موقف طيب من قبيلتي شمر وعتيبة ورد ثناء من قبيلة عنزة ..

بسم الله الرحمن الرحيم اخواني اعضاء مضايف عنزه: السلام عليكم ورحمة الله تشرفت بعد العيد المبارك برفقة الشيخ مشل بن رمضان العواجي في زيارة لقرية المنصورية الواقعة بين حائل والقصيم بدعوة من الشيخ مشوح بن رمال أبو فارس راعي قرية المنصورية الذي دعى العديد من مشايخ وشعراء قبيلتي عنزة وشمر للقاء الاصدقاء الذي يعقد بصفة دوريةوقد احاطنا الشيخ مشوح بن رمال واهل الحفل الكرام ببالغ الحفاوة والتقدير التي لا تستغرب من ابناء شمر الكرام وقد تشرفت بإلقاء قصيدة في هذا المحفل الجميل وجهتها الى قبيلة شمر الكريمةبعد الحفل تناولنا القهوة عند عدد من وجهاء ومشائخ القبيلة منهم الشيخ وبران الكتفا والشيخ بجاد اللويش في حفاوة بالغة وكرم متناهٍ.. ويشرفني ان انشر هذه القصيدة هنا في مضايف عنزة تأكيدا على عمق العلاقة التي تربطنا بقبيلة شمر الكريمة القاف ساعة لازمه ما نعذره ما نعذره=يجي يجي غصب على الهاجس ولا عنده عذر خص ليا سندته لدرب غصونه مثمره=يقطف من اعلاها ومن جنبينها حلو الثمر وانا بلازم ربعي الويلان جهدي ما اذخره=والله يجملني مع الميقاف وابقا له ذخر يامرحبا ترحيبة باحلى العطور معطرة=ترحيبة من طيبكم تكبر ولا تبغى عطر تسليمة ياشمر الامجاد واهل المفخرة=فخر ماهو مثله فلا يستاهل يسمى فخر شمر هل الطيب وهل السيف المحنى لا شره=شمر ذخر شمر فخر شمر سطر شمر ظفر شمر سنام المجد عين الطيب عود المبخرة=شمر كرامة ترخص الارواح وتبيع العمر شمر وياقف كاتب التاريخ وتضيق اسطره =شمر كتاب يحوي الامجاد حتى اصغر سطر اهل اللحيسة دافنين الجوع وسط المقبرة=ياسعد ضيف الشمري .. ولاهي مهونة بالبشر الذيب يحسب مثل قدر الضيف ماهي مسخرة=لا والله الا ذاق من خيراتهم طيب وقدر مااحدٍ على مر الدهر ذيب الغداري قدره=لكن على شمر عسير الطيب مايحسب عسر وان كانها بالرمح والا السيف ؟ ياسيف اشهره=فعل على وضح النقا لابه نفاق ولا غدر انتم حمول الخيل واهل الجيش فعل ومقدره=دام الطنا في روسكم من ينطح السيل ان حدر هذي فعول مثل عين الشمس تبقى مبهرة=سيرة بأحسن عطر للتاريخ بل فوق العطر واليوم ياربي لك الحمد ليله مسفرة =لعيون شمر يقرب المشوار ويهون السفر بعد الحفل طلب الشيخ مشل من المشايخ الكرام مرافقتنا لزيارة أحد أبناء قبيلة عتيبة الكريمة في وجاهة لحل قضية اطلاق نار من احد افراد قبيلة عنزة وكانت نتيجتها اصابة الاخ عايد العتيبي بإصابة تجاوزها ــ ولله الحمد والمنة على سلامته ــ وكان الغرض تقديم اعتذار للاخ عايد واسرته الكريمةوجماعته عن الاصابة والخطأ الذي حدث فما كان من مشائخ شمر الكرام الا ان استجابوا وبدون تردد .. لهذا الامر الشيخ مديسيس التمياط والشيخ وبران الكتفا والشيخ مشوح بن رمال والشيخ بجاد اللويش بيض الله وجوههم وقالوا جميعا : ( نمشي مع عنزة وقدامنا عتيبة ..كرام ويطلبون كرام ) ورغم المسافة ومشقة السفر الا ان الجميع تواجدوا في الموعد المحدد واتجهنا سوية من بريدة الى الرس ثم دخنة ثم مركز ابو جلال حيث كان في استقبالنا الرجل الفاضل رئيس المركز الشيخ بدر بن محماس الشغار الذي كان له فضل كبير في تقريب وجهات النظر والشفاعة لدى الاخ عايد العتيبي وشقيقه الكبير مسفر وفقهم الله بل واحاطنا هو وجماعته بكرم منقطع النظير وترحيب جعلنا نتيقن ان الدنيا بخير ما دام فيها مثل هؤلاء القوم الذين قدروا وجاهة الحضور وقدموا تنازلهم عن حقهم الخاص لوجه الله في تكرم لا يستغرب ابدا من قبيلة عتيبة الكريمة التي يضرب فيها المثل في جميع مكارم الاخلاق ومن هنا من مضايف عنزة ارفع لهم الشكر الجزيل على ما بدر منهم من صفات الرجولة والكرم والتقدير الذي اخجلنا يعلم الله وهذا هو دأب الطيبين والكرماء كما لا يفوتني شكر مشايخ قبيلة شمر المذكورين على تكبدهم عناء السفر رغم تعدد مشاغلهم ابتغاء وجه الله وتقديرا لطلب الشيخ مشل العواجي وفقه الله هذا الرجل الذي يهمه شأن قبيلته بلا استثناء فهو يحمل هم القبيلة ككل ..بعد انتهاء الموضوع استأذنت الجميع في إلقاء قصيدة متواضعة امام سمو قامة قبيلة عتيبة الكريمة يسرني ان انشرها هنا .. سلام الله عليكم يا وجيه الخير يا حضار=تحية من عبير الورد والنوار وزهوره تحية ود واجلال وتحية طيبه ومقدار=عليكم يا كريمين الشوارب تاخذ الدورة تحية من خجل تنصى عتيبة والعذار صغار=نقدمها من قلوب على الترحاب مفطورة تحية تنحني لاصغر عتيبي والصغار كبار=تقبل راسه وتستاذنه ثم تستمع شوره انا اشهد يا عتيبة والشهادة لله القهار=غديتوا بين سكان الجزيرة شبه أسطوره شغاميم لكم بالطيب ميراد ولكم مصدار= حرار من حرار من مواكر نادر صقوره عتيبة وان نطقته ياقف التاريخ لهم اكبار=جبال من مراجل والكرم هم غبة بحوره عتيبه سيف بنحور المعادي قاطع بتار=عتيبه طنخة تاطا الصعاب بنفس مسرورة اهل طيب وكرم لاشح ظرف ولو زمنهم جار=صيانيهم يعيش بها الضعيف بحال ميسوره واهل نخوة واهل فزعة ليا ركبوا بنات مهار=عوايدهم يفكون التوالي ساعة الثورة يزبنون الدخيل ويردعون خصومهم بالنار=بيوم ينتحر خيره ولا تستادب شروره لفيناكم وحنا ياكرام نقلط الاعذار=باسم شيخ القبيلة ودنا الغلطات معذورة حضرنا والطنايا في معيتنا لفوا زوار=نخيناهم وقالوا لاجلكم زورة ورا زورة لفوا من حايل ورفحا ولا يثنيهم المشوار=مادام عتيبه الهيلا يشعشع بالوفا نوره على مسفر نسوق الجاه والطلبات والاعذار=وعوايد زلة الاجواد بالاجواد مستورة لو ان العقل وافي كان بعض اللي حدث ماصار=لكن لاغاب تفكير البنادم يفقد شعوره وانا احمد ربي الله يوم عم بلطفه الستار=سلم شبل النشامى جعل ربي يشفي ضروره وحنا يا عتيبه كلبونا محملين اعذار=عن الويلان والزلة عساها اليوم مغفورة وسلامة الجميع

وانت سالم وغانم شاعرنا الكبير خلف الغريب

والله يعطيكم العافيه على المجهود وحل قضايا القبيله

وصح السانك عزالله قصايد ترفع الراس

صح السانك وبيض الله وجيهكم والف نعم بقبيلة عتيبه وشمر وعنزه

لك الود والسلام

وانت سالم وغانم

وبيض الله وجهك

وصح الساااااااااااااااااااانك يالبناخي لين ترضا

اشهد بالله انها قصايد وافيه

بقبيلتين تستاهل المدح


عتيبه وشمر وسبعة انعام اشهد بالله انهم كفوا من غير قصور بالقبايل الثانيه


كفيت ووفيت يابوغريب وشرفت قبيلتك يالبناخي

انت شاعر جزل وتشرف


ونعم بك

وبيض الله وجهك

رحلة خير والله يكتب لكم الاجر والثواب ولاهنت اخ

خلف الغريب على هذا الجهد وطرح القصائد الراائعه

تقبل مروري المتواضع

وصح السانك مدد لاعدد

المشاركة الأصلية كتبت بواسطة خلف الغريب

تشرفت بعد العيد المبارك برفقة الشيخ مشل بن رمضان العواجي في زيارة لقرية المنصورية الواقعة بين حائل والقصيم

بدعوة من الشيخ مشوح بن رمال أبو فارس راعي قرية المنصورية

الذي دعى العديد من مشايخ وشعراء قبيلتي عنزة وشمر للقاء الاصدقاء الذي يعقد بصفة دورية

وقد احاطنا الشيخ مشوح بن رمال واهل الحفل الكرام ببالغ الحفاوة والتقدير التي لا تستغرب من ابناء شمر الكرام

وقد تشرفت بإلقاء قصيدة في هذا المحفل الجميل وجهتها الى قبيلة شمر الكريمة

بعد الحفل تناولنا القهوة عند عدد من وجهاء ومشائخ القبيلة منهم الشيخ وبران الكتفا والشيخ بجاد اللويش في حفاوة بالغة وكرم متناهٍ..

ويشرفني ان انشر هذه القصيدة هنا في مضايف عنزة تأكيدا على عمق العلاقة التي تربطنا بقبيلة شمر الكريمة

القاف ساعة لازمه ما نعذره ما نعذره=يجي يجي غصب على الهاجس ولا عنده عذر

خص ليا سندته لدرب غصونه مثمره=يقطف من اعلاها ومن جنبينها حلو الثمر

وانا بلازم ربعي الويلان جهدي ما اذخره=والله يجملني مع الميقاف وابقا له ذخر

يامرحبا ترحيبة باحلى العطور معطرة=ترحيبة من طيبكم تكبر ولا تبغى عطر

تسليمة ياشمر الامجاد واهل المفخرة=فخر ماهو مثله فلا يستاهل يسمى فخر

شمر هل الطيب وهل السيف المحنى لا شره=شمر ذخر شمر فخر شمر سطر شمر ظفر

شمر سنام المجد عين الطيب عود المبخرة=شمر كرامة ترخص الارواح وتبيع العمر

شمر وياقف كاتب التاريخ وتضيق اسطره =شمر كتاب يحوي الامجاد حتى اصغر سطر

اهل اللحيسة دافنين الجوع وسط المقبرة=ياسعد ضيف الشمري .. ولاهي مهونة بالبشر

الذيب يحسب مثل قدر الضيف ماهي مسخرة=لا والله الا ذاق من خيراتهم طيب وقدر

مااحدٍ على مر الدهر ذيب الغداري قدره=لكن على شمر عسير الطيب مايحسب عسر

وان كانها بالرمح والا السيف ؟ ياسيف اشهره=فعل على وضح النقا لابه نفاق ولا غدر

انتم حمول الخيل واهل الجيش فعل ومقدره=دام الطنا في روسكم من ينطح السيل ان حدر

هذي فعول مثل عين الشمس تبقى مبهرة=سيرة بأحسن عطر للتاريخ بل فوق العطر

واليوم ياربي لك الحمد ليله مسفرة =لعيون شمر يقرب المشوار ويهون السفر

بعد الحفل طلب الشيخ مشل من المشايخ الكرام مرافقتنا لزيارة أحد أبناء قبيلة عتيبة الكريمة في وجاهة لحل قضية اطلاق نار

من احد افراد قبيلة عنزة وكانت نتيجتها اصابة الاخ عايد العتيبي بإصابة تجاوزها ــ ولله الحمد والمنة على سلامته ــ

وكان الغرض تقديم اعتذار للاخ عايد واسرته الكريمة وجماعته عن الاصابة والخطأ الذي حدث

فما كان من مشائخ شمر الكرام الا ان استجابوا وبدون تردد لهذا الامر

الشيخ مديسيس التمياط والشيخ وبران الكتفا والشيخ مشوح بن رمال والشيخ بجاد اللويش بيض الله وجوههم

وقالوا جميعا : ( نمشي مع عنزة وقدامنا عتيبة ..كرام ويطلبون كرام )

ورغم المسافة ومشقة السفر الا ان الجميع تواجدوا في الموعد المحدد واتجهنا سوية من بريدة الى الرس ثم دخنة ثم مركز ابو جلال

حيث كان في استقبالنا الرجل الفاضل رئيس المركز الشيخ بدر بن محماس الشغار

الذي كان له فضل كبير في تقريب وجهات النظر والشفاعة لدى الاخ عايد العتيبي وشقيقه الكبير مسفر وفقهم الله

بل واحاطنا هو وجماعته بكرم منقطع النظير وترحيب جعلنا نتيقن ان الدنيا بخير ما دام فيها مثل هؤلاء القوم

الذين قدروا وجاهة الحضور وقدموا تنازلهم عن حقهم الخاص لوجه الله

في تكرم لا يستغرب ابدا من قبيلة عتيبة الكريمة التي يضرب فيها المثل في جميع مكارم الاخلاق

ومن هنا من مضايف عنزة ارفع لهم الشكر الجزيل على ما بدر منهم من صفات الرجولة والكرم والتقدير الذي اخجلنا يعلم الله

وهذا هو دأب الطيبين والكرماء

كما لا يفوتني شكر مشايخ قبيلة شمر المذكورين على تكبدهم عناء السفر رغم تعدد مشاغلهم

ابتغاء وجه الله وتقديرا لطلب الشيخ مشل العواجي وفقه الله هذا الرجل الذي يهمه شأن قبيلته بلا استثناء فهو يحمل هم القبيلة ككل ..

بعد انتهاء الموضوع استأذنت الجميع في إلقاء قصيدة متواضعة امام سمو قامة قبيلة عتيبة الكريمة يسرني ان انشرها هنا ..

سلام الله عليكم يا وجيه الخير يا حضار=تحية من عبير الورد والنوار وزهوره

تحية ود واجلال وتحية طيبه ومقدار=عليكم يا كريمين الشوارب تاخذ الدورة

تحية من خجل تنصى عتيبة والعذار صغار=نقدمها من قلوب على الترحاب مفطورة

تحية تنحني لاصغر عتيبي والصغار كبار=تقبل راسه وتستاذنه ثم تستمع شوره

انا اشهد يا عتيبة والشهادة لله القهار=غديتوا بين سكان الجزيرة شبه أسطوره

شغاميم لكم بالطيب ميراد ولكم مصدار= حرار من حرار من مواكر نادر صقوره

عتيبة وان نطقته ياقف التاريخ لهم اكبار=جبال من مراجل والكرم هم غبة بحوره

عتيبه سيف بنحور المعادي قاطع بتار=عتيبه طنخة تاطا الصعاب بنفس مسرورة

اهل طيب وكرم لاشح ظرف ولو زمنهم جار=صيانيهم يعيش بها الضعيف بحال ميسوره

واهل نخوة واهل فزعة ليا ركبوا بنات مهار=عوايدهم يفكون التوالي ساعة الثورة

يزبنون الدخيل ويردعون خصومهم بالنار=بيوم ينتحر خيره ولا تستادب شروره

لفيناكم وحنا ياكرام نقلط الاعذار=باسم شيخ القبيلة ودنا الغلطات معذورة

حضرنا والطنايا في معيتنا لفوا زوار=نخيناهم وقالوا لاجلكم زورة ورا زورة

لفوا من حايل ورفحا ولا يثنيهم المشوار=مادام عتيبه الهيلا يشعشع بالوفا نوره

على مسفر نسوق الجاه والطلبات والاعذار=وعوايد زلة الاجواد بالاجواد مستورة

لو ان العقل وافي كان بعض اللي حدث ماصار=لكن لاغاب تفكير البنادم يفقد شعوره

وانا احمد ربي الله يوم عم بلطفه الستار=سلم شبل النشامى جعل ربي يشفي ضروره

وحنا يا عتيبه كلبونا محملين اعذار=عن الويلان والزلة عساها اليوم مغفورة

وسلامة الجميع

خلف الغريب

بيض الله وجهك يابو خالد وصح لسانك لين ترضى

ومليون نعم بالرجال اللي ذكرتهم من الويلان ومن شمر ومن عتيبه

نعم الدنيا بخير ولله الحمد بوجود المناعير مثلهم وشرواهم وتبقى الدنيا بخير

جزيل الشكر لك على طرح هذا الموضوع وهذه القصائد الدرر


دمت بحفظ الرحمن

الأديب القدير خلف الغريب

وأنت سالم وغانم الف صح لسانك وبيض الله وجهك على أتحافنا هنا

كعادتك وعز الله أنك تنومس طول عمرك ولا يستغرب الطيب من أهله ,

حضورك غير وقصيدك غير خصوصا في هذه المواقف المشرفه

بانتظار هطولك لا تتأخر


تقبل اطلالتي

كفو ياخلف عزالله كفيت ووفيت

انت والشيوخ اللي معك كثر الله من امثالكم

وماهي غريبه عليكم ها المواقف


صح السانك مليون

وجهك ابيض دوم ياخلف
صح لسانك عدد حروف هذه القصائد وألف نعم بالطيبين من شمر وعتيبه وعنزه

وانت سالم ابو سلطان ويعطيك العافيه وصح لسانك لاشك

اهل الطيب مايلقون الا الطيب مثله والله يكتب الي فيه الخير والاجر

باذن الله ويعطيك العافيه