وقفة وفاء ( للشاعر منصور الرويلي )

بسم الله الرحمن الرحيم

السلام عليكم ورحمة الله وبركاته

أخواني وأخواتي كل عام وانتم بخير وصحه وسلامه

أعتذر لكم على التقصير فمهما غبنا فأنتم الأبقا دائما في القلب

لقد خصني الشاعر والاخ الكبير منصور الرويلي بقصيدته والتي

حملني بها فوق ما استحق . رغم انني ابتعدت عن الشعر وكتابته إلا انه اجبرني على العودة

http://mdyf.net/vb/showthread.php?t=52871

صح السانك يابونايف وبيض الله وجهك ومكانتك عاليه عنتي وانت تعلم بذلك يالعزوه

واعذرني انت والجمهور على ردي المتواضع

فمهما كتبت بهذا الشاعر وهذا الرجل لن أوفيه حقه


وقفة وفاء ( رد على الشاعر منصور الرويلي )

حي الحروف النابعات المغاتير=وحي الرسول وحي منهو مشى فيه
كل عام وانت بخير وحروفك بخير=يالوايلي ياعز منهو يناديه
للعيد فرحه مالها اي تصوير=وشرواك ملزومٍ علينا نهنيه
ياالوايلي ياشوق كل الغنادير=يالشاعر اللي وافيات معانيه
قاف عنزه لاسطر القاف تسطير=يطرب هجوس البال ويدك خافيه
ذودٍ من بكار المعاني مصاغير=تسرح بريضان الجزاله وتحييه
ماحدٍ جهلها وافيات مشاهير=وسمٍ عليها ما خلطها تشاويه
باسم الذي وقفات جوده مضاهير=(منصور)إبن نايف وياحي طاريه
سبقتنا بالطيب ماهي تزاوير=وحنا نحفض الطيب ونعد راعيه
انشهد انك ماتسوق المعاذير=حرٍ يشرف بالمواقف بنيخيه
ياما وقفت لكايدات الطوابير=لامرتجي مدحه ولا طالب جنيه
وقفة وفا لمدبرين التفاكير=اللي نواياهم ردى دون تشبيه
وأنا لو غيابي علي ماله مجير=قنعت من طرق القصيد وقوافيه
ياما صخرنا القاف ياخوك تصخير=ونقدم الجزله لجل خاطر وجيه
نارد على جمٍّ قراحٍ من البير=واللي حضر لجل الجزيلات نرويه
وقفة وفا لجل الوجيه المسافير=لا غايةٍ منها ولا عوز نرجيه
لو الليالي بينت لي مدابير=ماهمني حاسد ولو بان قاصيه
لاهنت ياراع الدلال المباهير=فنجالها يطرد خوى الراس صافيه
اللي ليا من جوه ربعه مسايير=فاتو على صدرٍ مشرَّع محانيه
شرواك ياشوق البنات الغنادير=يالوايلي ياعز منهو يناديه

تركي عبدالله العنزي

ياسلااام ياسلااام
واافي يابو عبدالله
صح لسانك على هالشامخه

وابو نايف يستحق الطيب ولا هي غريبه عليك وعليه

الله يديم المحبه

وصح لسااانك ملايين يابو عبدالله

روعة الحرف تعانق سمو المعنى
لتستلهم من جمال الكلمه قصة ابداع
صح لسانك وسلمت اياديك
تشرفت بقرائتي لقصيدتك الرائعه
وبيض الله وجهك على اتحافك الجزل
تحياتي وتقديري لشخصك الكريم

عوداً حميداً يابو عبدالله وإن شاء الله آخر الغيبات

صح لسانك مليار وتكرار على الرد الشامخ

يستاهل ابو نايف وألف نعم بالمادح والممدوح

صح لسان الجميع


دمتم بهذا النقاء

صح الله لسانك
جزاله حرف وقوة معنى
جميله ورائعه

قصيده رائعه
قرأت حرفك بعمق شديد وراق لي
طاب احساسك وصح لسانك
اقدم شكري وتقديري لـ شخصك النبيل
عابر سبيل يهنئك بهذ الأبداع

شاعريه فوق حدود الابداع
لاهنت على ابداعك واتحافنا بروائعك
دمت للابداع والروعه ودمت نبراس وصح لسانك ملايين

لك تقديري

الاخ العزيز والشاعر الرائع

تركي عبدالله العنزي

لانك كفو وتستاهل القصيد والعلم الغانم

أهديتك حروف من نور تستوطن أعماقك

أيها الشهم

أشكرك على الرد الجميل بروعة أخلاقك

وجمال نبلك

لك الود والورد

ولا يطول غيابك

الف صح لسانك ونبضك ودامت حروفك الجميله
استمتعت بمعزوفتك الرائعه

قـاف عنـزه لاسـطـر الـقـاف تسطـيـر يطـرب هجـوس الـبـال ويــدك خافـيـه
ذودٍ مـــن بـكــار المـعـانـي مصـاغـيـر تـســرح بـريـضـان الـجـزالـه وتحـيـيـه
مـاحــدٍ جهـلـهـا وافـيــات مشـاهـيـر وســمٍ عليـهـا مــا خلطـهـا تـشـاويـه
باسـم الـذي وقفـات جـوده مضاهـيـر (منصـور)إبـن نـايـف ويـاحــي طـاريــه
سبقـتـنـا بالـطـيـب مـاهــي تــزاويــر وحـنـا نحـفـض الطـيـب ونـعـد راعـيـه
انـشـهـد انـــك مـاتـسـوق المـعـاذيـر حـــرٍ يــشــرف بـالـمـواقـف بنـيـخـيـه
يــامــا وقــفــت لـكـايــدات الـطـوابـيـر لامرتـجـي مـدحـه ولا طـالـب جـنـيـه
وقــفــة وفــــا لـمـدبـريـن الـتـفـاكـيـر الـلــي نـوايـاهــم ردى دون تـشـبـيـه
وأنــا لــو غيـابـي عـلـي مـالـه مجـيـر قنعـت مــن طــرق القصـيـد وقوافـيـه
يامـا صخـرنـا الـقـاف يـاخـوك تصخـيـر ونـقـدم الجـزلـه لـجـل خـاطـر وجـيـه

صح السانك أخوي تركي بروعة حروفك الراقيه
ويستاهل الشاعر منصور الرويلي الطيب
لا هنتم جميع


.