عـاش مـن عـيـنـه عـلـى راس الـطـويـلـه

دار فكري واعتلى سرج الاصيله = مهرتن تليت بيديني رسنها
لاصهلت بالمعركه بنت الكحيله = من صهيل الخيل معروفٍ لحنها
مهرتي لادكت الميدان خيله = دشت الجمع الغفير ولا شحنها
مهرتي تشريفها مارضى بديله = مالها الا الفارس اللي ذاد عنها
فارسٍ لامن قبس نار الفتيله = مااحترى عفو الصدور ولا هدنها
له حضور وله مقام وله قبيله = والمراجل من صغر سنه ضمنها
لارتكى للمعضله لوهي ثقيله = شالها والمتن مايهتز منها
الجزيله بالمواقف تستويله =ياصدورٍ طيبه الفايت غبنها
عاش من عينه على راس الطويله = والرديه لاسقى ربي وطنها
شمت عنها يوم عشاق الهزيله = بالهزيله طشها ابليس وفتنها
ماحسبت حساب يالرؤس الذليله = والاخوه دم وجهي ماطعنها
مايخون الزاد من نفسه نبيله = والجذور الفاسده يظهر عفنها
ليه نشره والردى اصلاً فصيله = عرقها ضخ الردى دم ورهنها
الردي يبقى ردي مافيه حيله = وكل نفسٍ مالها غير امعدنها
ان وقفت اخيل براق المخيله = امطرت لي والذخيره بمْخزنها
وان جلست أروم حد المستحيله = ونظرتي سبع الكواكب تحتظنها
عاش راسي للتسامح والفضيله = وابتعد عن زمرة الغدر ووثنها
بالامانه عيت النفس الاصيله = واحتميها لو غدى روحي ثمنها
أجمعو خيل الاماني كل ليله = والكرامه لحفوها في كفنها
ماجمعكم طيب .. تجمعكم فشيله = ياوجيهٍ دمها البارد دفنها
مايبرر غاية النذل الوسيله = خانه المبدى لو الكلمه وزنها
وان بغيتوا زبدة الهرج ودليله = مهرة الخيال بيديني رسنها

.

.

.

.

سلمت اخوي منصور ويعطيك العافيه تقبل تحياتي ومودتي

الجوال

سلطان

تسلم يابعدي

منصور/ عافاك الله
وصح لسانك

ومافيك حيله

ضامن الرويلي

شكراً على الاطراء الجميل

دام شموخك

صح السااااااااانك يابونايف


ولله درك

شامخ اخوي منصور

صح السااااااااانك يابونايف

ولله درك

اخي منصور
صح السانك ملايين في ملايين
قصيده جزله ودائماً مايجي من الجزيل الا الجزل
مبدع في كل حالاتك يالحر لله درك ولا يضرك
في شوق لجديدك يالغااالي
تحـــياتي

شبيه اللول

الف شكر لك

تقديري