واللــه ، وتـــمــدّنــا ..!!!!!!!

((تـــمدّنـا ))

والله ، وتمدّنا ..
وصرنا مانعَـْرف الشاي ..
إلا بثلج !! .
وكن الشاي مزروع بشوارعنا ..
وكن الناس تمشي في شوارعنا ..مع الإترنج .
يابنت كوني واقعية ..
بي صداع ، يحتاج يتبلسم على جالك ..
ولكن ..
مو بهذا البنج .. !
الغنج ساعة وينطفي
وانا اشتهي عمر يشعلل بي رجاف السرج !
زمااااا ن عدّت من هنا.. مراكب الإغريق
وعدّا من هنا ركب المُثنى..
وعدّوا بيض..
عدوا زنج.
العصر ( أذن ) ..
والغروب يلوّح بكفه تعال..
واحتال ..
أضحك على نفسي وأطمنها وأنا أرتج .
ماعاد في نفسي ظما
إلا لبوابة سما ،
أطقها.. وآهج .
النخل إلى منه كبر..
ينسى مواعيد المطر..
والبلبلة والعج !
روحي بتاريخ السحاب..
الله معك..
أنا ب أروح الحج.
(*)
ياغبية..
كل هالأيام مرت..
وانتي انتي..
تزرعين الثلج في جمري..
– بزعمك بانطفي - !
لا واللطيف اللي لطف
ماكان زرع اللي زرعتي..
كان هم ، وضاع فيني..
دوريه..
وإن لقيتيه اقطفي.
إحلمي ..
لكن وش آخر هالتماهي بالهروب..
أتحضّنك..
لكن أحس إنك معي ..
وإني معك.. بس مختفي ؟!
غلطان من يحكم على التغريد..
ماكل تنهيد يلجلج في الحنايا-
محتفي .
يا حالمة..
ماكل من يسكت حليم ..
ولا كل من زارك وفي.
(*)
وش رايك تشقي القناع..
وتمسحي لطخ الدهان
وتنزلي من فوق هالمسرح دقيقة ؟
وش رايك تكوني شعاع
ينبعث لآخر خيال بعتمتي مرة..
أو تكوني حقيقة ؟
مايفرّق هالنسا عن بعضهن..
غير إنهن يتشابهن في كل شي-
الا الطريقة ! .
الصخب والعدل الأعمى..
والمدينة والضجر..
نار وحريقة.
مانبي غصن يبس
مانبي وجه عبس
ولا نبي أصلا .. حريقة
إقربي أكثر من أول
طفلك المجنون الأول
جد شيٍ في طريقة.
بس لين الحين والله ..
في ظمااااااه
طايح ولا ابتل ريقه
بللي ريقه


____
الشاعر صالح الشادي - القريات

كما للنظم وهج ابداع
للنثر وهجٌ مثله

فهد

انتقااااااااء راااااقي
صح ذووووووووقك يالغالي

صح لسانك ونقلك واحساسك الجميل

صح انتقاء الرائع اخى فهد

تقديري لك

:

فهد ذآئقتك تطربني الله لا يحرمني منك يارب

:

.*
ذآئقه رآئعه بروعتك
كل الشكر فهد ع الانتقآإء
ودي ..~

مشكور فهد
نقل أكثر من رائع
أستمتعت بقراءة الخاطرة كثيرآ
عافاك المولى على نقل جميل الكلام

سلمت اخوي فهد ويعطيك العافيه

تقبل تحياتي ومودتي وتقديرري

الجوال

المشاركة الأصلية كتبت بواسطة سعود المطرفي

كما للنظم وهج ابداع
للنثر وهجٌ مثله

فهد

انتقااااااااء راااااقي
صح ذووووووووقك يالغالي

الذووووق مروووورك الكريم اخووووي ســعود

يسلموووو خالد على مرورك الكريم