آهـ يـ الكويت ..!

عابره للتواصل .. نسيت منها الكثير .. كتبتها على البحر .. ونثرتها على البحر ..! ولم يتبقّى منها سِوى هذه ِ الكلمات المُفككه .. آمل قبولها كما هي ..‘’ ‘’ وووينك ..؟ دوّرتك بـ كل الأماكن .. بر .. بحر .. صحرا .. وقمر .. أرض وسما .. كل المدن .. عطيتها عنّك وصوف .. وكل الشوارع .. رسمتها يمّك ضياع ..! بـ ذاك الرصيف .. ماتت بي الخطوه انتظار .. وتحت الإشارات النحيله .. ذابتني اقدامي وقووووف ..! ملّت سؤالاتي الكثيره ..! ويا للأسف .. ماجاوبتني ..! وووينك ..؟ دوّرتك بـ ذيك المراسي .. واثري مراكبها غياب ..! رجيت بيض الأشرعه .. تعطيني من صبر الصواري .. لحظة شموخ ..! ياليتها شافتني بـ غمّي .. تاخذ متاهاتي وهمّي ..! والاّ النوارس ..! هي هاجرت ..؟ يوم الأماني غادرت ..! والاّ البحر موجه شديد .. أبسألك .. هو المطر .. يرجي من غيومك حياه ..؟ والا الضيا .. موته من الوان الشفق ..؟ كنّي لمحتك في تفاصيل الإجابه .. ورده حزينه ترتجي قطعة وطن ..! آآآه يـ الكويت .. في أرضها البارح بكيت .. نامت وخلّتني وحيد .. وسالت دموعي بـ أرضها ..! آآآه يـ الكويت .. ماعدّني بـ ارضك ربيت .. أبسألك .. أنتي نسيتي كل شيء ..؟ ملامحي .. ورسمة تقاسيمي .. و إسمي .. ! حتى تفاصيلي الصغيره ..! يآآآآه .. معقوله تنسيني أنا ..! وكل غيبتي كانت سنه ..! لأ .. لأ ..! أذكريني يا كويت .. إذكريني طفل .. يومنني جيتك ظمى ..! أرجي من غيوم السما .. زخّة سحاب .. كنتي الأمل .. وأرض الفرح .. وأم ٍ حنون .. كانت تداعبني بـ جنون .. تظمّني ظمّة دفا .. وتبعدني عن كل العيون .. لاغبت عنها عاتبت .. وتقول لي بسّك جفا .. يا للأسى ..! مات إشتياقي في ألم .. وذبلت زهوري في يدي .. رجعت .. والريح البارده .. كِنها ترافقني .. وتودّعني على أقرب حدود ..! الكويت 20 - 2 - 2012