أتخيلك .. كل ماأسدل الليل ظلمه غيابك في سماي .. وأحتريتك .. وكل ماأرخى الحنين جفني وغفى في صدري أنيني .. ومانسيتك .. وكل ماتمطر سحاب الشوق على صحرا المشاعر .. ولارويتك ..
أتخيلك .. في زوايا غربتي ..وأجمل مراحل قصتي على ذاك الطريق .. تاخذني للدرب البعيد .. لـ ذكرى سوالفنا .. تذكر ,,!!
كانت الساعه أمان .. في ليله لقا
على جال البحر .. في ذاك الركن
نكتب على الرمله شعر ..
مره قصيد .. مره نثر
ومره قلوب نسكنها وطن ..!!
أذكر إنك مع كل نسمه عطر ..
تلتفت بشوق .. وتناظر عيوني ..
وأستحي ..لاتفضح النظره سكوتي .. وتسألني ... تحبيني ..؟؟ آآه ياعمري .. وبعد تسأل ..!!
كل مافيني يحبك ..
كل شي يعترف لك ..
نظرتي .. شوقي .. هيامي
رعشه يديني بيدك .. ياأصدق من على الدنيا بشر .. وياأطهر من على بالي يمر ,, وياأغلا من سكن روحي والنظر .. تدري إنك أماني .. وفي عيونك مكاني وأدري إني من عرفتك .. ماعرفت بعدك أسامي لحظه فيها سهيت .. مع سؤالك وماإنتهيت جاوبك قلبي وخفق .. دون ماأشعر نطق .. إيه أحبك .. إيه أحبك .. إيه أحبك .. ودي ماأسكت أبد ..!! وإبتسمت .. ولك همست كافي واللا بعد ..!! تذكر ..!!
أتخيلك .. كل مالملم شتاآت الروح فيني وضعت .. وين أروح ..؟؟ وأنا أسكن خراب .. وأعيشك سراب كل ماأغمض أشوفك .. تحضن يديني كفوفك .. وتناديني .. تعالي ..إقربي مني .. تعالي ..إحضني همي .. تعالي .. إنعشيني قبل موتي .. وإسكنيني عفت روحي من أشوفك تزهر غصوني أغاني .. ويصبح بصدري مواني .. تحتويني تعالي قبل مايفوت القطار .. وننتظر رحله سراب في نهار .. ضميني .. وإن كانت الفرقا قدر ماأبيني ,, ماأبيني لحظه يادمعه عتب .. الوهم أصبح غضب .. المصيبه إنك خيال .. وحلم تاليه إنهيار .. آآه يالحظه وصالك .. صارت بعمري محالمحال محال !!
وأرجع على فراش الغياب ..!! أتوسد أحزاني دموع .. وأتلحف لحاف الجروح .. وأعلن حداد المشاعر كل ليله لك وأنوح .. لين فارقت بخيالي ألف روح .. ومالقيتك.. ولا سليتك .. في كل ليله.. أتخيلك ..!!
الإهداءات
« آخـــر الـــمـــشـــاركــــات »
| 
|
أتخيــلك ..!!
العرض الشجري