واتعطر بريحان وردك وفلَّك

.

متواضعه لقلوبكم الطاهره
علها تنال استحسانكم

.

( واتعطر بريحان وردك وفلَّك )

* *
* * * * *

لا يا عمر يا بوي إخوانك اصغار=داري عليهُم لُمُّهُم تحت ظِلّك
جوّد عليهم كالمظله من الأمطار =يا جعلهم يتنعموا في مَطلَّك
برعم زهرهم منبته طيب الأثمار=خلَّك معاهم لو حصل ما حَصَلَّك
واحفظ وصاتي لك ومهما الزمن جار=وافدي سعادتهم ولو فيك كلَّك
لا تزعل اُمَّك واشهد انك وَلَد بار=مَبسَم ثَناياها ويـا بوي عَلَّك
تكسب رضاها وان دعَتلك بالأضفار=والناس تحفظ منزلك أوتِجِلَّك
لو هَدَّت الدنيا عليك من الأقدار =وتكالبت شَدّاتـها أو تِغِلَّك
وَجِّه على صوب الولي النَّافع الظّار=وادعيه يالله الفَرَج هو يدِلَّك
والزم حدود الله في سرّ واجهار =صوم وصلاة ولا تعدى مَحَلَّك
واحذَر وصاتي لك على حُرمة الجار=إيّـاك ثُمّ ايّـاك شَيٍ يذلَّك
جَنّب عن دروب الرَدى ما بها اعذار=واحذَر مقالة قيل قَلّي وقلَّك
لا تكثر من الهرج وتكون ثرثار =والصاحب الي ما تمله يملَّك
هندس كلامك مسطره وخط بيكار=ما تسمع من الناس شَيٍ يعِلَّك
بعض الرَّفق يا بوي تجلبلك العار=لا غبت عنهم تايقظْبون شَلَّك
منهم قليل الدين بايق وغدار =ومنهم عديم الـمنفعه لو يِخِلَّك
ومنهم عديم الساس بالعون سمسار=تفداه بعيونك وهو يستغلَّك
بالوجه تلقاه مبتسم بالقفى نار=لا جاته الفرصه بدينه يشلَّك
واخر كلامي دامك الله بهالدار =واتعطر بريحان وردك وفلَّك

* * * *
ناجي الصقار

.

* * * *
واخر كلامي دامك الله بهالدار
واتعطر بريحان وردك وفلَّك


الله الله على الريحان والفل والياسمين صح لسانك ياخوي حتى ترضى لله درك قصيدة رائعه من شاعر مميز ومعروف وشرفت المضايف انت مكسب هنا

اخوك ابوغريب العبدلي
دولة قطر

الاخ الشاعر ناجي الصقار

صح السانك اولا واخيراً

من خلال قرائتي لنصك مرتين وجدت اصاله لشعر

ووجدت ابيات تحرك المشاعر وتلامس القلوب وحكمه تحفظ با الصدور

كانت حيرتي كبيره عندما حاولت الاقتباس فكل بيت يستحق تعليق واشاده

وهذا ما تريده الذائقه

انت شاعر راائع وكل نص يشوقنا للقادم فكن قريبا

والله يخلي لك عمر واخوانه ويحفظهم بحفظه

تقديري لك

هندس كلامك مسطره وخط بيكـار
ما تسمع مـن النـاس شَـيٍ يعِلَّـكاا

المهندس الشاعر
ناجي الصقار
صح السانك
تحياتي والله الموفق

الاديب ... ناجي الصقار
قصيده من الوزن الثقيل شاعر معروف
صح السانك تقبل اعجابي ومتابعتي

ولك خالص التحيه

ناجي الصقار


صح لسانك لاهنت على القصيده الشامخه



تحياتي ومودتي

صح السانك اخي الكريم ويعطيك العافيه على روعة الاتحاف
كل التقدير

صح لسان شاعرنا ناجي ابيات في قمة الروعه والجمال سلمت وسلمت اناملك على مادونتة هنا لك اطيب الامنيات واصدقها تحياتي

][][§¤°^°¤§][ ناجي الصقار ][§¤°^°¤§][][




أحسـآس يحلق بنـآ ع ـألياً لـ نعـآنق الغيم
ونستمتع بـ معزوفتكـ الـ ع ـذبه
صح لسـآإنكـ ولاهنتـــ
وبـ إنتظـآر هطولكـ...

الشاعر القدير/ ناجي الصقار




صح لسانك وتسلم يمينك على الابداع والقصيده الجزله




انقى تحيه