات افكاري الجزلات قومن لي قمن

مدام دك الهاجس الرعاد والـمزن المطير
سمن قوافيها عن الهزلات بالجزله سمن

يانهر دجله والفرات اغريت بالموج الغزير
كيفك الياجاك الغريم اللي بشوفك مغرمن

الضل هوشكل الجسم كبيرمن جسم الصغير
يحدث تغير بالحقايق ظرف ساعه من زمن

واللي ورد جم الغدير اسقا على جم الغدير
ورد ركابه من فراغه والركايب ماضمن

ترا ظرير الشوف لو تخضر له الدنيا ضرير
بعـيونه الثنتين لـذتـها قـبل مـاينعـمن

ماودي اطول على القاري ولا اغر الخبير
اللي يخيّل ديـرة البراق مـايخمن خمن

وانهاية الموضوع لاطاير ولاله من مطير
كما يقولون العرب سمه وفي بطنه كمن


مساعدمزعل

*رحبت بالفكره وانا توي على الفكره صغير

وكتبتها عن فكري البادي على كف الزمن

وجعلت مبعوث الخيال الي على كيفي يطير
واطلقت سبقه مع حلا جوٍ صفى ماله ثمن

يسرح اليابان الشفق يرجع لي بحزة عصير
واستقبله باللي كسب واللي فقد منا ومن

وكلن ابها الدنيا على دله وفي نفسه بصير
والعــمر ساعات اودقايق للملا ماينضمن

ان مـاغنمته بالصبا مـاتغنمه وانته كبـير
بنات بقـعا تسحـبك ياما احبـلن ياما رمن

منجورهن كيدالبشريلعب على سلك الحرير
اليا اسهمن مثل الذياب الجايعات اليااسهمن

والموت قافي والعمر لو طالت ايامه قصير
وحـتى لـو انك بالصبا له حـزةٍ ماينـومن

مبعدعن الموضوع يرعافكرتي موق النضير
هيا بنات افكاري الجزلات قومن لي قمن

مدام دك الهاجس الرعاد والـمزن المطير
سمن قوافيها عن الهزلات بالجزله سمن

يانهر دجله والفرات اغريت بالموج الغزير
كيفك الياجاك الغريم اللي بشوفك مغرمن

الضل هوشكل الجسم كبيرمن جسم الصغير
يحدث تغير بالحقايق ظرف ساعه من زمن

واللي ورد جم الغدير اسقا على جم الغدير
ورد ركابه من فراغه والركايب ماضمن

ترا ظرير الشوف لو تخضر له الدنيا ضرير
بعـيونه الثنتين لـذتـها قـبل مـاينعـمن

ماودي اطول على القاري ولا اغر الخبير
اللي يخيّل ديـرة البراق مـايخمن خمن

وانهاية الموضوع لاطاير ولاله من مطير
كما يقولون العرب سمه وفي بطنه كمن


مساعدمزعل

[[حبل الرفاقه لاتقطع اعراها]]

العـنصـريه كبـها مـابـها خــيـر
نصيحـتي لك كان تمشـي عـلاها
انصحك وانصـح للرجال المغاوير
يكفيك عن قول البشر قـول طـه
عمر الجبل ماشال هم المعاصير
لـو كـان تـذرا ليلها مـع ضحاها
وعمرالنخل ماشال هم العصافير
حتى لـو انكـر ضلها مـع ذراها
بعض السوالف ماتبي زود تبرير
نـصـيحـةٍ مـانـي مـدور وراها
تنبهو ياهـل الـوجيه المسـافير
حبل الـرفـاقـه لاتقطـع اعرها
الشخص لوترميه بعض المقادير
شاف الحقيقه مرها مـن حلاها
ربعـه سند ضهره سيوفٍ بواتير
مثل السيوف المغمده في خباها
ياقف بها ويفعل مثل سالم الزير
ومخاف من ظلم الطغاه وطغاها
لولا جناح الطير وش يرفع الطير
عن السباع اللـي تدور عشاها
اعطيت عن بعض المحاذير تحذير
نصيحةٍ مثـل القمر في سماها

مساعد مزعل

يابـدرمـن حـق البشر على البشر
وحـبل الاخــوه حبـلها حبل الوتين
حــرام مــاليه علـى الـدنيا نـظر
ولالـي مـقـاصـد لايسار ولايمين
حبـيـت ابــارك يابعـيـدين النظـر
واخـص ابـوعايض بها ذرب اليمين
واقول فـوزك بالاصيل اكـبر فخر
تاجٍ علـى راسك وروس الغـانمين
في كهرمان اللي على غيره ظهر
مـن بين نخبه كلـهم متسـابقـين
في وسط طيبه دار ابو بكراوعمر
ودار الرسول الهادي الحر الامين
ودار الرجـال اللـي لها عز اوقدر
اهـل المـفاخر للمـفاخر كـاسبين
كـل القـبايل كــلهـا مـانخـتصـر
مانبخـس احـقوق الرجال الطيبين
ان قـلـت من بدوان والا من حضر
اهــل المكارم للمـكارم حـاضرين
الطيـب مـن بين الخـلايق منتشـر
ماينحصــر والله خـيـر الشاهـدين
ذكره ورا شط البحر وادنا والبـحر
ومن بين مغربها وبين المشـرفين
مـن سالـف الدنيا قصصهم تنذكـر
وسط المجالس تنذكر في كل حين
ويارب تكفيـنا صـواديــف الـدهـر
وتفرج لي اهمومي وهم المسلمين
واجعل هل التوحيد فـي عز ونصر
ورد المضالم فـوق روس الظالمين
والله وعد بالنصر ووصـى بالصـبر
مايخلـف المـيعاد رب الـعالــمـين
دنـياك هـذي كـلـها درس اوعـبـر
واحـنـا درسـنـا بين كل الدارسين
والعـصـر هـذا يابـدر قبله عـصـر
وابا اختـصرهـا يابـدر في كلمتين
كـم واحـدٍ قبـلـي تـرا فيها جـهر
يروح عمر الادمي في طـرف عين
اول شهـر يابـدر والا آخـر شـهر
يسير بمـر الله خـيـر الخـالـقـين

مساعد مزعل اليمني العنزي

بارك الله فـي رجـالٍ لها منزل وشأن
بيـن كـل النـاس يرجـح لها مـيـزانها
دوّن التـاريـخ مـاسـطّره عـمر الزمان
ان بغيت احسانـها وان بغـيت اسنانها
اعنزه حازت على العز من قدر اومكان
معـتلـي شاني وربعـي عظيمٍ شانها
وانتخـي في لابتي يوم حان الجد حان
مـاتطيـر الطـايره غـير مـن جنحانها
من يراهن بعنزه ظامنن كسب الرهان
ومـن يـحـاربها خسر ماكسب ميدانها
وفخرهم بالسلـم من مالهم مدة يمان
دون فيصـل تنفـق امـوالـها بيمانـها
والله الله ياعـنزه بالتـلاحـم والظمان
وكل قـومٍ تتحـد يعـتلـي سلـطـانها
تعتلي وسـط السما كنها نجم اليمان
مايـهاب الارض لـو ينتـفـض بركانها
والله ان العـز نصـرٍ بساعـه له كيان
لنتصر كـن السمـا فتـحـت بيـبانـها
كنه اللي وسط قارب وصل بر الامان
من بحورٍ تركـب امـواجـها حيـتانـها
انتخي بالحاضره وافتخر في فعل كان
وابني الهقوه جسورٍ علـى سيسانها
من عمل حسنه لربه زرع وسط الجنان
وكـل نفـسٍ عـايشه مقتـفي ديانها
والله اللـي نـزل النـورللامـه بيـان
وكـل سـوره بين احمد لنا برهـانها
والصـلاه اخـتامها عد من بالكون كان
وعد ماينزل علـى الارض من هتانها
للنبي المصطفى قايد الغر الحسان
الشفـيع اليا وردنا على حيـضـانها

مساعدمزعل اليمني الجعفري