ديوان الشاعر مساعد مزعل العنزي

سافر وخل مقرد الخلق والناس
وفل الحجاج وخاطرك حيل سله

ولاتصير من نقد الحواسيد حساس
مالك ومال اهل النفوس المغله

وقل للمشفح والحواسيد لاباس
من ينتقدني يشرب البحر كله

صلف الهوا يطغى على رمل الاطعاس
بس الجبل ماحركه من محله

ويابو عبيد ان دك بالقلب هوجاس
وقامت هواجيس الروابع تتله

أسر مسار الذيب قطاع الارماس
ذيب. الغداري كل. دربا يدله

وخذ لك من الفنجال مايقعد الراس
وجلسة نشاما خلف شبه ودله

في ديرةـ صحصاحها مابه اوناس
لاداجها الضايق. حجاجه. يفله

مساعد المزعل

التواضع للكبار الي يحبون التواضع
والتكبر لصغار اللي مواقفهم صغيره

كن بعض الناس من شره مع الشيطان راضع
لاوجاه ولاقبال ومن قليلين البصيره

الطيور اشباه بالاسماء ولكن بالمواضع
كل طيرٍ موضعه يعرف ويفرق وضع غيره

الله اللي حافظٍ موسى وحٓرّمْه المراضع
لين صارت سيرته من عظْهما عبره وسيره

مساعد المزعل

على برق السحاب اللي سرى يوم العباد رقود
تحرش بالهواجيس العنيده وشعل الناري

تعالى الهوش فوق الهوش لين اشعل بها البارود
ولا رد الهواجيس العنيده صوت الانذاري

عليك الوجد يابرقٍ تكاشف مقتفيه رعود
عسى الرعاد ينطح بارقه ويهل الامطاري

لو أني حافي الرجلين لاناقه ولالي ذود
وانا اللي يفرحه علم المطر لاجا بالاخباري

يرفرف خافقي لاصار ظل العود طول العود
تقول اب وسط جوفي من ظلوعي يطلب الثاري

يوم أن الوقت فيه من البساطه والليال شهود
يبي يرجع طيوفك يالصباء مبعوث الافكاري

لو أن الفكر قبل القلب يسرح مع هبوب النود
لطم كف المشاريه الكبيره وجه الاعذاري

ترى الايام بيضاء بس تقفاها الليال السود
تغير ليلة القمرى ولاتتبع هوى الساري

شطر بيتٍ حفظته ماعرف من قايله ياحمود
وحضر ذا الليل من بين القوافي جابه الطاري

مساعد المزعل

لجة على الشجره جميع العصافير
تزاعلة مدري وش اللي شحنها

طارن جموع وكل جمعٍ على غير
تفرقت مدري وش اللي فتنها

اثر المشاكل بالزمن تلحق الطير
وانا احسب انه مادرى الطير عنها

اثره يبي حشمه وطيبه وتقدير
من جنسه اللي عشرته ضاق منها

مساعد المزعل

عرفت الناس يوم الناس تخدع بالسوالف ناس
وانا شايف وانا سامع ولاني جاهل وناسي

اعرف اللي اليا منه وقف يثبت عريب الساس
كريم القوم لامنه وقف يثتبت على ساسي

وعرف اللي علومه لو تلبس بالذهب والماس
فعوله ينفشل منها الذهب وتغيض الالماسي

وترى الاعمار تفنى والليالي دورها حساس
وشوف ان القمر من دورة الايام حساسي

كذا الدنيا كذا الايام بين الناس روس امواس
تقلب في وجيه مقنعه في روس الامواسي

وعلى مرسى المواني يوم اشوف السابح الغطاس
يجيب الدر من وسط البحر سابح وغطاسي

وانا ماقول فيها باس لاوالله بعد لاباس
اشوف الضرف قاسي والليالي جورها قاسي

لكن الصبح لامنه طلع يفتي جميع الناس
علوم الليل نور الصبح عرى ثوبها الكاسي

الشاعر مساعد المزعل

قل للسحاب اللي نسيمه تقفاه
ايوالله انه شال قلبي وحالي

الشوق في لحظة مجيه ومسراه
نارا توهج في ضمير الشمالي

يسري مع القمرى على طيف ذكراه
ويرجع مع الظلما حزين الليالي

خيال فكره لا مشاله ولاجاه
غير المشاعر مع طيوف الخيالي

كنه سمع صوتٍ من البعد ناداه
ورد الاجابه من ضمير السوالي

والفكر يكتب من خياله ويقراه
يبنيه بيت ويترك البيت خالي

مرّ الزمان اللي تحامل بجفواه
واقبل عليّه من سخاه وشرالي

من كفه اليمنى على كف يسراه
ومن تحت شمسه مابقالي ضلالي

ضيمّ الطريق اللي جبرني لممشاه
وبعضي تعب من بعص والدرب طالي

يضماني الهاجوس بالفعل وضماه
َورواه لامنه طرا ماطرالي

الشاعر مساعد المزعل

لاتجنى عليّه والتجني حرام
ارحم اللي يحبك وحترم من يبيك

ولاتخاصم تراني منك مااقوى الخصام
كيف لا وانت كل اللي تبي في يديك

لانظرت أب عيونك وجهت لي سهام
وان تبسمت حل الكون ورده عليك

وان تدلعت انا ولهان ضامي غرام
من كيان المولع ياترى وش يجيك

ضامي الود يارد مايبي له كلام
ماهو بيات ود ومنبع الود فيك

كنك البدر لاحليت فل الظلام
قلت سبحان من بين البشر مصطفيك

لا علي الحرام ولاعلي الملام
في جمالك ألحالك مايجي لك شريك

انت فوق العذارى مثل بدر التمام
حظ منهو عيونه يالغلا تصطبيك

والله اني عليك أشفق وحسد اللثام
ومنحرم قل شوفك من شغف والديك

شاغلا خافقي حتى بوقت المنام
يوم شح المواصل بالحلوم احتريك

ضمني ضم طفلا قبل وقت الفطام
لو تركته مانام وصاح لك يرتجيك
مساعدالمزعل

يالـيـت*قلـبـك*مايـكـن*الـزعــل*لـــي.
تبقـيـن*فـ ـي*مـنـزل*عـزيــزٍ*وعـالــي

تبقين*عن*شمس*الظهر*داخل*الفي
فــي*فـيـةٍ*مـاجــا ك*بـــردٍ*وصـالــي

تسكـن*بـهـا*وتـامـر*علـيـه*ولاشــي
خذنـي*علـى*كي فـك*مـن*اول*لتـالـي

وانا*اعتبرها*من*وفى*الحي*للحـي
حالـي*بحالـك*وانـ ت*حالـك*بحالـي

فعـلاً*قـبـل*للـقـاك*انــا*فـاقـدٍ*شــي
ودليـل*ذ لـك*صـورتـك*فــي*خيـالـي

محتاجـلـك*كحـاجـة*الـنـاس*لـلـمـي
ومشتاقلـك*شـوق *العـمـى*للعيـالـي

مـابــيــن*ذاك*وذاك*بــيـــه*ولابـــــي
افهـم*سو الـك*وانـت*تفهـم*سـوالـي

كويـتـنـي*كـيــه*وكـيــه*عـلــى*كـــي
تعـلـم*بـه ـا*ولا*عـلـى*شــان*غـالــي

وراحــة*سمـاحـه*بـــس*لالاتـمــادي
وخـلـك*رؤفٍ*ب ـــي*قـريــبٍ*مـوالــي

مرات باقربك على مسكة* إيـدي
ومرات عني بعد قطب الشمالي

سيف العتاب اللي جرح خاطر اللوم
يطعن بحربة سيف شاطر وقاسي

ارسم لك البسمه وانا حيل مهموم
همي كبير ولا حنا الهم راسي

لو شفتني نايم خليٍ من النوم
عين السهر ماهملجة بالنعاسي

يمرني همي مع الليل وقوم
همٍ على جرح المعاليق داسي

تزاحم الافكار والجو مزحوم
والصمت طاغي فوق كل الحساسي

وماودي الا ساعةٍ في طرف يوم
ادله بها مندون حيي وناسي
الشاعرمساعدمزعل العنزي

عن جلسة الانذال يابدر سجيت
في صحصح من زيايلة الناس خالي

يابدر ماشافت عيوني ولا اوحيت
غير الهبايب صفقها بالجبالي

كنه ملكت الكون كله وخليت
حلقة صغيرة للعقول الهبالي

اللي على الفرات مثل الدناميت
نيشانها جنب القريب الموالي

لبست هرجتهم كفنها وصليت
ودفنتها بقبرٍ طويلٍ هيالي

وانا كريم وحشمتي يوم صديت
والحر ماله بالهلامه مجالي

اشفق على رجالٍ لهم بالكرم صيت
شرواك يالزبني كريم السبالي

والا ترى الانذال في كف عفريت
يمشي بها الشيطان في كل حالي

ومليت صحبت ناقل الهرج مليت
لو كان في قلبي عزيزٍ وغالي

ياما وياما يابدر كم عديت
من هرجة لها جواب سوالي

اخشا الخطا مني ولو كان ماخطيت
واخاف لكسر قلب غافل وسالي
الشاعرمساعدالمزعل