ديوان الشاعر مساعد مزعل العنزي

برقن شلع قبل نجم سهيل وطلوعه
حتى سحبني على السجه وطاريها

ونفسي على طلعت البران مطبوعه
ماكف رجلـي عـن البران واغليها

لاشفت لي بارقن قلبي فقد طوعه
وش عـاد لادك دارٍ كـنـت نـاويـها

لميت عفشي وقلبي يزهم اربوعه
اصحابي اللي على ذوقي مخاويها

من البقاله انقضـي مـدة اسبـوعه
سبعت ليالي على الوجهه نقضيها

في ديرتن سال واديها مع افروعه
محدن وطاها ياغير الصـيد واطيها

مرتاح بالي لو ان الارض مصقوعه
شعمت ضوي على الدله واصاليها

مالي ومال والملا واهروج مسموعه
هـذا يجـيب الهـروج وذا يـوديـها

اذني عن اللي يجيب الهرج مرقوعه
ومقرد الخلق مانـي من مـوالايها

عيني لناسٍ مع اهل العرف مرفوعه
يطيب لي مجلسٍ مـعها وامـاشيها

لـو العلاقات تصـبح شبه مقـطوعه
بعدك عن اللي يهين النفس يغنيها

والنفس من هـادم اللـذات متبوعه
لاتـهـمـل النفـس وايضن لاتمنيها

خـلك حكـيمن يقطّـر حسب ينبوعه
في حاجته حسب شرع الله يسويّها

والنفس يهملتها ترميك مـسبـوعه
يروح عمرك ماتلحق نصـف آمانيها

وانهايتك خـامتن يالعـبد مـذروعـه
في ساعةٍ علمها فـي حكـم باريها

في حكمة الخالق الرحمن مشروعه
هـو مـجري افلاكها بمره وناهيها

الشاعر مساعد المزعل العنزي

خواطر��

ادري جميع اليالي ماعليها ضمان
تتغير الناس والدنيا على فالها

في بحر متلاطم الامواج وين الامان
تحكمك الامواج بقفاها وبقبالها

لاتذكر العام كيف العام وشلون كان
متغيرات الزمن ماهي على حالها

احيان فوق البسيطه ماتحصل مكان
يزعلك منها غبار القاع ورمالها

حتى تحسك فعل ماضي ولا لك كيان
ترجمك طفلن تعلمها ولاقالها

مساعدالمزعل العنزي

مشاركه لي بحفل عايد معيض العنزي
بزواجه
.................................................. .......
سلام الله سلام الله على اللي يسرجون الخيل
وسلام الله سلام الله على الحفله ومن فيها

سلام المسلم المؤمن وقدره فوق نجم اسهيل
نسوقه للرجال اللي عزيزاتن مباديها

نسوقه للرجال اهل المعالي نافلين الجيل
مقاديم الرجال اللي فعايلها تسميها

يفوح العود الازرق بعد مافاحت بريح الهيل
بغاديدن تصوت بالكرم من كف راعيها

على محفل عريب الساس يوم الوقت عدل وميل
وربعه منبع العزه من اولها لتاليها

ولياقلت ايمنه حلو المبادي مثل نهر النيل
فعايلها جزيلاتن تبينها وتغنيها

وصاهر من خيار القوم صاطي باللقاء حلحيل
عزيز ومن رجاجيلن نقدرها ونغليها

والياقلت اسهلي رمز الوفاء مايقبل التضليل
قبيله عزها الله تعتزي من دون عانيها

وكلمت والنعم تنقال فيهم غيرها ماقيل
عوايدها كريمه من كرمها ماتخليها

وربعي كلهم جعافره شمس ومافيها ليل
ضلام الليل مايسطى ولا يقوى يغطيها

ونعمن بالقبايل كلها مانقبل التقليل
ولا نجهل فعايلهم ونجحدها ونخفيها

وحنا ضيوف في دنيا غريبه بين حط وشيل
نفوسن تمتطي كف القدر والموت قافيها

والا يالله عظيم الشأن يالواحد قوي الحيل
عبادك من جزيل الخير تعطينا وتعطيها

والا يالله تلهمنا من التسبيح والتهليل
وعبادك من عظيم الذنب تعفينا وتعفيها

وصلى الله على اللي كرمه في محكم التنزيل
رسولا سنها بالحق سنه مانخليها

مساعد المزعل

شفت النجوم السواري ساطعه بالسماء
كم المسافات من بيني ومن بينها

ماكنها الا بعين اليأس شكل ودماء
والا بعين الحقيقه قلت يازينها

لاكن بعض الهقاوي مثل عين العماء
تقصر يمينه وشرهتها على عينها

خدعني البارق اللي في سحاب الضماء
وين المطر والموارد ويني اوينها

مساعد المزعل العنزي

البارحه يوم شفت النور وسط الظلام
عادت علي الليالي حسب عاداتها

ماكنها الا على الاعصاب برد وسلام
من بعد ماجمرت نيران شباتها

حطيت سيفي بغمده ماعليه ملام
وقفت شامخ ألردتها وغاراتها

لاتسرج الشوق طار الشوق وسط الغمام
تسابقت بالغلا هتان دمعاتها

يبرق جبينه ويرعد في حزين الكلام
والارض تبكي حزينه من خيالاتها

لو يشكي العام كاد العام عن كل عام
تبكي لياليه بيامه وساعاتها

ماهي دموع الغرام اللي دهاه الغرام
ولا هي دموع الحياه ولا ملاذاتها

نرمي سهوم الحقيقه لو تصيب السهام
مات الخبر في حقايقها وفي ذاتها

يارعي النوم عطنا من عيونك منام
حسب المبادي وطيبتها وميقاتها

من كون الكون كون للخلايق نظام
والله علم في خوافيها ونياتها

صحايف الخلق تنشر يوم وقت الزحام
وتشوف حسناتها وتشوف سياتها

وتشوف تاج الكرامه في وجوه الكرام
من طيبت اعمالها لله ومداتها

وتشوف سود النوايا حاسدين الانام
الحسد اكل كل طاعتها وحسناتها

وش ينفع اللي بلا طاعه كبير المقام
تعزل فعول الخلايق عن مقاماتها

والخلق يفنى ولله العظيم الدوام
ينفس جوزي عن الدنياء وغفلاتها

يانفس كفي عن ذنوبك بكثر الصيام
وطيب النفوس وزكاوتها صلاواتها

طبع النفوس الرضيه ماتمل القيام
ان ثبت الله تقاها في خلاواتها

ويالله طلبتك جزيل المد حسن الختام
في ساعة(ن) ماحسبنا في حساباتها

مساعد المزعل

من طيبت المبداء سلام الله من سبل الرشاد
قدره على سقف السماء عالي والذ من الشهد
في محفلا ياطيب كيف البن مع طيب القناد
تلمع فناجين البغاديد الصفر مثل البرد

ويارب عونك ياوسيع المد يارب العباد
يالحافظ الرحمن يالمعبود يالفرد الصمد

يارافعا السبع السموات العضام بلا عماد
بمرك ولك طاعه تاعالت دون بنيان وعمد

ويارب عاوني ولا غيرك عليه الاعتماد
انت العزيز الخالق الواحد عليك المعتمد

اطلق مساجين الهواجيس العزيزات الجياد
واسألك يارب بحسن القول لوجيه السعد

وياحرب رمزالجود واهل الفعل لاجت بالعناد*
اهل السيوف الساطيات اللي تورد للحد

كريمكم بالطيب والمعروف بين الناس ساد
وشيوخكم لاكبرت القاله يحلون العقد

لو مالكم ياغير حجرف يوم قل الجود جاد
ونويشي اللي واعد اصحابه ونفذ ماوعد

من خانهم سدد له السيف الحديد من الغماد
من حر غرت صاحبه ماسام بالقرب ونشد

وياقلت سطام العداءيمنى الكرم بالجود زاد
كفه سحابه من وفاها بالكرم برق ورعد

والنعم يارمزالوفاءسطام يالقرم السداد
والنعم بالطيب مدد مندون حد ولا عدد

وبني سليم اهل الكرم والخير والعلم الوكاد
كلا على طيبت مكارمهم وجيرتهم شهد

ويستاهل التكريم ابو تركي سند في كل ماد
من دون داره بالمواقيف الصعيبه مستعد

وربعي بني وايل لياشب الفتيل من الزناد
ان قاله الله شدت ارحال المعادي وابتعد

وكل القبايل والنعم نوادرن وقت الهداد
فيها الكرم والمد والمعروف وافين العهد

والشعب واحد بالعقيده درع من دون البلاد
صفوا على الحد الجنوبي درع من دون البلد

وحنا لخو نوره دروع الحرب في يوم الجهاد
من باسنا يرجع تعيس الحض في هم ونكد

وحنا دروع المملكه ضد الفتن واهل الفساد
ونعوذ بك يارب من شر البلاوي والجهد

نعوذ بك يارب من راع المكايد كان كاد
ونعوذ بك يارب من شر الحسود اليا حسد

النار لو شبت نهاية جمرها يرجع رماد
الا جهنم نارها يبقى على طول الامد

مانعبد الا الواحد الخالق بطيب الاعتقاد
ولانتبع الا سنة محمد بطيب المعتقد

وصلو على الهادي شفيع الخلق في يوم التناد
هوالشفيع الصادق المصدوق في يوم الوعد


الشاعر مساعدالمزعل اليمني العنزي

توكلنا على اللي مالنا غيره وفي رجواه
مليك الملك واحد كون الدنيا وسواها

خلق خلقه ولاضيع وعد اللي خلق وحصاه
جميع الخلق يعلم ماتكنه في نواياها

على العرش استوى سبحانه القادر ولايخفاه
دبيب النمل تحت الصخره الصماء بمخباها

شهدنا له بوحدانيته ولاعبدنا اسواه
وصدقنا بوعده والرساله ماتركناها


ومن يسعى على نهج النبي يطيب له مسعاه
والا ياحض نفسٍ طاب عند الله مسعاها

وانا ادري تمشي الدنيا بلا رغبه ولا مشهاه
وهاذي حالة الدنيا تدور بحكم مولاها

كما مزنن مقاديمه كما الضلعان في منشاه
تعدا ديار واديارا سقاها ماتعداها

امساه الليل بديارا قريبه او بعد ممساه
على شكله ولونه حالة الدنيا وممشاها

ولوتفطن بها الدنيا تراها كلبوها اشباه
تشبه للبشر باشكال ماطيبها ومحلاها

وترا المخلوق لو تجمع له الدنيا عسير ارضاه
ياكثر اللي حمل هم العباد ولا ادرك ارضاها

لكن ارض العظيم اللي تقدم له تبي تلقاه
جميع اعمال تعملها تبي تحفظ وتلقاها

وصلى الله على محمد كما مزنن تنثر ماه
من امزونن غزيره سالت الوديان من ماها

الشاعر مساعد المزعل العنزي

يامقابيل الليالي قبل شد الرحال
بلغي سادات الايام لاترحل سوى

لو رسم بضع الزمن في جبين الحزن فال
كان شفت الذيب من جور وقته ماعوى

وياسواد الليل زينك براق الخيال
بالمزون اللي تزاحم على متن الهوى

ادري ان الحال مادام شي من المحال
والليالي مخلفات الهقاوي والقوى

لو تزين فيت الصبح قافيها الزوال
مابها وقفة محابا ولا زيف انخوى

من يعيش التجربه والجواب من السوال
لو سرى وسط البحر عن طريقه ماغوى

اعشق المحبوب عشق المطر عند الرمال
كيف لون الرمل بعد المطر لامن روى

تزهر الاشجار بالروض يوم الروض سال
ومالت الاغصان بالزهر لدن وماذوى

وبالفعل مفتون بالزين وحب الشمال
ارتمى قلبي بنار المحبه وكتو ى

ويالله اني طالبك يالكريم بكل حال
مدتك يافالق الصبح فلاق النوى

معطيا يوسف من المال من فوق الجمال
واهبه علم ونبوه وملك وماحوى

ورحمتك يارب يوما نشد ابه الرحال
يوم نزع الروح مابه طبيب او لا دوى

مساعدالمزعل

يامجمل البارق اللي لاح بعروض بالمزون الحقاق
اللي رعدها تقضقض في دويه ينفض امزونها

دقايق الطيف عجله مير تبعث بالنفوس اشتياق
تشكلت بالمزون اللي تزاحم و ختلف لونها

لو تفتن العين مال الرجل في صوب المخيله مساق
ماغير شافت عيوني مثل ناس(ن)شافت عيونها

وعتقت قرح بيوتي ساعة(ن)ماجاز في العتاق
ياهونها عند صدري في نهار اليوم ياهونها

من ذاق طعم المحبه في حياته ذاق طعم الفراق
وياكثر ناس(ن)تضيق في صدور اللي يحبونها

لو ضاق صدري قبل صدري فسيح الكون بالناس ضاق
ويامطيب الخطوه اللي صوب رزقتها وفي شونها

ويالله طلبت نجاتك يامليك الملك يوم التلاق
يوم(ن)تشيب المراضع من هوال اللي يشوفونها

ونعوذبك مانجي من ظمن ناس(ن)مالهم من خلاق
بالاخره قبح مكسبهم على السادات يرمونها

مساعد المزعل

((تذرف على قلبي من الودقطرات))
.................................................. .......
مايربط التقدير بصناف الاكلات
القدر بصدور الرجال الكريمه

القدر يحفظ مثل حفظ الامانات
عند الرجال اهل القلوب السليمه

ولابد ماتحصل من الخلق غلطات
وياصغرها عند الرجال الحشيمه

وياكبرها بقلوب الانذال بالذات
اللي من الطيب الضماير عديمه

لو تطلع الانذال فوق المجرات
تبقى العقول اصغار فكر وعقيمه

اهل القيم تعطي فوايد وعدات
عند العرب لها مكانه وقيمه

عاشو على البيداء مكارم وسادات
على سماء المحتاج هتان ديمه

وياحظ من صلى جميع الصلاوات
وقلبه من قلوب العباد الرحيمه

ويوم الخواطر مرن القلب عجلات
مرن مثل صوت السحاب ونسيمه

تذرف علي قلبي من الود قطرات
الارض قلبي والهواجيس غيمه

ويارب تجعلني من اهل العبادات
وجعل عباداتك بقلبي عظيمه

مساعد المزعل