OOoكاميـــــرا مضايف قبيلة عنزه الخفيـــــــهoOO

السلام عليكم ورحمة الله وبركاته


صباح يحمل في حناياه عبق الربيع
مساء جميل بكم ولكم



برنامج ( كاميرة مضايف قبيلة عنزه الخفيه ) .. يعني سوينا مقلب في كم عضو ...

وارسلنالهم ع الخاص كل واحد رساله

ونظرا للحالات الجويه

اضطرينا للتفليص (الاعتراف) بالسالفه



نحن جدا مضحكون ياليتكم تعلمون << أغنية بداية البرنامج




أولاً أعرفكم على مقدم البرنامج


المقدم الأول في الشرق الاوسط : معروف على مستوى العالم لديه عالميه وحائز على جائزة الأوسكار في لعب البلياردو < شدخل: ( رفيع الذوق )

الضحايا
( نشوة العز - نواف العنزي - عبدالكريم ابو زهره - انثى ملائكيه - شموخ عزي - شبيه اللول )



وهذي الرساله اللي تم ارسالها للأعضاء سواء بنات وشباب


السلام عليكم
أتمنى تتقبل/ـي كلامي بصدر رحب
بصراحه أنا لاحظت عليك كثرة ردودك ومشاركاتك
وقلة مواضيعك كله مشاركات وبس بدون مواضيع
واحب اني اقولك بدون مقدمات ومجاملات سخيفة انك زودتها/زودتيها شوي حبتين مع الاعضاء
ياليت لو تنتبه/ـي للكلام الجارح الي تقوله/تقوليه لان في ناس يتظايقون منه
وبعدين لاتحاول/ـي انك تهمش/ـي احد مرة ثانيه وتكون/ـي متحيز لناس وناس
وايضا ملاحظ/ـه انك تتحيز/ـي لناس بالمنتدى وترد/ـي على الي يعجبك
وبما اني عضو بهذا المنتدى مطلوب مني انتقد أي عضو أو مشرف يستاهل النقد
وشكرا


بس للاسف الشعب كله مطنش

محد رد علي تهئ تهئ

ع الاقل لو مهزئيني شوي كان ودنا نضحك ههههه


كان ودي انتظر ردودهم يمكن يفكرون وانزلها هنا ونضحك

بس خفت يفهموني غلط ويصدقون هالرساله

وياخذون عني فكره مب زينه

واستعجلت بتنزيل هالموضوع خوفا على مشاعر

اخواني وخواتي الاعضاء

لانهم بصراحه ماينلامون فيني وقسم لو مكفخيني بقول عادي

لان الحركه ثقيله حيل مو شوي

فديتهم واحد واحد وربي اني اخترتهم للمقلب لانهم اقرب اخواني لي هنا

وماالومهم حتى لو اشتكوا علي عند الاستاذ ابو سلطان

اللي ورب الكعبه مدري وين اودي وجهي منه << متقطع من الفشله خخخخخ

الوكاد ابو سلطان احرجني برده التالي:




عنوانها : ابو سلطان هذي رساله خاصه جايتني

السلام عليكم ورحمة الله
اخوي العزيز رفيع الذوق
ماتوقعت منك يالغالي انك ترسل هالرساله لمراقب باذل كل جهده بكل الأقسام . وأسلوبه طيب مع الجميع وأنا اشهد له بهذا الشي
علمآ ان له مواضيع اخرى كثيره في اقسام محجوبه عن الأعضاء
وراح نفتحها قريبآ
وأنت تعرف اننا في البدايه ولازم نتكاتف كلنا
رجائي الأخوي انك تكون سند لأخوك ابو سلطان وهذا اللي اتوقعه منك . وأبيك تشد حيلك معنا ويشهد الله اني فرحت بوجودك وبمجهودك وأستبشرت خير
رجائي ماأبي هالشي يتكرر مع اي مراقب
وأذا عندك أي ملاحظه على احد اكتبها لي بالأقتراحات
وأنا اتولى امرها
اخوك/ ابو سلطان





على راسي والله يابو سلطان وانا آسف على هالحركه






نزيع والا مش ه نزيع

لوعاوزين نزيع ه نزيع ولو مش عاوزين مش ه نزيعش

<< زكيه زكريا خخخخ





اخوكم/ رفيع الذوق << يدري بيتكفخ خخخخخ

تعالوا تعالوا ههههههههههههههه

صدنا واحد جاء مطبح على وجهه


الا وهو الاخ/ عبدالكريم ابو زهره


وهذا رده بالرساله الخاصه :

وعليكم السلام ورحمة الله وبركاته

حياك الله اخووي

ويسعدني انتقادك .. وينورني

اولا انا ماني من المتحيزين يالغلا

انا داخل المنتدى عشان اوقف مع ربعي وجماعتي واساندهم باللي اقدر عليه

وماهوا شرط اقعد ارد على جميع المواضيع والمشاركات...

انا ادخل واشارك في المواضيع الجديده..واحاول اني ما اكثر مواضيعي والسبب المنتدى توه جديد ..ولو انا نزلة مواضيع زي ما ينزلون باقي الاخوان الله يعافيهم
ماكان تلاقي فيه ردود كثيره يعني انا ادخل وغيري يدخل ويلاقي مواضيع اربعه او خمسه محد راد عليها..بدلا من اهمالها ارد عليها عشان اقل شي نحس بطعم الموضوع.. وانا وقتي مو كله من حق المنتدى انا عندي التزامات متقيد فيها

ويادووب ادخل واقرا كم موضوع وارد عليهن واروح لقسم التصاميم اشووف طلبات الأعضاء,, بعد لهم حق علينا... ولا وش رايك

وعلى فكره ترا انا ماني من اللي يدخل على الموضوع ويرد على العنوان لا خيووه

انا اقرا واستفيد بعدين ارد واعطي الموضوع حقه ..

ولو كنت من اللي يدخل وينزل اي رد وبس ماكان استفدة.. صح ولا انا غلطان

وبالنسبه لني انا جرحت اذكر لي اخووي شي جرحتك فيه او جرحة احد الأعضاء ..

وانا بأنتظار اقتباس كلامي اللي جرحة فيه احد


تحياتي وتقديري



ابو زهره وقسم بالله ماشفت منك الا كل خير

ولو منت عزيز وغالي مااخترتك لهالمقلب

الوكاد عليك بالعافيه تكبر وتنسى

وانا آسف وربي مفتشل منك ياعزيزي

خشمك خشمك ,, احترامي لك

ههههههههههههه

اشوى اني ماصدقت كلامك ولا كان صارت علوم<<اخص يالوااثقه

مقلب روووووعه ولله بس ماضبط معي<<خربتهاا عليك^_^

يعطييييك الف عافيه خيووووو

ولي صدق نقوله تعيش وتاكل غيرها^_^

تحياااااااتي...

ريميــــ والحلا ليه ــــــــه

ههههههههههههههههههه رفيع الذوق انا فاطس ضحك ورسالة ابوسلطان تخصني لاكن مقلب بصراحه قمة وفي نفس الوقت ضيقت صدري قلت معقوله كل هذا فيني ( عوذة ) بس ابشر بالمقلب اللي يحبه قلبك بس مو الحين
ويعطيك الف عافيه على هالفكره بصراحه ابداع ابداع ابداع

افا يانواف طاحت على راسك

هههههههههههههه انت الي قلت للاطرق فاطسه ضحك وربي

تكبر وتنسى يانواف^_^ انت وعبدالكريم هههههههههه

عليكــــــــــــــــم واحد^_^

اختي نشوة العز فكك الله والا وقسم بالله كنت بموت من الضحك لو انك راده



الوكاد الايام جايه وبشبعكم مقالب << هذا والله البلشه خخخخخ


اخوي الغالي نواف وقسم بالله اني فطست من الضحك

هههههههههههههه

اجل اكلت المقيلب خخخخخخخخخخخ

ورب الكعبه ان اسلوبك وتعاملك مع المواضيع عكس اللي بالرساله تماما

وقسم قسمات ان زبدة المقلب انكم تعصبون ولو ماعصبت مالها طعم

مع انك ماعصبت حيل ودي تكفخن خخخخخ

لاياخوك ان جيت للصدق عصبت عشان كذى ماحبيت ارد ^_^ ووجهتها لابوسلطان
بس تسلم على هالمقلب بس انتبه لاتطيح بواحد شراني ^_*

^^^

حبيبي انت يانواف

اجيبلك بيره ؟؟ ترا المقلب دسم شوي خخخخخخخخ

آخوي رفيع كلنا آكلناه ..

بس اكتشفت انه مقلب لانكـ آرسلت نفس الرساله لي ولااختي ملائكيه ..

..

مشكورين على الروح الرياضيه إللي بينكم
وصدقوني لو أنا طايحه بهالمقلب كان بكيت على طووووووول
مشكور يارفيع الذوق بس تكفى خفف مقالبك