رجلٍ حمل بنتين والناس راضون===ومع البنات أخٍ وياللغرابه

السلام عليكم،،،

لازلت اطالب بالاهتمام بقسم الالغاز،،،

استلموووا اللغز الثاني:(وكما قلت سابقا العم قوقل يعرف الحل الرجاء عدم سؤاله))

سبحانه الرحمن خلاق هالكون=منّزل الامطار مجري سحابه
امره يجي مابين كافٍ مع النون=ولايعجزه شيٍ وكلٍ يهابه
أعوذ به من كل حاسد ومجنون=واستغفره والوذبه من عذابه
بسم الولي بديت والنطق موزون=وغنيت لي موال على الربابه
يهب يالشيطان ملعون ملعون=يقول لي بيني وبينك قرابه
جاني معاه اللغز واللغز مدفون=لفى علي عصير حضرة جنابه
يقول لي ياصاحبي كيف وشلون=كيف الرجل دايم بعزة شبابه
رجلٍ حمل بنتين والناس راضون=ومع البنات أخٍ وياللغرابه
لاله بطن وايضاً ترى ماله عيون=وماينحني راسه ولو ايش صابه
بعض البشر يصيب والبعض يخطون= واللغز ماله مدخلٍ غير بابه
ياصحابنا بالهون بالهون بالهون=وفهم السؤال اليوم نصف الاجابه

الحقوق كالعاده محفوظه لـــ أبو عزه الركابي