مستبيح عروقي

بسم الله الرحمن الرحيم
محاوره بين الحرامي والسجان عسى ان تنال اعجابكم

يـا حبيـبٍ بالحشـا منزالـه=والله انـه مستبيـح عـروقـي
صرت منه بحالـةٍ يرثـى لـه=والهواجس لخبطـت منطوقـي
ذقـت منـه بغفلتـه فنجـالـه=قـال حـذرا لاتعـود البوقـي
قلت مدري كيف منـك احتالـه=قال اعطيه برغبتـي وبشوقـي
قلـت ذق فنجالـنـا بـدالـه=قال انا اعرف كيف ارد حقوقي
اتركـه حتـى يجـي مجالـه=وكل مطـرودً عليـه لحوقـي
بـد ماترميـه سـؤ اعمـالـه=وانتشي به مع مـزاج وذوقـي
واحكمه في حكم ما يرضى لـه=واسجن السـراق بالمسروقـي
سجنه اللي صعب فـك اقفالـه=والسجيـن بداخلـه موثـوقـي
واسأله وشلـون عـاش لحالـه=وكيف وضع السجن داخل موقي
هو رحل وانا سكنـت اطلالـه=وان ضحكت بعبرتي مخنوقـي
والليـالـي طبعـهـا ميـالـه=كم بكى من جورهـا مخلوقـي