ذكرى وأشتياق \ديوان ابراهيم حرير العنزي

لاتحذفين الورد ياورد وأنساك= وانتي يااجمل وردة في حياتي
الورد لو شاف الزهر في محياك= حرم على نفسه جميل الصفاتي
الفجرلويشرق ضيى وسط شباك=يشبه جبينك وانت تاضي حياتي
حتى البحراصبح على ملحه ادراك= حول قراح وصار مثل الفراتي
عجزت اصور نفس ذابت لفرقاك = وانت الحقيقة جالس في مباتي
روحي وانا روحي عزيزة وتفداك =هذي مشاعر ثابته من ثباتي
انا الحبيب اللي زهرعمره أعطاك = ياجمل ليالي ماضية وانت أتي

كنت مرتاح متهني سعيد =وارقب البدر ليمنه شرق
لين فكرت في شي جديد = بدى بالهم واحزون وارق
لازم افوز بالراي السديد =أحصل انتاج جهدي والعرق
اسهر الليل انقص وازيد =ويطلع الفجر واحسابي فرق
اجمع افكار ارائي واعيد = واخاف اطيح وافشل واغرق
في البحر جامد ومن فوقه جليد = واصقط بديون ماقبلي سبق
اطمح وافكر لشي بعيد = وارسم امال فكري بالورق
احتمال السهل يتحول عنيد = في ادروب للعمل بان وبرق
ذا نصيبي وربك مايريد =وكل انسان من رزقه غبق

تاج الملك


هذه القصيده مهداه الى سيدي حضرة صاحب الجلاله الملك حمد بن عيسى ال خليفه حفظه الله ورعاه

(تاج الملك)

هيظنـي التعبيربالشعـر واسـرج =خيل القصيد ورحـت بالفكـر دواج
تعبير صادق من ضميري ظهر فـج =صدر المعاني بالعواصف لها فـاج
والا مثل سيـل تحـدر بعـد عـج =تفرح به الضمياء مثل عين هـداج
نبع على حد الجبـل قـام وارتـج =يجري معاه السيل في داخل افـلاج
سيل بعذاري للمزارع جـرى سـج =يسقي الوطن بالخير في كل محتاج
دلمون سقاك السيل في اليوم الابهج =دار النخيل وطيبه النـاس وابـلاج
ممتد بالخيـرات للنـاس واخـرج =شي ثميـن فـاق بالسعـر للعـاج
اللؤلؤ النادر علـى سمعتـه ضـج=طاف البحور و بالـدول كلهـا داج
واليوم في البحرين من كـل منتـج =تطوير في الديره مشاريع وابـراج
من بعد ماهو نور المعرفه بها وج =قام المواطن يمشي الدرب بسـراج
عم التطور دارنـا بعـد مااخـرج =من صافي البترول بيـن اادول راج
في ظل حكام الوطن مافـي اعـوج =امن وعداله والكـرم دوم منهـاج
ال خليفـه مكرميـن الــذي دج =يوم حداه الوقـت ابشـر بالافـراج
كم واحد جاء من عطاهـم تخـرج =زانت له الدنيا وهو كـان محتـاج
يعيش ابو سلمان ندعـو ونلهـج =وكل الشعب ياسيدي درع واسيـاج
الحاكـم المحبـوب يـوم تـتـوج =واصبح بحبه للمواطن بعـد تـاج

مفتاح قلبي لو ملكتي المفاتيح = بكل المحبه والغلى تملكينه
بابه امصفح عن سواكم تصافيح =الا من رموشك خطرة تنسفينه
مايحتمل نظرة مضت دون تجريح =وخلت جروح بالحشى هي دفينه
سر المحبه بالخفى دون تسريح = على شعور واضح أتفسريته
تفسيرمن حس الغلى شاف تلميح=يظهر بيان(ن) صعب لوتكتميته
وانا من اسباب الجفى قمت انا اصيح =غرقان قلبي دوم زايدحنينه
قمت انعثر نوب اوقف ولا اطيح = ونوب اطيح برجعتك تقعدينه
أحس نفسي ضايع في وسط ريح = أبغي الدفى يوم لجى تحتمينه
وأضلوع صدري للحبايب مراجيح =مري اسمعي قلبي يجر ابعنينه
بس ارحمي يم العيون الذوابيح = الصاحب اللي راهنلك سنينه
ياريحة الياسمين في روض الشيح =يا زبدة الربيع فوق الشنينه
ياجبنه الصافي اللبن دون تمليح = والملح باشفاف العسل تنتجينه
ياحاشي مهرة بغوها الدواحيح = بنت العقيد اللي يحامي عرينه
انا اشهد انه فاز حاز المرابح = الفارس اللي بالرضى تطلبيته

المدفعية

المدفعية ياعز الجيش واسنــــــــــادة = في حزت الحرب معروف مواقفها
تحقق النصر فوق النصر وازيــــادة = زود على نصرها عــــــز لحارفها
الله اكبر لاراح الضد برقــــــــــــادة = فوقه غذايف من النــــيران نرجفها
من الواقع انتابع الرصد وارشــــادة = وتحركات العــــــدو بالحين نكشفها
بكوبر الهد للعدوان ايبـــــــــــــــادة = يرفرف النصـــر لبانت زعانفها
بالراجمات اللي كما البرق رعــادة = تمطر جموع المعادي ثم تنســـــفها
المدفعي عنده الصبر وايــــــــرادة = مصمم هامت العـــــــــــــز يشرفها
له الشرف والمعزة يحمي ابـــلادة = ام حنــــــــــــــون وضمتنا بطارفها
نهني الجيش والضباط والقــــــادة = بذكرى تاسيس وحدتـــــــنا نوصفها
نعجزعن الوصف ونقدم ايفـــــادة = لعنا من جميل الشعـــــــــر ننصفها

هذه القصيدة ترحيبة بالشيخ عقلا محمد القيسي اثناء زيارته لمملكة البحرين لقبيلة عنزة

مرحبا بالخال بالاخ النسيب = مرحبابك بين ربعك وأنسباك
أبو محمد كفو نعم(ن) بالحبيب = العصامي ماتنى من قال هاك
ياعرب الساس يانسل العريب = من قبيلة قيس لصار العراك
منهم الفارس له الفعل العجيب = ابن صالح امن ان كانه معاك
ستر الجيسيات لشتدد الحريب = والعدو مهزوم مافيها فكاك
وضيفنامعروف هذاالذيب ذيب=لاذكرت الطيب قالوا لك هذاك
للقرايب والحبايب والغريب = منقذ المحتاج يومه نصاك
كم مشاكل مالقت من هو يجيب = غير فزعتكم لربعك واخوياك
ربك المنان من فضله يثيب = ياكريم بالعطى هذا جزاك
دامت النعمه لها الصحة جنيب = موفق بالخير والقوة عساك

الهم يكسر ظهر الانسان وش عاد = لو هي على طول الليالي كسيرة
تبي أتغير واقعك بس مافاد = وصارت به عيون التفاءل ضريرة
الزود نقص وطول الايام مازاد = ومقسوم غير مايجي لو شعيرة
أتغادرأ بلاد (ن) وتستوطن أبلاد = وتودع لديرة وتلفي أبديرة
صكت بك الدنيا مع الضد بعناد = لازم اتشربك البلاء من غديرة
انا اشهد ان العمر اجهاد بجهاد= ولايدري الانسان بأخر مصيرة

هذه القصيدة مهداه للاخ فرج الدهمشي

تراني جهزت الحاشي = من شفتك ياخالي ماشي
نعم ابولد العياشي = فرج ياشوق النشمية
بنتن اصيل ومزيونه = كل الشباب ايريدونه
تذبح في قمزت اعيونه = عين الخشف الخلاوية
والقذلة وراء تنسفها = من جتلك كنك عارفها
العسل في شفايفها = مهرة والله مية مية
قلت القول وماني خايف = اوصفلك زين الوصايف
بكرة انشرها ابمضايف = قصيدة جتلك هدية

حنا من الويلان اب علـى جـد=حنا هل الحرشى ليا ثـار ثايـر
بالباديه ننـزل بهـا ثـم نشـد=على ظهور أمحنيـات الضمايـر
نرحل لديار بهـا البـرق يرعـد=وأرض بها الخيرات والفقع صاير
بارض العرب نسرح وماحدنا حد=وراعي الحلا ل يتابع الخير ساير
كل روض يرتعبه ومرات يبعـد=قرم شجاع ومايهـاب الخطايـر
في وسط ربعك مابهم واحد ضـد=ربـع نشامـى ماتنقيـت بايـر
اللي حضر من ربعنا عنهم يسـد=بالهوش وألا يكرم الجـاه زايـر
ماهو من اللـي لالفيتـه تشـرد=بخيل بحـلان وبالعمـر حايـر
ياللي على أفعال القرايب تنشـد=تاريخهم مافيه نقـص ومعايـر
تاريخهم بالعز والنـاس تشهـد=وعدوهـم دايـم تجـرع مرايـر
أفعالهـم مـن كثرهـا ماتعـدد=لصارت القـالات والـدم فايـر
بنوا لمجـد بالتواريـخ مايهـد=ولحصونهم للأن باقـي عمايـر
صادق ويوفي بالوعد حين يوعد=وليـا عطـى بعطيتـه مايعايـر
عطية غبينـي ليـا منـه يمـد=ماردها لو هـي تـدور الدوايـر
من يزبن الاجواد يامـن ويرقـد=تسهلت من عقب ماهي وعايـر
ماحس بالغربه ولقى عندهـم ود=يعيش معهم دون شك وسرايـر
ومن يفخر بتاريخ ربعه ماينقـد=لاصار فعل أبطالهـم بالضبايـر

العرس

بالعرس لابدنا أنشارك= و انقدم لكل مطلوبي
جيناك نبعي لك نبارك =صارالفرح شي مرغوبي
يعيش في فرحتك جارك= وتودع الهم ياعزوبي
الليل وصلك بنهارك=واللي حصل غير محسوبي
رمي الفشق خرب لدارك =بالعرس ناهب ومنهوبي
صارالفرح ذبح وأمعارك=منهاالدمى صارمسكوبي
بالامن مطلوب باحضارك=والذنب عليك منسوبي
شباب للواجبه تارك =وابوه من قبل منكوبي
مايدري انه غدى ايدارك=وانه من العقل مسلوبي
هو السبب من طفى نارك=عقب الفخرصارمغصوبي
خسران خويه وهالك =الااذا من الخطاء ايتوبي
اللي شهد يكسب اقرارك= واخذبها درس مكتوبي