( اطـفـال المـشـاعـر )

يافاتـنه لو جبتي العشق كله = مثل السنابل والمطر والخزاما
عيني على بُـعـد النظـر مستقله = لو أتبعك خالفت شرع النشاما
وأنا دليلي غير كل الأدله = أدل وأن ظليت دربي تعاما
أن قلت أحبك وأعرف الحب عله = وصدري ضلوعه من زماني تواما
عز الغرام بداخل الصدر ذله = لاصارت أطفال المشاعر ْيـتاما
كم قلب حي من الغلا مات كله = وياما قتيل من الغلا حي ياما
والدمع لا يمكن على الحب أهله = مالي على دمع المحبين لاما
للحب مله .. للغدر الف مله = وأنا ملول من الهوى والغراما
أنا بدوي والحب كـاده وفـله = مابـيْـه وأعرف كيف أشم الخزاما
كأني عـقـدت الوضع ربي يحله = وكأني دفـقـت الما بحوري تزاما
أمــوت وآقـف .. ما أعـيـش الـمـذلـه = وأغــيـب حـاضـر مـثـل كل الـنـشاما

.



.

صح لسانك اخوي الغالي منصور على ماقدمته من أبيات في قمة الروعة

يشرفني ويسعدني المرور بمتصفحك الذي يحمل درر من ذهب
لاهنت يالغلا،،،

الشاعر / منصور الرويلي


قصيدة مميزة وجميلة
وحروف ومعاني أصيلة
أجدت وأحكمت وأبدعت

بيض الله وجهك ودمت ودام نزف قلمك ..

جميل ورائع ماقراته هنا

هنا قمة الشعر الوجداني الجزل

احسنت وصح الله ابدانك

شاعر لك بصمه اين ماكنت


تقبل مروري

صح لسانك..كفو أبو نايف

ودام نزف قلمك

ودي وتقديري.

صح السااانك ابونايف

وتسلم على ها الاتحاف الجميل


تحياتي وفي انتظار القادم

عز الغرام بداخل الصـدر ذلـه
لاصارت أطفال المشاعـر ْيتامـا
كم قلب حي من الغلا مات كلـه
وياما قتيل من الغلا حـي يامـا


الله الله

منصور الرويلي لله درك قصيده وافيه كافيه شافيه

صح السانك وكلك يامبدع

صح لسانك اخوي منصور ويعطيك العافيه تقبل تحياتي

ومودتي وتقديري

الجوال

خالد الجعفري

الشكر لك يالغالي

مع تحيتي وتقديري

لله درك أخي منصور .. تزدان وتنتشي بإسمك حروف وابيات القصيدة .. صح السانك مليون ولايكفون

ودي وتقديري