و .. . شنهي آخر أخبارك ؟

و .. . شنهي آخر أخبارك ؟
عساها مثل ما كانت .. .
علومك طيّبة و بخير ،
عسى للحين تهديهم ..
فرح عمرك /
عمر فرحك .. .
وترفرف في سماهم [ طير ] ،
عسى في غيبتك عنّي .. .
حنيني بـ. الخفا زارك ؟


حبيبي :
حيل ( واحشني ) .. .
و طيوفك تشبه السكّين ،
نصل سكّيني ذابحني !
ولا أدري زمانك .. .
وين ؟


عسى للحين يا ناسي .. .
[ وعودك ] تذكر أيّامي ،
عسى للحين تذكرني !
عسى تطري لك أحلامي ؟


و إذا تعني لك أخباري ؟
تراها حيل تتغيّر ،
مـ عادت ضحكتي /
ضحكه !
حزينة ..
و ذابلة ،
و .. .
( صفرا ) !


و إذا للحين لي خاطر ..
وعندك لي حبيبي شان ،
يهمّك تعرف اللي صار ؟
تراني فاقده نفسي ،
و .. .
[ كسرني ] بُعدك الكافر !
عسى ما يوصلك ياسي ،
و عسى ما ينكسر لك حلم .. .


عسى مرتاح من دوني ،
عسى كل الحنين إنزاح ..
عسى ذاك الهوى روّح ؟
مثل ما رحت وتخلّيت ،
وأنا اللي أحسبك ( عوني ) .
وأنا اللي أحسبك ( عوني ) .


أبد .. .
أبد لا تهمّك أحزاني ،
ولا تحاتي دموع العين !
ولا [ غصّاتي ] وأشجاني ،
ولا جرح الشعور اللي .. .
نبت في دفتر أيّامي !


و بـ. أبقى بداخلك :
( طفلة ) !
تعدّى عمرها العشرين ،
و ظلّت تحتريك سنين .. .
ولا شابت ترى للحين :


تبيك بعافية .. .
وبـ. [ خير ] ،
تبيك بـ عافية وبخير !
تبيك .. .
بعافية !
وبـ خير .





للعذبه شتات..

:

وخآلقي انت العذب .. على هالاختيار الجميل والراقي ..

لا عدمتك يا فهد .. شكرا من الاعماق ..

:

العذب لا يأتي الاّ بالعذب ... راقني ما قرأته كثيراً ,,,


تقديري لك أخي فهد

صح لسلنك ونقلك العذب

المشاركة الأصلية كتبت بواسطة عبدالعزيز الوادي

:

وخآلقي انت العذب .. على هالاختيار الجميل والراقي ..

لا عدمتك يا فهد .. شكرا من الاعماق ..

:

يسلموووو الغالي ابو وادي ولا هنت على مرورك الرائع يا بعدي

المشاركة الأصلية كتبت بواسطة عويد بدر الهذال

العذب لا يأتي الاّ بالعذب ... راقني ما قرأته كثيراً ,,,

تقديري لك أخي فهد

لا هنت اخوووي عويد على مرورك العذب

المشاركة الأصلية كتبت بواسطة خالد القنفذ

صح لسلنك ونقلك العذب

تسلم يا بعدي