ديوان الشاعر/ منصورالجلعود

كان هناك موضوع متميز بعنوان بصمة شاعر من فكرة اختنا الشاعرة القديرة/اصايل بحيث يكتب الشاعر قصيدة ويتم طرحها على الشعراء ليتعرفوا على صاحب القصيدة من خلال اسلوب الشاعر فارسلت لها هذه القصيدة الأصايل يا أصايـل ماتجيـب الا الجزايـل=وانتي يالبنت الأصيله جبتي للشعر الجزيلـه يوم هاض الشعر صحتي فوق قبات الأصايل=بارق الشّعار يبـرق ويـن خيّـال المخيلـه من يخيل بروق شعر ٍ سيلها عـم ّ المسايـل=كل فيضه من فياض الشعـر سيّلهـا مسيلـه له بعسف القاف فكر وله بحور ولـه دلايـل=وله معان وله بيان وله خليـل ولـه خليلـه وله شعور وله حضور وله خطاب وله رسايل=وله قوافي وله حواشي وله مواويـل ٍ وشيلـه وله زمان وله مكان وله حساب وله مسايـل=وله هجوس وله نفوس وله مع الغايه وسيلـه وله طباق وله جناس وله ظروف وله وسايل=وله جذوع وله فروع وله حصاد وله حصيله وله لكيف الراس بن ٍ أشقر ٍ بالوصف هايـل=حمسته لامن حمسته تبـري النفـس العليلـه وله لكيف العين خشف ٍ وصفها ماله مثايـل=لاقصيـره لاطويلـه لاسميـنـه لاهزيـلـه وله لكيف الأذن نجـر ٍ دنتـه مالـه بدايـل=صوت نجره يوم دنه صوت ذيب ٍ بالطويلـه وله دهايا وله فطاحل حدهـم حـد الصقايـل=مثل ابن كلثوم عمرو ومثل الأطرق ذيب جيله وله سلام الله عليكم عزوتـي ياعيـال وايـل=محزمي ياتاج راسي يا هل ّ الخيل الأصيلـه وبعد التعرف على قصيدتي من قبل أحد اخواني الشعراء ردت علي بهذه الابيات الرائعة والمتميزة بصمتك ما هي خفية و لا هي بحاجة دلايل=جرة الذيب معروفة ما تبي عرف و دليله وافيه بالكيل دايم و انت فوق الكيل كايل=لا وصل كيل القصيد لعندكم زودت كيله تقتطف واف القصيد و ينكتب عنّه هوايل=لا نشرته قيل عنها معجزة عصما مهيله ما تعيقك كايدة بالشعر متميز و طايل=و لا يكودك قاف لا لا و لا تعيقك مستحيلة بيت شعرك معتدل واقف و لاهوب متمايل=شايلٍ بالشعر معنى بيوت غيرك ما تشيله لا اقبل الشعار كلن يحمل اشعاره مثايل=جاك منصور بقصيدٍ وافرٍ مالي شليله كم مع كيف و معاني و غيرهن ما من صمايل=أجبر الناقد يقول لشاعره ما فيك حيلة شاعر اليوم الفرزدق جا لكم من غرب حايل=من سميرا جاب شعرة من طويلة لي طويلة هو ابن جلعود صايل بالشعر مبطي و جايل=سيل الوديان شعر و ذا رذاذ من اصل سيله جاك ردي و ليت ردي يا ابن وافين الخصايل=يافي لما جا منـكم والعـذر ان مـال ميــله

مشاء الله تبارك الرحمن


أبيات راائعه وجزله من شاعر جزل ورائع


استمتعت بالأبيات فعلا



دمت بود

قبل ثلاث سنوات تقريبا قررت الابتعاد عن الشعر
وكتبت في توقيعي في احد المنتديات هذا البيت:

حان الرحيل وزرفلن الركايـب=ولاعاد لي بالقاف صادر ووارد

فاتاني صوت ابن العم الغالي مدير موقع منتديات سميراء الشاعر القدير/ابراهيم بن عبد الله الجلعود
بهذه الابيات التي كان لها وقعها الكبير في قلبي ...

لا لا للرحيل ولاتشد الركايـب=القاف يفخر بك على كل مـارَد
شاعر وفعلك للمراجل صحايـب=حلحيل لامنه سهـى كـل طـارد
جدودك بنوا فالمجد عز الكسايب=مراجل ( ن ) بالطيب مثنى وفارد
منصور ابو جلعود غيث السحايب=بوجود امثالك لنا الفخـر يـارد
معزتك ياشيـخ بيـن القرايـب=ومكانتك بالقلب عنـدى مـوارد
ذيب تشيل حمولها ولانت هايـب=شامخ شموخ العز والنذل شـارد
من لابة الويلان اهل الصعايـب=وقفاتهم تشدى السيوف الجوارد
وماقل دل وزبدة الهرج صايـب=ويكفي قليل الهرج عن كل سارد

وتشرفت بالرد عليه بهذه الابيات

يامحزمـي لادلبـحـن النـوايـب=جت لك هواجيس القوافـي مفـارد
لبت هجوسك ياعطيـب الضرايـب=وبنـت بيوتـن مابناهـا مطـارد
تقادحت تشدا لشهب الشهايب=بأمر الذي أرسل من الريح صـارد
شببت قافي عقب ماكـان شايـب=ومن درت المسحوب جاب الفـوارد
فوارد احساس ٍ عن الهجر تايب=من عقب ماهو لعهدت القاف جارد
القلب ماهو لطاري الترك طايب=جالك عقب ما اقفا عن القاف وارد
خشم الجبل ما زعزعتـه الهبايـب=عقبه بنات الريح راحـن شـوارد
وثايق ٍ مابيـن حاضـر وغايـب=من كوكب الزهره لكوكب عطارد

السلام عليكم ورحمة الله وبركاته
اسال الله ان يملا قلوبكم بالايمان والخير والسعادة
تشرفت بالقاء هذه القصيدة بمناسبة زواج الاخوين/تركي ومشعل ابناء عطا الله الجعفري
وذلك ليلة الخميس الماضي في القاعة الملكية بمنطقة حايل

واتشرف بان تصافح قلوبكم النقية ولكم الود والاخاء والتقدير


,

جتني رساله من عريب السلايل=يقول لي ملزوم تحضر زواجي
وتشارك الشعار بجزل المثايل=ودي تشارك فرحتي وابتهاجي
قلت ابشر بنظم البيوت الجزايل=لعينيك اصفي للقوافي مزاجي
ارقب على راس الطويله واخايل=ضوح البروق اللي كما ضوح عاجي
واطلب عسا منشي ثقيل المخايل=بجوده ييسر للعباد انفراجي
من مدلهم ٍ به تسيل المسايل=بجبال حايل مع جميع الفجاجي
بأمره وبأمره هو ولي الفضايل=يسعد حجّاج امطلقين الحجاجي
تركي ومشعل نسل وافي الخصايل=عطا الله اللي له بالامداح تاجي
حرٍ من احرارٍ ليّا عال عايل=عدوهم يرجي الفزع والخراجي
جعافره هم مسندي نسل وايل=اكبر فخر منهم عقاب العواجي
هم مكرمين الضيف كرام السبايل=اليا لجا عن هاجس الجوع لاجي
تاريخهم مكتوب بحد الصقايل=لامن عجاج الخيل بالجو راجي
نعمٍ بهم والنعم بكل القبايل=اللي غدوا بوجه المعادي سياجي
في ظل ابو متعب زعيم الجمايل=اللي لربه كل وقت ٍ يراجي
ماغرته دنيا بها الخير زايل=يرجي يكون بموقف العرض ناجي
هو قدوة ٍ لمدورين الحصايل=في يوم مابه للنفوس احتجاجي
هذا وصلوا عد خط الرسايل=على نبي ٍ للخلايق سراجي