هــدوء صـاخـب ..؟

أحبها .. حب اليهود لفلسطين=وأعزها عـز المهادي لجاره
ياصادق الاحساس.. ياليل ياعين= ذكرتني بأحداث برج التجاره

مـامـن جـديـد ؟!

ابتعتذر لأهل الوفاء قبل مااشد=في حامي الكنه حبال المطيه
عن البحر والحوت والجزر والمد=الله عطانا فجوج نجد العذيه
ياهاجسي في عالي المرتفع عـَـد=شفك بعيد .. ونـيـِـة الوقت نـَـيـَـه
في عالي الرجم الطويل المـعـمرد=أحذف وراك الهم .. وأجلس أشويه
مقدار ماينساق طرفك ويرتد= خذ لك بصدر الكون روحه وجيه
ولامال ظل الكف شبرين وأمـتـد=العصر ماتحتاج للرجم فــيـّــــه
داعب خـيـالي بأجزل الأخذ والرد=وأصدق معي صدق الخوي مع خويه
تجيك من صدري اليابـيـّـح الســد= نوادراً عندي ..عليها وصــيـــه
الياأقبلت مثل الظوامي على العد=حار النظر مابين هاذي وذيـــه
وأنا الياشــد الخيال وتـوحـّــد= أسرجت ناراً بين الأضلاع حيـه
أجزل عطاء حرفي وأنا خالي اليد=وتسقيه روحٍ بالمشاعر غنيه
من فيض فكراً لاعطاء يجزل المد=سماه من كل الشوائب نقيه
وأن قالوا أني قلت؟ ماأقول وأصـد=أمـانـة الكلمه تراها .. عليه
كم كلمتن ماقلت يامجيبها .. ود=عنها حشمت احروفي الابجديه
اليامشيت لماوراء أخطاي ما ألد=ومن العدم ماأحاول أخلق قضيه
الاّ الياجا ماقف النـد للـنــــد=أقوم وأعرف ماعليّه ولـيـّـه
ومجالسٍ فيها السوالف أتـــــردد= عنها يشوم اللي تسوقه حميه
والأمس مثل اليوم .. واليوم والـغـد=متساوياً فيها الهوى والهويه
مامن جديد؟ وكل مابالزمـن جــد=ثورة شعوب .. وزوبعة عنصريه
أبعتذر لأهل الوفاء قبل ماأشــــد= لو ماعملت بحق غيري خـطـيــــه

راسي كبير ..؟

راسي كبير .. وكل الأشياء صغيره=لأجل كذا .. ماكبّر الشِعـر راسـي
يكبر وأشوف أن الأمانـي كبيـره=والأرض صاله والجبـال الكراسـي
أمرّهـا مـرّت كـريـمٍ بـديـره=ان مازرعها .. زال عنها المآسـي
والشِعر من " نفثه" لنفحـة عبيـره=في هاجسي مهو الطموح الاساسـي
في زحمة احداث الزمـان المثيـره=ما اشوف شئً يستفـز احتباسـي
الأرض ماهـي بأهتمامـي جديـره=واللي عليها " بأهتمامي" سواسي!!
الاّ رجالٍ للمواقف ذخيره=تشيلهم وقفاتهم فوق راسي
ماني رفيق أهل الخيول المغيره=اللي تدور فودها بالمحاســــي
ماكل هاجس مـرّ فكـري سفيـره=اشوف به نفسي ويشعـل حماسـي
وصوت الرداء نفح الصدور الحقيره=والريح ماهـز الجبـال الرواسـي
والهافي اللـي مايراعـي ضميـره=حقك علي ان كان حرّك احساسـي
يموت في غبنه ونفسـه كسيـره=ليّن وفيه الوقـت جايـر وقاسـي
منسي وأنا يأهل العقـول البصيـره=ماني مذكّـر بالـردي كـل ناسـي
لاهو خشيراً لـي ولانـي خشيـره=فنجـال كيفـه مايطيّـر اعماسـي
ماكل بيتٍ مـن بيوت العشيـره=ينجب ولد .. به طيب هقوه وباسي
يالله عسى فرقـاه خيـراً وخيـره=عرق الرداء ينفاه طبعي وساسـي

المشاركة الأصلية كتبت بواسطة شموخ انثي

وكل الشكر والتقدير لهذا المرور العطر

يسعد مساء صالح

ويسعد مساء الشعر في هذا الركن

في ركن ابوشايح جلست وتقهويت=داويت من جزل القصايد عماسي
الشامخ اللي معتلي هامت الصيت=طرقه فريد مصخرن كل قاسي
سلام ياصالح من القلب حييت=اقولها من قلب صادق احساسي

المشاركة الأصلية كتبت بواسطة تركي عبدالله العنزي

يسعد مساء صالح

ويسعد مساء الشعر في هذا الركن

في ركن ابوشايح جلست وتقهويت=داويت من جزل القصايد عماسي
الشامخ اللي معتلي هامت الصيت=طرقه فريد مصخرن كل قاسي
سلام ياصالح من القلب حييت=اقولها من قلب صادق احساسي

ويسعد مساءاك بضعف الشعور الذي اشعر به أحتفاءاً بتواجدك وماتركه لي قلمك هنا ..

ليتك يومنـّـك جيت في ركني أبطيت= لو كان ماهـوّ ..المقر الرياسي
فيك أتشــرّف كل ماله تعنيت=يالوافي .. الصافي .. شــديد المــراسي
تدري لو اني عنك ياتركي اخفيت = تواجدك يزيد عــزمـي .. حماســـي

منقية المنقيه ؟!

شبيت ناري وإحمس البريـّه=جهز معاميلك و" دِن" الماوي
عندك خبر في حاجة الطرقيه= اللي طواهم من زمنهم طاوي
أهل المواقف محتمين الهيه=أن كان ماخاويتهم لاتــخــاوي
سور السموّل طاح طيه طيه= وعن حال هداج أنشد التيماوي
وخذ حسـنـة المخطي وخل السيه=وفكّر بوضع " الأمه" الماساوي
أما .. أنا .. دام العمل بالنيه=لك تفصح احروفي عن اللي ناوي
أبطلق اعنان الخيال أشويه=وأكتب لـ " سلمى" وأنتخي بمضاوي
يابـعــُــد كشف الغايه المعنيه=اللي عليها ذيب صدري عـــاوي
قصيدتي على لحن " رديـه"=ابي عجاب المنحرف والهاوي
ماحللوا شـفراتها الرمزيــــه= أصحاب الاسماء محرقين الجاوي
الكون من غربـه الى شــرقـيه=لأقصى شماله للـجـنــوب الداوي
يصغر بعيني لابسطت إيــديـــه= ويأكبر الياهيجنت به وحــداوي
الله عطاني موهبه حصريه=ماالله جعلني للقصيد أفـــداوي
وفيمايخص أفكاري العصــريـــه= ما احدٍ مجاريني .. ولا احدٍ قاوي
قصيدتي بأحلامها الورديه=مثل الخشوع بحلقة الشعراوي
وقصيدتي بالخلطه الســريه=بيتٍ بها يجرح .. وبيت إيـداوي
قوة تأثير الكلمه العــبـريـه= في هالزمان المرجف الهيفاوي
ألبستـهـا أحروفٍ لأبن " ...."=وبروزتها بأطار " لهجة" شـاوي
ورتبتها بأحساسي العـفـويـــه=كله لإجل " مريضها " المتشاوي
قصيدتي يأهل المعاني ذيه= ضربت حليم الياضرب ماياوي
يموت كاتبها وتبقى حـيــه= تعيش بين المستمع والراوي
وضوحها في منتهى الجديه= وغموضها يدمي كفوف الغاوي
أنسي أبوها .. وأمها جــنـيـه=وعاشت بكنف الراهب البرناوي
تشرب ثعول الغيمه الوسميه= وتخضر بالأرض وجوها الصحراوي
جت مسفهله ..صاخبه .. مرعيــه= على صدى صوت الندأ .. الحـنداوي
مثل نشيد الثورة المصــريه= اللي بها أفتى يوسف القــرضـــاوي
على ضجيج أوتارهـأ الحســيـه= تطوي بها البيدأ .. ذلول " ألِحِاوي"
كتبتها لأفكارنا السطحيه= من وحي فكري .. والزمان الخاوي
وضمنت بعض احروفها الشعبيه= شئاً من اللي يكتب العشماوي
ودونتها باللهجه المحكيه=في لكنة " ألسان " أحمد الزرقاوي
وداخل سطور أوراقها المطويه= زُبـر الحديد وردمه المتهاوي
أذا تبيها للسطر ماريــه= أذكر بها فعل أشقرا نـــــــــدّاوي
صقر الجزيره راعي المنقيه= الوائلي غيث العزيز الثاوي
وأذا تبيها للفخر مـحــميــه= أذكر كليب وعـرّفه لا اتراوي
وأذا تبيها للكرم مــرويــــه=قل ابن مهيد ومــدت الحتماوي
ياللي تشب النار .. ناره حيه= قبل كلام " دغيم الظلماوي "
واذا تبيها للقيم " مرثيه "= أنشد " رغد " عن قصة الكيماوي
قصيدتي منقية المنقيه= روقيّها روّق بها .. الغزاوي
أن جيت أغنيها " لحن " دحيه = فيها أتحـدأ سالم السلقاوي
وعلى إيقاع العرضه النجديه=تلوي أرقابٍ مالواها لاوي
وأن شلتها بالهوسـه الحربيه= صحت لها رؤسٍ جسدها ذاوي
تـدري أبطلع " طلعة القديه " = وأخذ خبر مكه من المكاوي
جوع الشعوب .. وثورة الحريـه= وموت الضمير وطيحت المتساوي
كيف أعتبرها ظاهره صحيه= الله يرحم شيخنا الطنطاوي !!!

مهما الزمن حطم مقاييس وأرقام= فيمايخص السوق وأهل البضاعــه
حقائقه بعيونهم .. عندي أوهـام=لو عشت مرغم في غياهب صـراعـه
وأن كشـرت بأنيابها ســود الايام=تبطي وأنا ماقلت ســمـعٍ وطاعــــه
مسافةٍ يمشونها .. في مئــة عــام= أجيبها لاقمت في ظرف ســــاعـه