يومنها بالسيف والرمح والخيل بصوت الاطرق بن بدر الهذال ...

يومنها بالسيف والرمح والخيل
نملك مزايين الأبل مع فـحـلهــا

بصوتي

مغناه بصوت احد الشباب

ياصاحــبـي كـنّـا ونبقــى حــلاحـــيـل =

=للمجــد نرقـى فــوق قـــمّــة جــبلهـا



افـهـم عـــدل لاتـأول الوضــع تأويــل =

=والكلمـه العـوجا مـن المـزح شـلـهـا



يومنهـا بالسـيف والرمـح والخــيـل =

=نملك مـزاييـن الأبـل مــع فـحـــلـهــا



نغير في وسط الضحى واوسط الليل =

=ونجيبها غصبٍ عن خـشـوم أهـلهـا



ويـلان حــنـا فـعـلنـا لـــه دوالــيـل =

=نردم عـلـى كـبـد المعـادي عـللــها



وان زغردت ام الرموش المظاليـل =

=وقامت تناظـر كـيـف ردّة فـعــلهـا



نشوش من زود السطر كالمهابيـل =

=والمـوت احـلا عـندنـا مـن عسلهــا



مـتوارثين المجـد جيـلٍ ورى جــيـل =

=فـتخــيـن الأيـدي كاسـبينـن نفـلـهـا



ويلان حنا أهل الكـرم والمعـامـيـل =

=عــاداتـنـا ماغـــيّـرتـهـا فــــللــهــا



لضيوفنا نذبح من السمّــن الحـيـل =

=وقصـيرنـا مــاراح يشـكـي مـللــها



والحـمـد لله يـوم صــارت تساهيـل =

=جاها السديد بديـن ربـي شمـلهــا



يكفي يمثلنا مـن النفـس حلحــيـل =

=مشعـل أخـو نـوره بجـوده كفلهـا



مادام صارت بالذهـب والتهــاويـل =

=واحيت علينـا عنصريـة جـهـلهــا



ماعـاد نبغى من وراهـا محـاصـيـل =

=وقـلـوبنـا للخـيـر ربـي عــــدلـهـا



نعطي الفقير اللي شكى العوز والويل =

=وام اليتامــا بذلـنـا قـــد وصـلــهـا



وضعيفنا نرفى خماله عـن المــيـل =

=اخير من دفـع الفلـوس بجـمــلهـا



ونذلل ظـروف المساجيـن تذلــيـل =

=ونعتـق رقـابٍ دافـع الله أجــلـهــا



ياصاحبي نقدر وفينـا لهـا حــيـل =

=ونملـك ملاييـن الفلـوس وهـللـها



واذا رغـبنـا بالليالـي المـقـابـيــل =

=تشوف ويلان السعـد وش عـملهـا



قـلته وانـا مـاودّي القــال والقـــيـل =

=حسبي على اللي حيييل كبدي دبلها

مشكووور همس المشاعر على مرورك ...

يعطيك العافيه ولاهنت على النقل الرائع

صح لسان الشاعر الاطرق ولسانك يالغالي بصوتك طلعت روعه لله درك اشكرك على الغيره بارك الله فيك وتقبل اعجابي بك



النجادي

يعطيك العافيه يالغلا ..

طرح موفق ..

ودي لك ..

✿
يعَافيكـ ربي على اَلطرح آل فيصـل ..
✿

يعطيك العافيه اخوي آل فيصل على نقل قصيدتي المتواضعه

تسلم أياديك ولا هنت يالغالي

تقديري

ال فيصل

يسسسسلمو على النقل الرائع

يعتطيك العافيه ال فيصل

هذه القصيده من اجمل ماقرات با الفخر والحكمه

شيخه من شيخات القصايد

صح السانك يابو سلطان ولاهنت